洗唔洗跌得咁快丫??

有乜野跌得咁快?? 咪就係酒席價錢囉, 雖知到最book 酒席一定係會貴d 架啦, 但唔洗短短2個月就平咗$600 一圍丫. 我深明唔book 酒席其他野都confirm 唔到, 但係都幾用痛下

丙丙安慰我話d 菜式唔同架… 有乜大分別喎? 字眼上, 講真, 如果係以佢地現在的菜式, 比起好多都已經好好多架啦.

唉!!! 無法啦, 唔book 都book 咗, 想太多都無用了

不過未book 酒席的朋友, 呢間真係可以想得過架!

又一好食同抵食之推介@馬老闆

上回我介紹咗東港島的權發飯店, 今次我想介紹九龍區另一間又平又好食的飯店

真係唔好意思, 呢間係一間不能公開店名的食店, 當天我拍攝其間, 佢問我係拍來做乜的, 我話我自己留念而已, 佢千叮萬囑叫我唔好post 上網, 因為咁樣所以會令到佢地好麻煩. 其實我都明白的, 所以想知呢間食店的朋友, 就私留吧!!

我地今次點咗唔係好多野, 菠蘿咕嚕肉 -- 雖然無之前响生記飯店咁好食, 但之不過價錢平好多好多, 酸甜適中, 肉唔會太肥, 之不過粉漿厚咗小小

推介好食又抵食之權發飯店

權發飯店 -- 平、靚、正... 真係掂丫

XO西蘭花帶子桂花蚌 ($108), 超大碟丫,食來食去都唔完, 最後仲有一半無食. 帶子同桂花蚌都好新鮮, 唔會話得幾隻, 份量真係好足

男禮之選@E-Rave

我咗expo 到除咗join 咗 新婚情報之外, 我仲佢咗e-rave 到比咗$200 deposit

大家唔好唔會, 我尋日先講 join 新婚情報已包男禮, 點解又join 呢?? 其實佢地個deposit係hold package, 佢地話呢個package 只係會展先有, 仲有佢地唔係次次都會有booth.

講番個deposit 先, 我地比咗$200只係hold package, 寫到明唔需要任何理由, 可以refund 番$200... 咁講法即係只會有我地benfit 啦

佢地d衫有分訂做同租, 訂做可以免費改回上班西裝,.

禮服以長度而分3 class:
租: $980; $1,180 同 $1,380 (包背心同bow-tie) 4日3 夜
訂造: $3,080; $3680; $4,380 同$5,680 送bow-tie (如果唔會bow-tie 可轉恤衫)

其實我想叫丙丙做, 反正都可以轉番做要裝, 咁會fit 身d, 平時佢做西裝都要呢個價啦, 唔會差得遠. 仲有佢地d 衫都唔差, 仲要係炒飛甩雞毛tim

不過唔洗想咁多住, hold 咗先, 而家要搵下邊到做恤衫平

Website: http://www.tuxedoerave.com/

 

超衝動下之租衫篇@新婚情報

唔知太家之前有無睇過小馬"我的低能婚禮呢"? 我記得有一幕係講述新娘子本來話唔花錢, 樣樣野都要慳, 但係去到店舖, d 職員拎d 好靚的野出來比佢睇之後, 好靚好靚, 就係咁就乖乖送上金錢

我地去完藏愛之後,下一站就係新婚情報, 我地睇相就有幾多我鐘恴的衫, 唔知係咪見我鐘意, 佢拎咗好多靚EG 出來比我睇, 仲有係WG, 真係好其他好唔同, 我開始明白d 人話有叮一聲的感覺, 佢地話佢地d 衫係noel chu design, 呢間店係佢爸爸開的, 真係sorry啦, 我一向對design一d都唔識, 更加唔識邊個係noel chu, 咁佢話有乜乜名人著, i don't care abt this

佢拎咗幾件WG 比我睇,真係件件都好得丫, 係我鐘意又多水晶, 又閃, 又grand 的style, 佢話呢d march-in 時開半燈, 又閃又靚, 佢地有好多民俗style 的衫, 不過佢話呢D 唔係我的style, 跟住拎咗d 紫紅A-line 裙, wow 敬酒一流丫.

