稻庭烏冬·鍋物日本餐廳

烏冬痴的我聽到呢間新開的稻庭鳥冬又點會錯過呢, 雖然我自己本身鐘意食烏冬多過稻庭烏冬, 但稻庭就滑身好多, 但又幼身好多.

呢間烏冬店唔係用我地大家都熟識的讚歧烏冬, 佢係用咗秋田縣的稻庭烏冬, 選用日本進口的<七代佐藤養助烏冬>, 己有3百年歷史, 曾經供天皇同皇室享用.

煤氣爐, 電磁爐???

雖然仲有好耐先開始裝修, 但而家開始每一part 都睇d, 咁到時就無咁辛苦

一個屋真係唔咁簡單, 除咗裝修之外仲有好多家電要買, 無一樣野我都唔想買完番來後悔, 要細心咁好衡量, 今次我想講的係煤氣爐 / 電磁爐.

早前有朋友同我講不如買電磁爐啦, 方便, 煲水又快d, 電又平過煤, 仲有係因為無火, 咁會無咁熱架, 住飯都會舒服d.

聽完之後又覺得幾好喎, 因為電爐佢可以自己夠溫度, 咁煮野好似方便d, 不過上網search 過人地d comment, 有人話如果你識用就會覺得佢好好用, 不過唔識的話就好難control, eps 炸野果時, 因為如果你一次過放多咗野落去, d 溫度下降咗, 咁就好難升番上來, 而炸的食物就會吸曬d 油. 睇完之後都係發覺好似得呢樣唔好之喎, 我又唔會炸野, 應該無問題啦. 某日同同事講開, 佢話千其唔好用丫, 因為有幅射, 有cancer 機會好大好多 (佢係成日睇外國artical, 所以可信情度好高), 聽完之後我決定用煤氣了.

不過選擇煤氣爐都唔係簡單, 因為有太多品牌, 最為我好熟識的係TGC.
pros: 所有maintenance / 零件都係搵番 Towngas, 其他品牌係要搵番各公司
cons: 貴

老實講, 唔睇真唔知,原來嵌入式煤氣爐有咁多品牌, 早前我地去吉之島睇, 丙丙話sakura 早前有新出賣廣告喎, 我地問下sales 啦, 佢同我地講, 呢隻唔好架, 買煤氣爐最主要要留意幾下幾點:-

1. 留意個出火位同個煲的距離會唔會好多, 最好的貼d, 咁d 煤氣先唔會用得多.
2. 出火係唔係集中, 如果正常情況下出曬個煲, 咁即係用多咗煤氣
3. 可唔可以拆出來洗, 仲有係咪向外斜, 萬一煲潟野都係响外流
4. 火力, 大火力煮野快d, 得心應手.
5. 大細火, 中間火心

我唔知佢係咪太平洋的sales, 係咁sales 我太平洋有以上好處, 不過自己本身覺得太平咩好似抽油煙機出名d, 所以都係再睇睇

某日, 我又同同講開, 佢話佢識得朋友係賣煤氣的, 大家唔好唔會, 佢唔係介紹叫我地買, 只係話比我知邊d 好, 佢話pansonic 的火旋風係佢朋友recommence 佢pansonic.

但我去到pansonic shop 佢話已經無再出,而家得番Rasonic. 不過吉之島就有pansonic 同Rasonic 賣, 但係pansonic 係 made in China; Rasonic 就 made in Malaysia. 佢selling point 係旋風式火焰設計, 火力集中, 以煲水為例比其他品牌快好多.

而家站時有95% 會買呢個, 睇下到時再有無其他又平又好過佢

TST日本名食店@見城

見城 -- 相信鐘意食壽司的你一定聽過 / 去過呢間小店, 佢响尖沙咀來講都算數一數二, 如果唔訂位的話, 要等都真係要等好耐, 仲有往往你會聽到某某名聲戲收的, 包場食日本野, 呢間就係其中的一間了

龍鳳被

唔知大家買咗龍鳳被未呢? 最近發現HSBC 响獎賞天地到有casablanca 做緊discount, 只需要$373 就可以買到呢個4尺半的隻人龍鳳被啦, 係咪好平啦.要買就真係要快手啦, 售完即止, 一定平過出面discount

睇唔清楚唔緊要, close up比大家睇清楚d, 個樣都ok 架

最近casablanca 响火炭開倉, 因為我唔太鐘意呢d 有"囍" 字的龍鳳被, 因為驚之後用唔番,但又想要一張紅色喎. 新年都可以拎出來用丫嘛. 所以就走去睇下有無平啦, 最後我買咗下圖呢一張, 不過無貨, 要訂, 唔知幾時有, 可以去佢各門市的拎, 又幾方便喎

