21 December 2011

12月碎碎唸

20/12
自己一個食lunch, 之後去咗shopping, 買咗去旅行要用的暖包.
放工去咗買手套, 希望唔會凍死啦.


19/12
今日窗簾軌上來安裝, cf 話唔記得咗找地的單, 打電話先記起, 我地已經遲夜安架啦, 一陣再夜又比麻煩的管理處complain.
丙丙負責睇佢安裝路軌, 我番到屋企時己經安裝好曬. 一睇之下就發現條路軌比我訂窗簾長, 丙丙仲話無問題, 我叫佢度下, 果然不出我所料. 真係睇小眼都唔得.
無法, 打去窗簾店叫佢幫我做長小小.
sofa 店今日回覆, 佢話新年前會送另一張sofa 比我, 而家呢張座住先喎


18/12
北上做窗簾. 比香港平一半有多, 我地去呢個係高尚一點, 所以價錢都貴一點點


17/12
一個cf 來睇下有無題, check 好曬話下午安窗花
安裝好浴屏, 裝好後廁所好細, 轉身都無乜位.
sofa 今天送來, 但發現佢有個線位拆咗再車, 攪到有個"lon"位, 打去sofa 店睇下點攪.
最終cf 話來唔到, 下星期再續
今晚做冬. dad & mum 第一次來我家, 今日又好忙, 所以去咗屋企樓下酒家食, 冬至的菜比平日貴幾倍倍, 又唔好食


16/12
好耐無同同事出去玩了, 今晚去咗hot pot, 一邊傾下計, 一邊打邊邊. 快樂時間過得特別快.


15/12
好耐都未OT 過, 但year-end, 唔OT 係唔得的, 無法了~~


14/12
去咗skw 食lunch, 順便買餸同生果, 比較鐘意傳統街市.


13/12
約咗kitty 食生日飯, 一齊傾計真是一大樂事


12/12/2011
放了2天假, 今日要交report, 又一作戰
放工番到屋企, 無一早prepare 好餸, 所以hot pot... happy~~~
cf 今日打來話唔見咗窗花size. 丙丙答覆咗cf 話自己度. 但係佢又點知點度呢, 做大咗又唔好睇, 細咗又唔靚, 唔係去到邊邊架嘛. cf 打來我都叫佢reject, 佢又唔聽.

11/12/2011
繼續抺抺抺... HP下降...


10/12/2011
正式入伙... 抺抺抺... 手爆裂...
晚上沒煮飯, 去咗河畔到食, 果到有好多餐廳, 要一一品嚐


9/12/2011
9時正傢俬店員已到要安裝傢俬, 仲以為佢10點先到, 早餐都未食完就要走去開門
安裝到差唔多3點先安裝好曬全屋傢俬, 但有小小錯, 要再做, 佢地手工唔錯. 無什麼甲全. good~


8/12/2011
今日開始會於假, 但仲忙過番工.
一早要裝抽油煙機, 買咗富士皇, 消委會話最好喎, 果然係唔同d
下午送全屋傢俬, 一早同傢俬店講咗我地屋苑細, 張餐枱唔拆腳係入唔到. 佢又唔做拆腳.
好啦, 入唔到. 但真係今次有貴人, 隔離屋响屋企, 開咗門比我地借位, 順利入到.
時間剛剛好, 傢俬走咗就到煤氣, 安裝咗煮食同熱水爐.


5/12/2011
CF confirmed 星期三會交樓, 今日己安電子鎖, 廚柜己做了7成.


4/12/2011
9
點多, 油漆cf 己到, 好眼瞓, 但無法.


又去咗旺角買門頂及浴室用品


 


 


3/12/2011


今日全屋地皮終於完成. warm 好有家的感覺


座廁, 門鎖己安裝好, 但係座廁水箱蓋拎唔起, 要搵cf


廚柜己到, 星期一會安裝


 


 


2/12/2011


發覺今年仲要清5日假. 決定放半日


 


因為吉之島吉日, 去咗買sofa, upgrade 咗做全真皮, 而家啲野真係比上年貴咗好多.