不過佢地的package 真係好貴, 我地都想咗好耐, 因為佢地又係有分grading, red-label 同blue label, 我無意間睇咗佢地的WG blue lable, wah wah wah, 真係超靚丫, 價錢仲靚,要加3.5K 呢, 唔記得講red-label 都要加1200

雖然係貴, 但係丙丙見我咁鐘意就話join 呢, 宜家番想我未必會join 囉, 雖然係靚, 但真係好肉痛, 我地要再慳錢先得啦, total 1WG + 3WG (all red label)+2男禮 (可轉媽媽衫)+1褂 ... total 7 件... $12K

番到來睇esdlife, 發現d人評價好壞參半, 真係有d 擔心, 不過我尋日去咗佢地店舖睇下係咪真係咁差, 又唔係喎, 我見幾多人試緊衫, 個個都試得好開心喎.

我有問丙丙點解唔stop 我, 佢話你"鐘意"2個字已經寫咗响面到...

I'm such a spoiled girl... so happy nei 

  Love you!!

Wedding Expo之租衫篇

今次去會展, 除咗去睇場地佈置以外, 我地仲主打睇租衫, 今次去睇咗4間, 仲好衝動之下決定咗租衫tim.

Perfect Couple
WG $1488; 男禮$488; EG$1000 1件 / EG$1800 2件
平就真係好平, 仲要無分grading, 不過唔係有好多鐘意的A-Line, 仲有係WG 唔夠閃, 不過以價錢來講都係好吸引

Website: http://www.perfectcouplew.com/

Vanesse L.
佢地的WG 都幾靚, 1 WG+1男禮 $3688 / 3EG$5238 / 1WG+1EG+1男禮+1伴娘禮服$5980 / 1WG+2EG+1男禮+1伴娘禮服$6898, 不過佢地係有分grading.. upgrade to diamond line $2K, upgrade to Ruby line $800, 我唔知佢地有幾多衫係要加錢, 不過佢地d 衫都幾靚喎, 係我杯茶, 不過有一樣野唔係, 就係有d 有手袖, 有d 太大露背, 好似著唔到girdle, 咁會唔唔修唔到身呢, 你知啦, 著girdle 要大得大, 要細得細, 真係好掂架嘛

好似以下呢件咁, 連手飾都唔洗想丫

雖然呢件D 水晶好靚, 不過有袖....

大露背大家又點睇呢??

Website: http://www.vanessel.com/wedding.htm

藏愛
佢地package 係無leflet. 真係唔係咪人人唔同價, 仲有佢地D 衫都係有分grading, 不過佢d衫完全唔係我杯茶

其實我好唔冷靜之下即場訂咗租衫, 係邊間?? 下回再講...

囍之佈置@101 Forest

呢一間佢的design 都幾特別, 佢地都有design 的backdrop, 仲有係用布做的backdrop

雖然話用布, 但係佢地出來的效果同其他公司好唔好, 佢地會用有pattern 的布, 會睇到好有層次感, 都唔錯喎, 仲有佢地的package 差唔多乜都包曬, 唔會每一part 都要加錢, 計落一D都唔算貴

Standard Package HK$6,900
1. Backdrop (8*16)
2. For Spotslights
3. Cutting Ketters
4. Reception Decor (Skirting, Reception glasswares, Floral arrangment)
5. Photo Table Decor (Reception glasswares, Floral arrangement)
6. Photo Easel Decor
7. Cake Table Decor

如果加design logo, a pair of flower stands / crystal lights 同 welcome board 都只係$7999

如果咗會展都join package, 佢地只需要+1800 就會有毛毛地毯, 如果2手就只需要$900

101 Forest : Website

再會Wedding Expo 場地佈置 - Kands Floral Decoration

今次去Wedding Expo 有兩樣野想睇, 一樣係場地佈置, 而另一樣係租衫

我地想靜靜地慢慢睇, 所以我同丙丙都請咗半日假.

之前我睇我場地佈置, 大多數的backdrop 都係用雪紡或者絲絨, 但今次呢間佢主打係design 平面的backdrop, 佢地出來的感覺好唔好, 我見有d 人會用見己的想去做, 不過比著我地一定唔會. 好似有d 廣告feel 咁

不過呢個backdrop 比我地的感覺同之前果d 真係好唔同, 有時代感d, 真係靚好多

不過佢地的價錢都唔平, 去到會展其實都無price list 架, 佢地話個曬backdrop + reception + cake desk around $7K

um... 都唔係平, 再睇下先

Kans Floral Decoration: Website

囍之婚禮攝錄 Gary Li - Confirmed

雖然我無好似人地咁個個攝影師都去見一見睇下識唔識合自己, 但係對我來講我想搵有自己風格又要適合自己budget 的.