如果以上都覺得唔鐘意的話, 可以睇下 Aussino, 因為佢地而家做緊半價, 我真係有小小後悔買咗casablanca, 因為睇完Aussino 之後覺得仲靚, 咁當然價錢貴d 啦, 但係佢地係織花, 唔係印花. 靚好多, 之不過佢地話600針, 但明明寫住300針, 佢話 AU 計法同香港唔同喎, 都唔知係咪

經一事, 長一智 (II)

繼上回經一事, 長一智, 今次我又想下講第二回經一事, 長一智, 而呢次都係關於我家的裝修, 今次講唔係我新居, 係我而家屋企

今次裝修其實我都唔係involve 咗好多, 之不過就出咗好多事, 所以我想在此講下, 等要裝修新居的朋友要加陪小心

今次我地係搵咗呢區的裝修公司, 屋企人之前上網search 過幾間, 呢間comment 都算幾好, 無乜bad comment, 仲有佢係做好多嘉多利山, 界限街一帶的豪宅, 咁當然價錢就唔算平, 我一開佢報咗價就同咗屋企人講貴喎, 不過佢係响屋企附近, 仲有話用料好, 咁屋企人鐘意都無法.

初時睇份contract 覺得好似無乜問題, 但係點知... ... 有以下幾點大家真係一定要注意的

1. 我地係包做傢俱的, 咁佢口頭同我地講佢會所有層板都會有包邊的. 但最後都出來, 佢只係眼見, 無講過所有都有喎, 即係上面, 前面同下面見到先會包邊, 則邊就無架啦, 所以我第一次抺板時有好多木碎跌出來, 我同佢講咩, 佢話佢一定無講過, 唔信叫我去睇下其他工程, 所有都無咁做喎, 我同佢講你同人點做我唔理, 你之前係有講過, 最後唔知屋企人做過D 乜, 佢都最終幫我地做番, 之不過d 柜底就無了, 手工仲差過我地响實惠見到果d. 所以contract 一定所有野都要寫得清清楚楚

2. 呢一個都係我地大意, 又係無响contract寫清楚, 我地見佢全屋牆身用ICI, 以為佢天花都係,但係原來佢無寫到天花會用ICI, 所以大家一定要小心

3. 我地咗旺角買磚, 仲要係意大利磚, 我地一值以為旺角d野一定會平過灣仔, 所以無再去灣仔格價, 但係後來發現原來灣仔係平好多, at least 係平$10一片. 大家唔好以為意大利磚一定係好野, 我地就係一個例子, 自佢係意大利名廠以為係好多, 但點之舖咗上去之後發現唔平, 係咪cf 做得唔好呢, 呢個都係其一, 但係原來d 磚係曲的, cf 舖上去之前又唔理d 磚有無問題喎, 如果一早知有問題我地就退貨啦, 但係係拆過再做

4. cf 手工做得唔好都算啦, 最過份係佢地d 人工好似係賊咁, 我地有d 水龍係新的, 所以無換到, 佢地折咗之後唔見咗又話係我地拎走咗, 問我地點喎, 我地當然唔理佢叫佢買番啦, 洗手盆又係咁, 仲有問我地可唔可以換烏絲燈, 我地當然話無問題啦, 但就拎走曬我地d慳電燈

所以各位, 由簽contract 開始就要好小心, 有時真係要搵屋企人上去睇住cf 做野

希望各位新居裝修可以順順利利!!

抵食又好味@中意仿

今次我想講下平時我食lunch 會食d 乜. 講真, 公司附近又貴又唔好食, 所有野都係九秒九上枱, 叫你快d 食完, 飲到一半野就拎張單來比你, 小姐唔好意思, 出面好多人等,  可唔可以幫我結帳先 (以上對話係講緊60-70 一個餐個d). 茶餐廳咩, 你一食完野開始飲野, 佢就會叫定下一張枱來你隔離, 大大聲話呢張差唔多架啦, 你地企响到等啦 >.<|| 跟本無理過我地的感受. 好小小個d 咪見你差唔多食完, 就放定留枱牌, 咁你地自已識做啦