 


之後自己一個人行街, 去咗睇skin care, 以前一直用開日本貨, 但係自己日本同事連平日飲的水都買外國支裝水之後, 為安全起見, 都係買其他國家. 但係所有化妝品counter 都係sale 我最貴個隻, 而家就買皇牌, 咁再過10年用乜好.


 


夜晚join 咗丙丙去買浴室用品, 之後仲一齊去咗happy hour. 突然發覺今次係第一次同佢一齊HH


 


 


1/12/2011


進度真的十分大分慢. 今日繼續油油. 發覺本來的特色牆身同catalogue 的顏色差好遠, 變得一點都唔特色


安裝好云石吸咀. 大門等.


1 December 2011

11月碎碎念

30/11
今日進度良好. 棚已拆, 云石好裝好. 所有牆的灰已線. 房門安裝好. 廁所假天花安好.
難得的咁快手.


29/11
今日發現, 原來複合地板係唔可以用裝响地的門頂, 唉, 要又買喎.
cf 再做外牆紙皮石, 今次管理處上來睇, ok 無問題, 明天終於可以拆棚
今日丙丙去咗一田買抽氣扇. 但無現貨, 要訂
去屋企樓下問咗窗簾路軌, 佢話訂窗簾就$200一支, 唔訂窗簾就$300一支, 要再格下價先.


28/11
對cf 做野, 一定要忍耐. 不過我完全不明白.
事原我換全屋鋁窗, 正常來講, 冷氣機位, 廚房, 廁所都會用玻璃
早前. cf 問我地冷氣size. 佢話要開位, 我本以為佢開玻璃位, 但原來佢多出來的位係用鋁, 但又有一小part 係玻璃, 攪到好醜, 最慘係睡房, 佢開的位同冷氣機唔fit size, 安裝冷氣機果個又唔知點解同我响面到加2條鋁邊. 而家睇到眼火爆
仲有係kitchen, 通常人地開抽氣扇位同抽氣機出口位都係用玻璃, 佢又用咗鋁, 好啦, 佢開位開咗5吋半, 但人地風口要6吋半. 又要改..
仲有係換鋁窗會令到外牆紙皮石, 一定要補番, cf 又自己買紙皮石, 管理處話定要用佢地provide, 所以要再做, 上星期六就咗, 尋日管理管話唔可以紙皮石疊紙皮石又要再做.
又唔話得cf. 怕佢會是旦, 怕佢會玩野, 煩~~~


27/11
仲有抽氣扇, 毛巾架, 廚房柜手抽未買
落咗沙田睇下豐澤及百老匯有無抽氣扇, 原來佢到都係無賣的
請住去咗旺角買燈. 買咗一支LED 走廊射燈係細房燈
之後睇毛巾架, 但唔合心. 本想買廚房柜手抽, 但CF 話下星期日同我地一齊買喎.
再番去沙田IKEA 到睇毛巾架及鏡, 無一合心呢.


26/11
超忙的一天, 一早去荃灣開利到買電制, cf 話呢到平喎
跟住落旺角, 買咗全屋門鎖及門頂, 大門電子鎖, 門鐘, 水龍頭, 等咗浴屏
跟住番屋企同cf confirm 廚柜面板
cf 話2號前會攪掂曬d 野, 3號叫地板cf 上來.
咁計法, 我地可以如期12月10日入伙.


25/11
放工本想去一田買野, 但見到人龍暈, 所以最終都係無買, 見超市條人龍, 長到呢~~


24/11
好番小小, 但好累, 開始有啲咳, 都係放假睇醫生好d
講番新屋先, 冷氣機, 洗水盆同座廁都送咗.  冷氣機都已安裝好. 但係佢裝得好差, 我真係未見過咁差的玻璃絞囉.


23/11
唔知係咪尋晚冷親, 今日番到公司係咁流鼻水. 番到屋企仲全身發冷.