Gary Li 係我見咁多位攝影師中最識合我風格的一個, 仲有佢係數相先比最 final payment, 唔會係當日影完就即刻收曬錢

不過我地簽contract 時出咗d 錯誤, 就係大日子寫錯, 姓又寫錯, 又响contract 無寫到會係佢影, 所以前前後後都改咗幾次, 我真係對呢方面有d 擔心, 唔知佢係咪d 粗心大意之人呢??

又完成一個task.. 仲有幾多個 task要做呢??

伸延閱讀

囍之婚禮攝錄 -- 3號後選佳麗 Gary Li (後感)

囍之婚禮攝錄 -- 3號後選佳麗 Gary Li

我的攝影堂

好似好耐都無講過我上攝影堂d 野, 其實我成日都唔得閒要走堂, 一直而來我都學咗唔係好多野, 呢一堂就學淺景深

想影到有呢個效果, 唔上佢堂都識啦, 只要有心睇下說明書, 將光圈去到時大, 焦距同攝距長, 當然如果主體同後面的距離越遠, 景就會更朦朧

 

爆光 -- 呢個仲簡單, 轉慢秒數, 跟住拉近或者拉遠就做到呢個效果, 不過呢幅取景唔好, 所以出來效果唔太好, 下次再影過

 

男禮之選擇

有好多人只係著重於新娘得服飾, 但係其實新郎都好重要, 唔睇唔知原來男郎都有好好多種. 以下呢篇文章取文自esdlife. 我心目中希望丙丙big day 到著一黑一白, 白色禮服襯金色的配件, 又真係幾match 喎.

四大主要禮服類型

男士禮服(formal wear)大致可分為四類，分別為director’s suit、morning coat、tuxedo及 tailcoat：

1.Director’s suit亦稱日間準禮服，適合白天尤其是春夏季的輕鬆禮服。為配合白晝的氣氛，一般以白色或象牙色為主，綴以香檳金色的配件，感覺簡約瀟灑。

2.Morning Coat 日間正禮服，亦稱日式燕尾服。特點在於前幅較短並斜斜向後幅彎出，從腰間開始收窄至臀部位置的剪裁細節。穿著時，多數配以背心、腰封和煲呔，感覺隆重高雅。

3.Tuxedo 夜間準禮服，俗稱踢死兔。外套衣襟以同色色丁布料縫製而成，最經典的配搭是襯煲呔、腰封和袋巾。新郎亦可按個人品味及喜好，作其他配搭，如以顏色鮮豔的絲襟花代替袋巾等。

4.Tailcoat 夜間正禮服，亦稱歐洲燕尾服，是最傳統和最隆重的禮服，甚具歷史意義。燕尾服剪裁獨特，前幅短呈背心狀，而後幅則長似燕子尾，因而得名。顏色方面，一般以黑色為主，另外亦有灰色及白色。

禮服配件

1	背心及腰封 背心有掛頸及手穿外套兩種，前者在腰際及領口位置有銀釦及可調較寬鬆度的緞帶，穿上西裝後兩者基本上沒有分別，但穿著時掛頸式的較方便。腰封方面，新郎可按身型及禮服種類配襯不同寬度的腰封，它絕對是修飾肚腩的好幫手。
2	恤衫 以傳的白色為主，由於是禮服恤衫，較一般西裝恤衫華麗，鈕釦通常選用閃石等較炫目的材料，胸前及袖口有荷花邊或不同剪裁的ruffle作點綴。
3	領帶 在款式及顏色上，領帶很多元化。長領巾一般放在背心內穿著，質料以絲質為主，較胖的新郎宜選擇薄身及款式設計簡單的長領巾。常見的尚有bowtie及交叉形狀的Cross tie，亦有束成蝴蝶形狀的蝴蝶領帶。
4	鞋 以黑色漆皮皮鞋為主，部份白色禮服會配以米色皮鞋。隨時代的演變，有些新郎甚至會突破傳，以加添了小裝飾的波鞋配襯禮服。
5	絲花及眼鏡 除一般的鮮花外，可考慮在胸前扣上金色或紅色的絲花。戴眼鏡的新郎在婚禮當日多會換上隱形眼鏡，其實眼鏡早已成為服飾的一部份，新郎大可不必介懷，也許一副合適的眼鏡，會為你增添幾分英氣。