所以每逢Happy Friday 而又唔趕住番來開會的話, 我地必定會去一d 舒服d 的餐廳, 對自己好d, 鯉景灣就係我地最愛之一的選擇

MDW 揀相篇

再唔寫, 我呢位老人家驚唔記得發生過乜野事, 過程係點我都寫唔到

11月6日, 結婚前一年, 我地選擇咗响呢一日影結婚相, 當日都經過, 大家可以睇番 Pre-wedding day @MDW

照相之後幾日, 我個consultant 就打比我話有相睇, 果然好快手丫, 之不過佢要我請假去睇, 因為佢話at least 要比3個鐘意佢喎, 不日放工我最快都要7點先去到, 佢地收9點所以根本無可能, 如果要sat / sun 的話, 最快都要25/12 先可以有得睇. 咁都無法啦, 唯有等個幾月囉

本來我地book 咗11:30 的, 但係真係太早了, 起唔到身, 而且我屋企又裝完修, 所以又要pack 番d 野番去, 忙到想死. that's why 最後我地改咗12:30. 但最終見到blog 友話要睇幾個鐘, 驚肚餓所以食咗野先去, 又遲咗小小, 最終差唔多1點先開始睇

唔知大家有無記得我話過當日我地都有睇過d playback, 但都覺得麻麻, 本我地到以為佢影咗200張, 但出乎意料之外有二百幾張喎, 因為影得麻麻地的關係, 所以我根本一開始唔想加錢去做任何野, 雖然大家都話亞B 影得好, 但係我個人覺得好普通, 好多時我地的pose 可以再好d, 咁我一定會要多d 相. 例如: 我同丙丙一齊跳, 但一個高一個低, 跟本無美感, 有一個係追住我跑, 但影的一d 都唔靚, 仲有佢唔多正面 or close up 相, 好多時都係影到個人細細粒, 仲有影日落差唔多張張都係用剪影, 跟本見到到個樣, 仲有有好多加咗頭紗, 唔係話唔靚, 但1-2張咪OK 囉, 佢响白泥影咗太多呢d, 根本唔會要太多

我地首先所有睇一次, 跟住我地package 係包43 張相, 我地想平均d, 所以basic on 每個景點要15張, 唔想一個景點太多相. 好快我地就要咗63張相. 其實可以再out 多d, 但係因為驚做出來的story 唔靚, 所以就唔想out 太多, 同一時間有第2pair 人睇相, 唔知係咪隔離飯香, 總覺得佢地影得好過我, 最主要at least 係見到樣啦. Kathy 問我地覺得影成點, 我同佢講覺得好一般, 話咗比佢聽我個人意見, 佢話如果你覺得影得唔好可以再影過, 但係我覺得無意思啦, 影第二次個攝影師都唔鐘意啦, 仲有我覺得咁就無乜意思. 其實當我講咗我自己點解覺得唔靚時, kathy 都好似覺得有同感

最終我地要咗63 張相, 跟住就係choice邊張要大相, 邊張入細相架. 原來佢地跟個相架係有小小正方形, 而我地cut 咗左同右就個畫唔靚, 所以我地又加咗$600要大咗個相框.

跟住揀相簿, 水晶相簿唔係我地杯茶, 一來個面好易花, 二來而家睇就覺得幾好, 不過過幾年呢? 可能會覺得老土, 所以都係要番d 大路d 野好d, 佢本來上次佢有本啡色的, 但我地去到有本新的黑色, 又唔錯喎, 所以就要咗果本了

跟住就係thank you card... 原來有幾種都要幫佢地賣廣告. um.. 我都唔記得要咗邊一種. 因為我覺得邊種都無所謂, 我唔會送比人的.

最後就係簽名報, 佢地原來只係要人樣個part, cut 曬其他野, 底色只有粉紅同粉紫, 我地最終要粉紫色.

就係咁, 話咁快就過左幾個鐘, 真係有d 估唔到, 由1點至到5點先走人, 仲有d 辛苦過影相.

佢地話3月先會有相板睇, 4月先有得拎... 唔知到時出來的效果會係點呢?

粵軒

最近大圍開咗間新食店, 沙田通常又貴又唔多好食, 見新野一於去試下

相識4周年

2006年1月11日, 呢一日係我同丙丙第一次認識, 第一次食飯.

果時丙丙同我係同一間公司的, 當年佢响聖誕節放咗份禮物响我枱到, 但又無寫名喎, 都真係唔知乜鬼人送比我, 只係留咗張字條話先我最近好似好唔開心, 所以希望收到份小禮物後會開心番. 份禮物係乜? um.. 今晚找找post 比大家睇下, 係一d 親手做的野, 唔值錢的, 但呢份心意真係收到都好高興

1月11日係我同丙丙第一次食飯, 第一次傾計, 雖然大家都係同一間公司, 但係好小接觸, 只會係e-mail, msn 下, 間唔中食下lunch 咁, 只係普通朋友, 估唔到最後會做咗佢女朋友, 仲話咁快就4年.