20/11
cf 話要買座廁同洗水盆, 所以又出咗旺角, 睇咗五金等野.

座廁,洗水盆廁紙格都選咗toto. 本來係想去一直睇開果間, 但之前同我地報價果個人唔係到, 其他sales 都係只肯比8折.
之後我地問野, 果個唔肯比8折的sales 同其他sales 講, 呢個係"xx" 的客呀, 報咗$xxx 比佢, 仲要大大聲講幾次, 我果時唔係問價, 只係想問佢又隻座廁有乜唔同.  我聽到真係火到來, 真係想講番佢, 但又唔想响咁多人面前嘈. 所以最終我決定唔係果間買. 但浴屏都係佢最平, 要睇下有無其他choice.

屋企所有門都送到了, 大門, 廚房及走郎門框會用黑鐵木, 至於房門就用咗白橡木. 本來响薰衣草色同白橡木間2選一, 因為傢俱已經用咗黑色, 所以丙丙話門同淺色, 咁間屋會無咁暗. 但係而家越睇越唔對, 覺得怪怪咁, 有點唔開心...


19/11
本來約左10點賣咗餐枱同四桌, 但係呢個人就7:30到, 我地都未起身.
未瞓醒就賣枱, 終於賣咗, 有點唔捨得.
跟住同cf 講下廚柜. 佢話面板等做好柜就响hk 做, 又話月底可以交貨, 咁即係無可能啦.
之後又上咗深圳買燈, 今之買咗3盞燈, 仲有買咗一個木製的果盤, 價錢唔平的難得買到心頭好.
丙丙就睇中咗張木椅. ok. 見佢鐘意我就比錢啦.


18/11
本以為丙丙今日又陪唔到我食飯, 但最都陪到我, 太開心了.
最終去咗sogo 買岩煉養生鍋, 因為wmf 太貴了, 所以最終放棄咗.
仲有係買咗旅行喼, 本打算自己拎唔等送貨, 但係突然間下大雨的關係, 所以都係送貨


17/11
丙丙又無番屋企食飯, 自己一個人去咗千両到食. 以為10個位好易等, 點知一等就等咗大半個鐘, 故唔到一個人都食咗咁多碟, 下次去壽司廣食魚生飯可能都係差唔多價錢, 但就好味好多


14/11
都話咗曾經偶過同類事架啦, 我張枱都唔係好大, 但係一樣人地老公話太大唔要喎, 好彩仲有另一個未reject.


13/11
今日一早有人confirm 買餐桌, 但價錢比我心目中的價為低, 但都無法, 因為之前好多都泡湯, 所以都confirm 咗
我仲講笑同丙丙講, 一陣可能有個價高的打來, 真係比我講中, 有個無講價話買, 但要等老公番來先拎, 所以約咗星期一. 本來之前果個係約咗今晚的, 因為之前的偶過同類事件, 所以我地無reject 到呢個, 只係同佢講改期.


12/11
一早約咗cf, 傾下裝修的野
鋁窗己到, 開始安裝.
仲未安磚. cf 話希望月底可以起到貨喎, 希望啦, 短租好貴呀
之後又北上sz, 今次去買燈. 睇咗架啦, 但佢話無現貨, 一間就响倉收咗工. 所以定咗下星期又要上去.
今次只係買咗一盞由泰國做的燈, 10個like.


11/11
搬咗去呢個臨時屋, 成鬼日病, 今日都唔例外
夜晚去咗simple living 到, 要confirm 傢俱用料, 一傾就傾咗2個鐘.
之後去咗sogo. 本來想買wmf 的煲用來煲湯, 但丙丙話想用瓦煲, 我都知價錢差好遠, 仲有時間, 再諗下先
今次出血的地方就係毛巾... 又真係估佢唔到.



6/11
今日係結婚一週年, 呢一年真係話都無咁快就過咗.