身型與禮服

人穿衣，而不是衣穿人，千萬不要勉穿不合身的款式，以免自暴其短！細選合身的衣飾，隱惡揚善，充分展現線條美，流露個人品味與魅力。

1	肥胖型 視覺上深色的禮服有助塑造瘦削的身型，較胖的新郎應穿黑色的禮服，白色、銀色或淺灰色的禮服會令新郎看起來更胖。直紋的禮服有助修身，是不錯的選擇，新郎亦可嘗試穿短身的燕尾服。
2	瘦削型 宜穿淺色、闊肩設計及修腰剪裁的禮服。選擇附有背心的款式，及在襯衫內多穿一件吸汗的底衫也能增加上身的厚度，令骨架看起來健碩一些。
3	矮小型 較矮的新郎可選擇短身的禮服，款式應以簡單為主，不宜花巧。燕尾服會把上半身拉長，不宜選取，領片較短及高衣襟的禮服則可把腰身提高，為身材矮細的男士塑造較修長的身型。此外，新郎可穿高一點的鞋以及在鞋內加入鞋墊以增加高度。
4	大肚腩型 選擇有腰封及背心的款式，背心宜選高V領設計，用寬腰封把整個腰部及肚腩包起來，再打上領巾，有助提高腰身和將視線轉移到上身。

選擇禮服時的小竅門

1	除個人的喜好及身型外，選擇禮服時還要考慮是否能與新娘的禮服平衡和匹配。
2	新郎應最少預備兩套禮服，日間的註冊儀式可選用白色燕尾服，晚宴進場時可選較隆重的Tail coat。
3	宜事先查詢喜宴場地的侍應制服款式，以免撞衫。
4	選擇訂做禮服，預先了解禮服公司是否提供免費「禮服改西裝」服務，以便婚禮後將禮服改為適合平曰穿著的西裝。
5	若租用禮服的話，必須留意所訂價格是否已包括背心，領帶，腰封及袋巾等配飾。
6	注意襪子的顏色是否跟禮服及皮鞋配襯。
7	襯衫第一顆鈕扣上後，與頸部應有一隻大姆指的距離。
8	襯衫的袖口應剛好覆蓋手掌的虎口位，穿上禮服後袖口露出禮服約一至兩公分。
9	檢查袖管的長度，把手垂下，袖管在手背中間的位置為最佳。
10	留意褲的中心線是否順織紋垂直落下，另外大腿部位應留有適當的空間。
11	襟花地位舉足輕重，既有助彰顯新郎的地位，亦可以吸引賓客目光。最好不要選純白色的款式。
12	宜選無鞋帶的皮鞋，避免當眾結鞋帶的尷尬情況發生。
13	後備一件禮服恤衫，方便替換。
14	禮服宜選襯薄身皮帶手表。
15	預留半年至九個月時間挑選禮服。

囍宴 東‧豐 -- 特别的菜色

Jacky Yu – 一個耳熟能詳的名字相信大家都周不時响TVB 到見到佢介紹食物, 由佢開辦的囍宴私房菜, 開完一間又一間, 今次終於殺到入東港島 – 太古城了
呢間分店唔算多人, 不過最好都係訂定枱, 唔洗等丫嘛

今次我地點咗胡麻醬拌日本溫室蕃茄 ($42), 好大隻的溫室蕃茄, 好多汁, 再加上胡麻的香味, 好食喎...仲有賣相都好靚,但係丙丙覺得有點貴, 但係其實一點都唔貴, 可知日本溫室蕃茄賣價都不便宜呢.

MDW 攝影師 -- Anson

剛剛响阿吉熊個blog 到得知Anson 會响8月底離職, 佢係我之前提及過話幫Kama 影sweet sweet 相的其中一位攝影師, 好彩mdw 指定攝影師係唔洗加錢, 如果唔係比咗錢但係想影個位攝影師遲職都幾慘. 又無得退番錢但又可能無恰心我攝影師

我仲有3個月先影pre-wedding, 話長唔長, 但話短又唔短喎, 希望到時我hold 咗我的阿B 可以為我pre-wedding 操刀啦!!

終於簽咗offer letter 啦~~~

咗咁多bank 之中. 我最後係2選1, 分別係BOC 同HSBC. BOC 一開始同我做全期p-2.925, 仲送一年家居保. 我一開始就叫HSBC 同我做同一個rate, 但係佢地話做唔到喎, 最多只可以做p-2.9, 除非有offer letter 响手, 但係我地又好快draw down, 所以唔好攪咁多野, 唔好waste time.