今年11月就會嫁比丙丙了, 真係話咁快, 同佢一齊真係好開心, 雖然正如我之前咁講, 小禮物已經無再收了, 不過佢所做的野都係以我為大前提, 所以我都已經好開心同滿足

人地話攪結婚d 野會令到相方都會唔開心, 希望我倆不會吧!!

地道台南菜@南台灣

要食地道台灣菜, 香港真係小之又小, 早幾期飲食男女有介紹呢間位於紅磡的台灣菜, 但早於佢報道之前, 我已經親身嘗試過此店風味. 原來地道的台灣菜味道係偏甜, 仲有佢地的醬汁用上台南名產, 如東城醬油, 北港麻油, 岡山梁記豆瓣醬, 工研百醋等.

之不過佢地因為香港人的口味, 所以一些的甜的菜色佢地都減輕甜度

唔講你唔知 -- 承嚴命, 承慈命

承嚴命？

	在收過的數十張喜帖中，有些在父母的名字上寫著「承嚴命」或「承慈命」，有些卻沒有。究竟甚麼情況下才要加上「承嚴命」或「承慈命」呢？ 首先，一對新人必須有一個概念︰紅帖（邀請賓客參與喜酒的帖）一般是以新人的父母的名義發出的，而並非新人自己。若父母的父母（即新人的祖父母）仍健在的話，便需於父母的名字上寫上「承嚴命」或「承慈命」。「嚴」代表祖父，而「慈」則代表祖母。這表示新人的父母也是承著祖父母的恩惠，而為下一代主持婚禮。

或許你會問︰我收過一些紅帖是沒有寫上「承嚴命」或「承慈命」的，但我卻在喜酒上見到新人的祖父母，為甚麼呢？ 原因一︰他們是新人的外祖父母，屬於媽媽的「外家」，一般並不需要列在紅帖上。 原因二︰男家的祖父母已歿，而女家的祖父母仍健在，為免喧賓奪主，索性不加進紅帖。 原因三，也是最常見的︰新人忘記了，或者根本不知道有這規矩。

2010年大計

小歌話佢要寫番個2010年大計喎… … 响佢未寫之前我一定要快佢一步寫先

其實都無乜好寫, 今年的大計咪差唔多全都關於結婚囉!!

1.  學海無涯 -- 同上年一樣, 努力讀書同考試, 希望明年轉工可以搵多d

2.  婚禮 DIY -- 我想响自己婚禮都DIY一番, 但係以我咁懶同忙, 唔知實唔實行到呢

3.  新屋裝修 -- 其實呢間屋太細啦, 我估我地都唔會住得太耐, 大約2年, 係咪值得花咁多錢去裝修呢, 又要拆牆, 又呢樣… 都係睇下到時有無錢先啦

4.  儲錢 – 呢個真係好重要, 係重要事項之一, 因為今年一定要用超多錢

5.  Honeymoon planning – 本來我打算12月去歐洲的 (即係x’mas 期間) 但係好似呢2年都大風雪喎, 仲有好似3點就天黑, 所以都未必去, 咁去邊到好呢?? 苦惱中~~~

6.  當然係11月6日的大日子啦, 仲洗問, 希望到時無d蝦碌野發生啦

西貢食海鮮, 好食+抵食

如果你問我西貢食海鮮邊間好的話, 唔洗講, 我一定首選六福

不過以抵食來講, 咁一定係全記啦 -- menu 都post 比大家睇, 加茶水同加一, 2 人都只不過係$348, 有乜食, 自己睇啦, 不過今次地就 choice 咗以下4 款

2009大事回顧

上年真係發咗咗好多事, 真係要來個總結回憶番發生過的大事:-

第5位
今年同丙丙去咗2之旅行 -- 分別為京板神同台北, 第一之同丙丙一齊睇櫻花, 第一次去台北101倒數, 真係好難忘

第4位
再讀番書, 真係唔容易, 一開課就好似無曬自己時間咁

第3位
第一次影結婚相, 好玩但又好辛苦, 攝影司要求高高, 但我都好多時都係做唔到, 不景都係好難忘的回憶

第2位
第一次做業主, 仲好好彩租咗比人, 如果唔係我地都唔可以有多餘錢去旅行, 不過今次台北都洗咗好多錢, 所以來緊要小d 出去食飯, 儲下錢先得

第1位
5月22日丙丙响我求婚話咁快就過咗咁多個月,11月6日就係我地大喜日子, 唔知到時會點呢, 真係時候要開始想想DIY 了