今日發現幾樣野.
1. 我上幾層都要換窗, 因為我地屋苑必須响地下到搭棚, 保證各人出入安全
所以我地要比 $1,000的搭棚, 如今佢好我地申請日子差唔多, 咁係我地大家都有比 $1000 定係佢無比呢. 如果管理處食2邊茶禮, 好似有d 問題喎.

2. 開始明白點解咁多人會做撇門. 我地一直都無打算做撇門, 因為路軌好以好容易有問題咁.
但係, 因為我地的鍋居太細啦, 又要就房門, 又要就燈位, 發覺做好的燈位會另門開唔曬. 所以又要改燈位了.

3. cf 已經問我地幾時比kitchen 柜圖佢, 今日起咗個草圖比佢, 原來draw 的圖都唔easy.. 苦!!

 今日因為結婚週年的關係, 同丙丙去咗食日本野, dinner 就自己煮, 仲响royal garden 到買咗個同結婚時差唔多的cake.



5/11
今日再次上深圳藝展到睇燈. 今次終於睇到合心了.
呢幾日裝修進度都幾好, 水管已經7788
唔知幾時換窗呢



3/11
今日放假, 去咗shopping
再去新屋睇裝修, 已經拆曬窗了, 仲有係搭咗棚



1/11
電已經做得7788了, 今個星期會搭棚, 可惜今個星期會落雨呀..
已約towngas cf 上去送煙囪及封舊咀.

18 November 2011

煲湯煲

我係一個好傳統的人. 甚麼氣壓煲, 真空煲我都不會用. 因為總覺得煲出來的湯水無咁好飲


 


過住一年, 同過2個瓦煲, 一個係响家品店買. 二百多元, 但係煲咗幾次之後, 煲身變黑. 不知是否有毒的關係, 所以沒再用了


 


之後老爺買咗個日本品牌的瓦煲, 但係不知甚麼原故, 破裂了.


 


現在正在物色一個中式煲湯煲, 本來想買Fissler / WMF 鋼煲, sogo 減價不多, 好像不抵, 好後悔上次永安減價時沒有買.


 


丙丙就想買岩煉養生鍋, 但一個6L 的養生鍋比平常的大幾陪, 我家不是大, 沒太多的空間.


 


唔知大家現時係用邊隻品牌的呢?


 


15 November 2011

香滑無比的瑞士雞翼

雞翼係我其中一最鐘意的菜, 但真係唔想食太多, 因為婚後己肥了不小

坊間大多數都係用現在醬汁, 但我個人覺得比較多防腐濟, 添加濟, 色素等, 所以都係買天然料理自己番來調味



13 November 2011

紙婚慶典 @ Miyabi

轉眼間, 一週年就來臨了, 响呢一年真係比prepare 時過得仲快.
可能人地話, 快樂的時間係特別快過的.
本打算年尾去旅行, 但由於新居裝修進度未明, 所以決定唔去, 仲有係買樓果時樓價係最貴, 所以花盡所有錢了, 而家要慳得就慳

話明講到慳得就慳, 所以紙婚都係以慳家為本. 早前見到呢間位於The One 的雅Miyabi 高級日本料理, 午市最一送一的優惠, 星期六日都有, 咁我又點可以錯過呢.


31 October 2011

10月碎碎念

29/10
北上田貝四路睇燈, 但係所有燈飾都比較現代化,與我傢俱唔合襯
要努力搵



25/10
經過人次買唔到磚之後, 深思之下最終決定都係早早訂地板, 唔係又會無貨, 咁就唔知點解
話說我去過果間店3次左右, 佢問過我一次性乜, 但估唔到幾個星期日的今日, 佢仲記得我性乜喎, 好犀利.



24/10
同事的朋友响addidas 到做, 今次放join 佢地一齊買野, 佢地之前都買咗好幾次, 今次一join 就出事.
因為quota 用曬, 佢朋友再搵其他同事都一樣無曬quota. 本來睇中咗件衫, $600, 有7折的話都幾抵買, 但無拆就唔買lu~
之後去咗打邊爐, 本來book 咗小肥牛, 去到又話無枱, 之後轉戰搯香, 9點後有打折的東西唔多, 肥牛果啲都無折, 唔抵.
食到11點幾, tried, 打的回家.