所以唔理啦, 照呢個rate 去咗mc 先, mc 用咗幾時時間就批到, 都真係好快, 所以個心都定d. HSBC 係第一間同我講mc 個邊已經批咗, 但我同佢地經理講 boc 個rate 低過你, 我一開始同咗你地同事講, 但係佢又唔肯幫我做, 咁邊個rate 低我就用邊果, 仲有人地送一年家居保, 你地只係送半年… 咁佢話幫我地試做p-2.925, 但係家居保就一定做唔到喎

過咗一日, HSBC 同我講佢地上面批咗同BOC 一樣, 與此同時, BOC 都比咗offer letter 叫我簽, HSBC 話佢叫我比BOC 個offer letter 佢地, 睇下可唔可以幫我flight 到p-2.95, 但當然最終係flight 唔到啦, 仲有佢地因為個rate 低咗, 所以要去mc 再批過, 可能又要花多幾日時間.

時間就係金錢, 所以我地最後都係決定去boc 做按揭, 星期五晚7點, 我同丙丙就去咗BOC 簽offer letter, 星期六就去咗開戶口(註: 我未其他bank 到開過綜合理財戶口except hsbc, 原來佢地都幾麻煩, 唔係一個account no apply for 所有bank account, 如果有外幣又一個account no, 要記都真係記死丫, 呢一樣野真係hsbc 好好多)

仲有2個多星期, 3 Sept 就會收樓啦.. 好開心同時又有d 緊張, 我第一次做業主渣, 丙丙就無乜感覺啦, 因為佢做多幾次了

烏冬專門店@川福

鐘意食烏冬的我又點會錯過咗尖東新開的川福呢, 佢主打讚歧烏冬, 仲同四國香川縣有近六十年歷史的川福本店合作, 佢地仲送咗3名廚師於當地學習, 呢到的烏冬係在日本川福本店製作後急凍送到香港

1st interview @MDW - Part II

一開始Kathy  問我鐘意d 乜野colour 的衫, 我話想試Kama 火車博物館果件, 仲有係南生圍果件, 佢話火車博物館果件仲有, 但南生圍果件已經報銷咗, 因為呢輯相係佢地開業時拍的, 所以都好耐下, d 衫都唔係好新, 雖然影相出來唔係好覺, 但係睇就真係無咁靚

首先係試EG, Kama 火車博物館果件著好好slim, 不過佢比咗一件粉紅色有小小黑色花的比我, 丙丙一睇就話呢件靚, 其實我本身鐘意kama 果件多d, 不過d sales 都話我著果件好睇d... 所以最終choice咗呢件, 仲有佢係新番的. 至於其他... 真係無乜合心喎, 有d 太成熟, 又d 隻色唔鐘意, 因為我都係會著一件EG, 所以前前後後都係大約試咗8件左右

跟住到WG 啦, 我有一件一眼就睇中咗

.. 唔洗講, 呢件都係我入圍的, 但其實要選2件WG 都唔係咁容易, 因為大家都知白色影出來唔會太特出, 要分別得到係2件唔同的WG 一定要有好大分別先得, 例如係 deep v / low cut, 有帶/無帶, 有layer / 無layer....

第一眼睇中個件係有layer low cut, 但第二件我選來選去都唔合心

.. 去到睇相我都係唔滿意, 跟住kathy 再拎咗3件唔同style比我, 今次叫做choice 咗一件有帶V型的, 但係其實都好plain 下... 我問過佢地特色景點專輯啲大潭水壩個件WG 都幾靚, 有小小銀線咁, 睇起上來會出d, 但原來呢件係法國婚紗先有, 佢地係無的, 無法啦...佢話呢件係剛剛咗法國果邊新番的, 歐洲貨好野來架!!

後記:

我上blog到睇到人地有hold 攝影師的, 我打比kathy 問佢可唔可以hold, 佢話可以但係你想hold 果個未必真係識合你style, 佢話你地的info 已經send咗上去, 佢地會有會根據你地的style 去assign 一個識合你地的攝影師, 但係我都係唔想到頭來個個hold 咗的我無hold, 咁是但assing 一個比我, 所以我最後都係hold 咗阿B

仲有我見人地決定咗的衫可以send 番比佢, 咁我又問下佢得唔得啦, 佢話唔得架喎, 佢地有版權, 其實我都係想睇清楚d自己有無選錯衫, 佢最終都send 番比我, 但千叮萬昨矚叫我唔好post 上網, 我答應過佢所以大家都無相睇啦

仲有佢真係好人, 送咗2張下個星期的wedding expo tkt 比我地, 又save 番$40

1st interview @MDW - Part I

响過去個星期日, 我去咗My Dream Wedding 到試衫, 你地可能會覺得點解要咁早去試衫呢, 我11月6號先去影, 但係我驚唔早d 去試想要的衫會比人hold 咗, 其實我知有d 都比人hold 咗架啦, 因為佢地比我試之前會睇清楚有無人hold 咗先

講番個interview 先, 佢地首先會比d 相簿我地睇, 我地本身想去迪欣湖, 鐵路火車站, 大潭水塘, 赤柱影日落.. 但只可以影3個地方...