23/10
今日同cf 去訂磚, cf 成日話佢有得平喎, 去到又話我地choice 呢間無.
我地choice 咗意大利磚, 而kitchen 就去咗另一間到買平價的西班牙磚, 當我講價時cf 話你頭先都買咗萬幾元啦, 都唔差果小小.
人地講緊價架嘛, 真係倒米
之後仲confirm 咗窗台人造石, cf 帶我地去果間比其他差唔多平一半.
最後就係門啦, 但係走廊位的門框仲未決定, 因為造門果間唔太得, 要諗諗先



22/10
今日山長水遠去咗流浮山, 上次係因為影pre-wedding 去過白泥, 但未真工去過流浮山
d 海鮮好好味呀, 但好貴囉, 仲有買咗花膠同蠔油, 入伙後要煲下先



21/10
今日同事last day, 同一時間, 亞姐話比我知promotion 咗我, 加10% 人工.
呢幾年公司都係只加3%, 所以今日都好開薰



20/10
今日放咗半日假去睇磚, 始終最想買的無貨, 而家睇第2 隻. 無計
廚柜門都想好了, 打算上面用真珠白, 下面用木紋. 而廚地用乜好呢.. 苦



18/10
屋企人幫我地安排咗買洗衣機, 但只係送貨, 無安裝. 今日cf 上門安裝.
今日終於有得洗衫了, 唔想拎出去洗


17/10
再去新屋到睇裝修進度... 慢. 一日只係起左細房同廁所的牆, 希望好以快點.
不過at least 都叫做有做野, 唔係乜無做.



16/10
因為星期六要confirm cf 磚啦, 所以今日再去睇磚.
最後決定咗用toto 同座廁同洗手盆.
而於磚, 因為我地睇中的意大利磚旺角同灣仔分別都只有一間有得賣, 旺角果間己經話無貨, 要睇下灣仔果間有無. 無就要轉磚.
至於kitchen, 我地都睇咗一隻平價的白色磚. 而地磚仲未定. 主因要睇下廚房柜用乜色. 呢part 都幾煩
最後係門. 我發覺真係好難搵合心水的colour... 煩.



15/10
一早約咗cf 講電制位, 一傾就傾咗幾個鐘, 中途仲有煤氣cf 上來放報價改位.
今日會送洗衣機來, 係丙丙家姐幫我地落order 買的, 上星期五已經confrim 咗佢model, 但今個星期六先有得送, 佢家姐做野要跟十幾20次先得.
但最後, 只有送貨, 無幫我地落order 安裝. 激死!!! 今日要跟住幾時先有得安裝
晚上去咗royal garden 送出得buffet, 雖然未到一週年, 但想食咪去食囉. 唔諗咁多了, buffet 無貴價野食, 但都好味.



14/10
今日放工去咗quarry bay 的simple living 到睇下傢俬, 因為佢出果d 圖都係無乜special.
但無乜收穫



13/10
今日第一次做方魚蠔仔肉碎粥, 好成功!! 只係蠔仔買得太小, 下之要買多啲先
裝修己經進入第4日了, 所有野的拆曬, 泥頭都清理好. 改牆的磚都運到
星期五要confirm cf 電製位, 希望呢個進度會keep 住去.



12/10
今天沒什麼特別的事情, 好久沒有晚上做飯, 今日無同事同我食lunch, 去咗大家樂買飯盒, 之後就去咗街市同惠康, 睇下買乜菜
苦思之下, 決定做椰汁芋頭炆雞. 丙丙話好好味呀, 實在太開心. 不過賣相就差d, 所以要努力d, 之後post 响blog
短租呢到係用電子爐, 我發現無明火咁好用. 點解?? 就係成日d 野的中間熟, 其他兩邊都唔熟囉.
仲有. 本來有個鑊明明話係可以用咗電子爐, 但用唔到, 所以而家連蒸野都無得蒸... 苦!!!