我地睇睇下d 相簿, 發現有一到地方好有feel 丫, 好多大樹, um.. 有點似去咗台灣d 森林到影咁, 唔講知, 原來係北潭涌郊野公園, 真係估佢唔到

再睇我地又發現一個幾好的地方... 就係濕地公園啦, 雖然要比入場費, 但係影出來的感覺比迪欣湖靚好多, 我地個consultant -- Kathy 話呢到係靚過迪欣湖, 因為欣湖靚中間個水池後面有3支煙囪, 唔靚. 仲有濕地公園d 樹比起迪欣湖靚好多, 仲有佢有室內景, 影出來有夜晚feel, 唯一美中不足係佢無迪欣湖咁多花

企起呢條橋到影會好靚架, 仲有係一入門口的樹牆

點解我地想去赤柱, 最主要原因係想影日落, Kathy 話赤柱的日落唔靚, 佢介紹咗白泥比我地, 佢話你地去到其實覺得一d 都唔靚, 仲有牛屎味tim, d 沙又dirty, 不過個日落影出來係最靚的

就係咁, 我地就最後選擇咗大埔鐵路博物館, 濕地公園, 白泥

跟住Kathy 就問我地想要d 乜, 要唔要有effect, 好似落雪丫, 有泡泡丫.. 但呢2樣野我地都唔想要, 至於轉colour我地就想要, anyway, 佢都會比2 張唔同effect 我地睇, 仲有沙灘會唔會畫心丫.. 會唔會落水丫 (不過佢話唔建議我地落水, 因為白泥都唔係太乾淨)

傾完一論之後我地就去咗試衫了....

~~To be continued~~

囍之pre-wedding site visit @大潭水塘+赤柱

又係為咗pre-wedding, 所以我同丙丙山長水遠在超熱的天氣下去咗大潭水塘, 要去呢到都唔係咁容易, 因為唔係太多車到, 一係由嘉亨灣出發座14號巴士, 太約20分鐘一班, 有時間表可以check 下先. 另外都可以咗柴灣地鐵站座16X/16M. 咗大潭水塘落車就係架啦

如果pre-weddind 當日, 我估車係可以駛入去, 但當日我係只係行入去, 都幾辛苦, 又熱..

第一個攝影地點, 呢條橋影出來應該好靚

有山有水, background 都唔錯喎

 

呢個其實係燒烤場, 但有咁多大樹影出來應該好有feel

小小的山溪, 雖然我影得唔靚, 佢比地影應該會幾好

呢到係必影地點, 其實原來好危險的要由小路行落去

大家見唔睇到圖下長方形的平台丫, 咗MDW d 相簿就係企咗果到影架啦, 我唔知點先可以行到過去, 雖然影出來係好靚, 但對於唔識游水的我來說要企咗果到影都幾驚

丙丙話好想影日落喎, 之前d 人話去石澳係影唔到日落的, 所以我地out 咗石澳, 轉咗去赤柱, 呢到的日落影出來大家又覺得點呢??

寫呢篇野的時候其實我已final pre-wedding 的地點, 係乜?? 遲d 先話比大家知啦!!!

好開針丫

上星期三(5/8) 中銀話比我地知佢地已經pass 咗d 野比HKMC, 但原來佢地只係入咗application, 未比documnet 佢地, 我星期四早上打電話問, 佢地話下午14:00 document 先會送過去, 咁我放工前上去HKMC 個 web, 發現我個application 已經批核中

但係星期五晚, 我發現web 到已經無咗我的record.. 吓!! 點算丫, 出咗乜野事???佢地星期六唔開架喎, 擔心咗兩日

今朝早一早打去問過究竟, 原來佢地話多個一間bank 的application 就唔會响web 到見到record. 咁我當然 double confirm 佢係咪收到我地的applicaiton, 係咪process 緊, 仲有我地同佢講我地仲唔係好耐就要final, record 有無話我地仲差乜野文件, 咁佢地話record 無話我地差乜野文件, 只係話process 緊, 咁我當然佢我幫我mark話urgent 啦!!

今日放工收到boc的電話, 佢地話HKMC 個邊已經批咗我地個application, 仲有保險費唔知點解平咗喎, 我問佢點解, 佢話可能係我地record 好所以先有得平, 不過佢話因為我未有7月份bank statement, 所以要補交番先可以出封信比我... 但係我間銀行仲未比我喎, 希望明天收到啦

我仲有問佢地有無得送家居保, 佢地話可以送我一年喎.. YEAH!!! 等我交文件時問下佢可唔可以比個好d 的bank acocunt no 我, 仲有想要premier account, 第日唔洗排好長隊...

初嚐求婚飯團@純燒鳥

鐘意食野的我會成日睇下人地的食評, 睇睇下發現到有呢間串燒店, 而且又近我學攝影的地點, 又點可以錯過呢?

第一次買Girdle@奇華特

聽日會去 My Dream Wedding 試 pre-wedding 的衫, 所以我今日去買咗我平生的第一件Girdle.

上網睇過好多人話邊間買girdle 好, 最後我決定咗蔡太的奇華特

呢間野真係好犀利, 我都未聽過有人話買bar 要排隊, 呢到每一次只係serve 3個人, 網上d 人話一個round 大約一個鐘

呢到係1:30 開門的, 我地12:15分到達, 前面已經有2個人等緊, 我係第3個, 即係可以第一批入去試身的人

佢今日1:15分開門, 蔡太一來就問我買乜野, 叫我除衫, 跟住幫我度身, mark 底數子之後超快咁講一論野, 快到我跟本都唔太知佢講乜, 因為乜都未消化到, 佢叫出面的同事拎個girdle 比我, 跟住教我點著... 加唔加墊, 佢話加咗好d, 咁咪加囉, 最緊要靚... 佢會幫我加針同收改, 叫我10 mins 之後番來

我走左之後又有人入, 所以番到去要等一陣, 跟住再試番頭先改過的girdle, 蔡太話我背脊好厚肉, 用尺度比我睇之前係幾多, 之後著咗girdle 係幾多, 又話我多老鼠肉, 之後教我點著先可以收起d 老鼠肉, 又教我點著girdle, 要我做一次比佢睇我真係學識

佢又我pat pat 大, 佢話佢都無我咁大, 一直落去唔著收腰褲的話咁個pat pat 會向下, 不過佢唔講我都打算會買架啦, 因為我想 big day 個人靚d, 要keep 下架嘛. 原來著收腰褲都有技術, 唔講真係唔知...仲有1日只可以著大約4個鐘, 訓同M 都唔可以著.

其實呢到都幾open, 三個一齊試身 (雖然話就話有布, 但係其實蔡太行來行去, 跟本對方都會睇到), 有時佢會叫隔離睇下你之前同之後, 會叫對方讀個數字出來, 仲有蔡太唔會理你感受一值話你不是, 如果要去真係要做好心理準備

呢到有好多都係一值光顧的老故客, 又有好似我新來的, 不過我見幫襯開佢的女仔, 老鼠肉真係有改善, 仲有背脊無咁厚肉

講番個price 先, 我唔知出面係幾多錢, 不過 girdle + pad $323, 收腰褲 $250. (佢地話呢個收腰褲好過葆露絲同價錢平好多喎)

2:00鐘.. 終於所有野都攪掂, 由等去到買完, 足足用咗1個鐘45 min, 雖然係花咗咁多時間, 但我覺得蔡太的professional 係值得的

明天會去choice 乜野衫呢?? 仲有其實我地仲未想好去邊3個地點影相, 唔理啦, 明天先算...

銀黏土手作仔之三

呢件係我第三件作品, haha.. 我都覺得算做得唔錯, 今次呢果無拋光 我覺得靚d

haha.. 聽過你地的意見, 我會送一件作品比丙丙做回禮, 呢件好唔好呢?

我們的集體回憶舊@時新快餐店

長期位於openrice 十強之內, 有人話好好食, 但都有d人話普通... 唔理咁多, 眼見視為真, 一於同丙丙去試下先再講

門口有不小人等候, 唔好以為真係咁小, 店內小小地方, 但有十幾人响到等緊

唔 complain 都唔成事之CCB Mortgage

CCB做野都係幾過份, 我7月10日申請mortgage, 本來跟我地果個人放假, 第二個人幫手跟我, 講真, 佢唔係follow up 開我地個case, 人地都係大約幫你跟下, 佢Mon 話已經叫咗上面儘快approve, wed (即係今日) 會批到.