11/10
星期一係第一日開工, 晚上唔得閒, 所以就今早上去看看情況, 拆的野唔多.
食完晚飯再去睇, 要拆的野都7788了, cf 話FRI 要confrim 電線位.
放工前數到simple living 的傢俬設計圖, 比我原來想像無乜special design, 可能係大部份都係用番display 出來的設計



10/10
今日cf 開始開工了, 唔知拆野拆成點, 而家最苦惱就係廚房d 野點放. 你知啦, d 位放得唔好, 用定真係會好唔方便架嘛
晚上同丙丙公司同事食飯. 所以好夜先番到屋企, 本來好想攪下個blog 的banner, 但因為太累, 所以放棄了.
今日終於upgrade 咗個blog. 真係多得romi 大家話downgrade 番個firefox. 唔係真係唔知點backup.
其實我又覺得唔會話唔好用喎, at least 轉行唔會好闊先啦, 最好就係分類有sub-folder 就好了.





9/10
尋日先咗座廁, 丙丙想買roca, 但我鐘意toto 多d. 不過每次座落去覺得好座果啲都係4k 幾.. 我無先睇價錢架.

所空間有限, 所以面盆要choice 細size 的, 發覺而家大多數的面盆都係好淺. dislike~~ 想搵一個深小小的.


今日再去旺角睇其他門, 唔知點解森美比其他係平好多. 有無特別原因呢??




8/10


今日10級忙, 首先一早要去管理處到轉名.


今日約咗cf, confirm 搵佢做. 其實都無點compare 過其他cf 的price. 本來之前係約咗另一位cf. 但我覺得佢太主觀, 成鬼日叫我幫佢買電器. 仲有叫我廚房枱面用不綉鋼, 包我50年不變. 老公聽到comment 係, 我係用來切菜切肉, 唔係解剖喎. 所以未等報價就唔考慮佢啦.


之後同cf 一齊去咗管理處到攪裝修事宜. 呢到裝修要比$5000 deposit. 因為我地會換窗. 而正正窗口响大堂入口處, 所以又要比多$1000 做棚.


之後就落咗灣仔, 去咗citibank 開account. 同去睇磚等....


森美門加咗價, 之前門框$770... 而家數$980. 加幅達20%. 明天再去睇睇其他門




 


7/10


楄桃線發炎, 早走去睇醫生. 開咗幾種葯


今日打去citibank, 佢地的service 都唔太多. at least 比起hsbc 差. 好多野答咗等如無答


約咗 cf 明天見, 作最後confirm.



6/10


今日無乜等別事發生, 返咗媽咪到食飯, 丙丙去律樓到拎番按金單.


裝修cf 再faxed 咗update 的報價單, wuwu. 今次一次過又要心好多錢呢


丙丙又要去應酬, 等佢返屋企等到好眼瞓.



5/10


一早就去咗一田睇下洗衣機. 好大機會會買西門子, 不過唔係idos, 雖然我都好鐘意, 但budget 有限.


至於抽油煙機, 想買富士皇, 但比起其他品牌又真係貴好多, 再想想


之後去咗睇磚, 廁所會用淺灰, 本身鐘意italy, spain 的磚, 但當然價錢貴好多啦.


廁房磚就會用平價的, 因為見到的地方真係一d 都唔多.


最後就係confirm 咗傢俬了, 會用simple living, 比原本budget 貴咗好多, 因為做多咗幾件, 但真值得的. 呢個sales 好細心, 我地一傾就傾咗2個鐘, 仲比咗好多意見我地.




 


4/10


再三打比律師, 遲遲都未比對數表, 這樣我不能登記做業主, 且會延遲開始裝修, cf 話下月開始每工會加$50, 所以希望我地快d 開工.





3/10


今日收到第一位cf 的報價了, 比起心目中的價平, 因為做多咗野, 比原來都係貴出好多, 本來一心諗用意大利貴價磚, 而家要再想想


傢俬的擺位的是一個好頭痛的問題, 因為佢的間格比想像中差, 要在有限的空間做無限的野, 真係要想想辦法




2/10


今日係同事fiona 結婚, 佢搵咗CM 做攝影, 真係一分錢一分貨, same day slide show 真係好靚呀.


佢個婚禮真係好touching, 不過花費都不非, 所以如果有朋友結婚, 又搵我幫手, 我一定百份百付出, 因為一生人一次, 唔好後悔






1/10
今日去咗小M 的婚禮, 本來係幫佢手做wedding planner 的, 但係因為另一位屋企有事, 所以不能出席, 細心的小M 怕我一個人會悶, 所以比我選擇去或唔去, 其實只是幫幫手播歌, 佢話可以搵其中的一位姊妹負責, 所以我最後只是去恭喜佢, 拍拍照留念而己


28 October 2011

Honeymoon 英法 - Day 6 .2 (由 ChampsElysees 出發)

食過午飯後, 番咗酒店拎房, 之後就去咗Avenue des Champs-Elysees. 由酒店行出來就係凱旋門, 多麼的方便.





由凱旋門直行就係Avenue des Champs-Elysees啦, 呢間LV 係最大間的一間, 又係最最最多人的一間, 無論任何時候的係咁多人.



沿Avenue des Champs-Elysees一直行, 就會到小皇宮




再行無幾遠就係大皇宮啦.







對住大皇宮就係Pont-Alexandre III





向橋上仲見到Tour Eiffel


之後我地又行去Palais de L'Elysee, 其實都幾遠架, 不過行下行下, 又唔覺得遠咁囉

途經HERMES, 响HK我真係感受唔到HERMES有幾美, 但係呢到... 真係靚到

 



雖然我地無入到去, 但單單window display 都已經感受到佢有多麼的美.


行下行下, 又到咗我地另一想去的地方, 無錯... 就係Lafayette, 佢有好多座架


單睇外表, 有無覺得有點樣工廠大廈呢, 同harrods 真係差九條街



不過好彩係入面好靚, 正直xmas, 加添一份美感

 


 


26 October 2011

Yahoo 係咪真係想我走呢??

最近, 訂閱blog 收唔到notice

以前舊版add 咗的blog 友有update 的話會有個旋風仔... 而家無

只能單單靠mail 入面的最新動態去keep 住邊個blog 友update 咗d 乜, 但呢個noticifation 唔係個個blog友有新post 都會notify.

可是, 今早用上這功能時的答案係...


Yahoo! 最新動態即將在本網站上停用。

佢係咪真的想我離開呢??



18 October 2011

燉白菜

呢個菜用咗LS 橢圓形煲最為合適不過. 可惜我無...

做法真係超簡單, 先洗好白菜, 翻開菜葉慢慢洗乾淨.  (今次用上日本白菜, 因為唔可以切開來洗, 所以洗唔乾淨都唔怕)

菜的中間放上火煺





7 October 2011

Yahoo Backup

今日收到email, 10月10日前要upgrade blog.  要不然就得 read only. 之後就要等yahoo 幫你upgrade.


但係佢地做野咁慢, 即係唔知幾時會upgrade 到.


 


之前見過好多網上教學, 但因為之前忙, 所以無時間backup. 今日打算backup 之下, 發現搵唔到最新的littleext for Firefox 7


 


唔知有無人幫到我呢??


30 September 2011

9月碎碎念


30/9

今天收樓了. 仲有搵咗另一位裝修cf, 但感覺不太良好. 傢俬都上門度呎




29/9

本來明明話唔會8號架, 但唔8號又8號. 丙丙尋晚仲話希望8號, 因為太多野未做所以好累, 想休息一天. 佢如願以償了. 但本來今天可以裝internet, 又要改期了.