但係今日打去佢回覆我話要星期五先有喎, 吓... 又等.. 無野丫話, 都差唔多一個月囉. 跟住我打去customer service complain. 話時話, 佢地d CS 都幾 powerful, 我講咗我個case 比佢之後, 佢幫我打去bank 同貸款部, 15分鐘之內覆我話貸款部今日之內會批到比我, 仲話佢今日on duty 去到 20:00, 但聽日會放假, 星期五先番, 不過已經同同事講咗我的case, 會有人follow up

6點我都未見佢回覆我, 我打去比佢點知去咗留言, 咁我當然有留言到啦, 佢話剛剛同我apply果個branch 傾緊, confirm 咗已經批咗, 仲今日會去MC. 不過bank 個邊會親自confirm 我一次

又估唔到反而CS 會幫到我.. 宜家仲差MC.. 睇來明天要打去問問先得

按揭...都算順利

之前過比CCB 玩死, 一心打算用佢所以無再去其他bank 都做mortgage, 但等了又等都未有offer 比我地, 所以我地決定去申請其他bank

星期六早上, 我地去咗DBS, 佢地offer 個rate 比我之前問差咗好多... Hibor rate 係 H+0.8-1%.. CAP 係P (5.25)-2.5%; 我記得我之前問的rate 係H+0.7%.. 係 P(5.25)-2.75%, 不過我地都無的choice, 去咗application 先啦

跟住我地去咗HSBC, 佢地肯比番之前我地問的rate 的, 即係 p(5)-2.9, cash rebate 1%

最後我地去咗BOC, 出乎意料之外, 佢個rate 比我之前仲低咗, p(5)-2.925, cash reabte 都係1% (本來丙丙話佢同HBSB 一樣, 唔去咁多間, 又想唔聽我話, 上次唔聽我講已經出咗事啦, 無我不停咁哦佢之後, 佢終於都去咗, 好彩渣, 唔係邊有咁平的rate 喎)

有好多人都話HSBC 做野好慢, 我地星期一下午confirmed 咗佢地已經幫pass 咗上office, 今日HSBC 同BOC 放工前都confirm 咗個rate 批咗, 聽日會拎去HKMC 到

呢一關真係好緊要, 好多人都話MC手腳好慢, 希望佢地可以幫我地做快d 啦.. 因為仲有不足一個月要收樓啦

銀黏土手作仔之二

銀黏土課程話咁快就上完了, 呢個係我第二件作品, 本來唔係想做呢個的, 本來我係想用樹葉做個捺紋出來的, 但係銀黏土有限, 所以好難找到合適的樹葉

呢件作品做得唔係好滿意... 比丙丙評為小學生作品

初學者係咁上下架啦, 又無乜時間比我設計 (自我安慰中)

魚鱻魚湯專門店 ... 好唔好食, 見仁見智

記得有一次同丙丙去過大角咀, 見到有一間同魚湯來作生招牌的食店, 我地話有機會要一試. 呢句說話都講咗作年幾但都係仲未去, 有一日唔知點解丙丙突然記起佢, 我地就去咗人生路不熟的大角咀了

心煩@按揭

因為丙丙家姐識人都關係, 所以我地一值都係 apply 咗一間bank, 我上網見到人地apply 咗幾間bank, 問丙丙洗唔洗, 佢話唔洗啦, 姐姐識人會幫我地攪

時間都係過得好快, 轉眼間而過咗3個星期, 我都有間中問丙丙status 去到邊, 佢話批緊, 我見唔多對路喎, 都3個星期, 叫佢再問下啦, 一問之下佢話要下星期四先批到喎. 你唔係丫嘛, 咁咪即係一個月, 我先人地有d bank 係即日批, boc 就係最耐, 你話而家係咪死路一條, 我真係好pk 果個人,我估佢無同步同我地申請hkmc, 因為我上網check 過無我地record

明天一日我同丙丙做一齊去申請多幾間bank, 我仲會親自打電話去比ccb 到話下果個人, 真係唔話唔得丫.咪以為我好蝦!!!

希望明天再apply 唔會太遲啦, 宜家有超擔心中~~~ 唉!! 丙丙又一次唔聽我講而出事啦