最後一件傢俱都於8號風球下搬好了.




28/9

今日返咗媽咪到食飯, 上星期因為太忙所以無返. 今日仲借咗d 工具, 最終都拆到張枱, 但由於落雨, 要第二日先可以搬




27/9

好多事要煩, 身心疲累





26/9

公司女廁由今日起會裝修3個星期, 呢3個星期要去上一層的廁所, 好不方便.

今日去咗律師樓簽最後文件. 所有野都差唔多攪掂曬了.




25/9

仲係下雨天, 今日驗樓同叫cf 報價, 原來我買咗間化妝樓.. wuwuwu





24/9

今日搬屋, sofa 最終都係入唔到, 暫時放咗屋企的到. 因為之後落雨, 所以要遲d 先搬到其他野





23/9

放咗半日假, 要清洗短租間屋, 仲有係pcak 野





22/9

又一同事離職, 再食farewell lunch, 最近好多同事離職, 果市真係咁好咩?






21/9

原本睇north asia 的同事係有3個人, 當中包括我在內, 但係有一位同事大肚, 本來話10月中放, 而家就番到9月尾, 佢d 工作就我同同事share 來做.

但係, 我另一位同事今日都resign 咗, wuwu... 而家都唔知點算, 去咗美國果邊approval headcount. 之不過, 我地之前先炒咗人. 仲會唔會有機會有headcount 呢??

今日收咗租果到了, 都幾ok, 不過又有一件煩事, 就係因為佢鐵閘的關係, 我地張sofa 未必入到呀. 都唔明白點解呢個屋苑d 門口咁細. 而家點算好呢. 煩的事真係一浪接一浪, 無停過.

星期六就會搬屋了, 明明前幾日話果日會好天, 但今日睇話果日會落雨... 煩!!!





 20/9

呢頭講完, 尋晚11點幾就收到msg 話張餐枱太大. 唔要了... 唉... 邊到有得放2手傢俱呢?



 



19/9


好彩呢, 又有人留言話買餐枱了, 真係估唔到原來有咁多人買二手傢俱的. 我係咪好浪費呢?  約咗今個星期日交收, 希望唔會踼腿啦.


Confirm 咗傢俬會响simple living 到訂啦, 比咗HK$3000 deposit. 今個星期日約咗上午驗樓同約咗裝收cf 上來.



18/9


本來約咗11點交收, 但唔見人, 打去佢話book 唔到van 喎, 咪玩啦, 買值口都搵個reason d 啦, 唔買就一早同我講, 仲等我推咗尋日果個人. 黑人憎!!


今日本來想pack 多d 野, 但係唔太舒服, 最終都無點pack 到, 今個星期六就搬了, 如果是好... 原來我真係不之不覺間買咗好多野.


 



17/9


超忙的一天, 一早去拎電腦, 跟住打針, 之後就約咗多年無見的姑媽.


本來今日約咗人上來睇餐枱, 但有人confirm 咗買啦, 當然reject 咗佢啦


 



16/9


尋日果個只係話睇, 今日呢個就confirm 咗買了. Lucky


 



15/6


尋日先出post 賣枱, 今日就有人打來話想睇, 好成績




14/9


响呢間公司做咗1x年都同事今日last day. 食farewell lunch.


屋企本來用緊白色餐枱, 但因為同新屋裝修格局格格不入, 最後決定賣咗佢, 用咗唔夠一年, 都覺得有d 花錢, 希望有人買啦




13/9


中秋節假期. 開始pack 野了, 真估唔到多咗咁多野. 蝸居真係蝸居. 無地方放咁多箱呢...


新家想要thai feel. 但燈都係一個好大的問題




12/9


iphone 的alrum 好差, 今早好彩自己醒咗, 唔係就... 不過都座唔到村巴.. 遲大到..


中秋節, 放3點.. (開薰)


早收落咗灣你睇地板, 有合心但唔係100% 鐘意, 要再睇.


 


 


11/9


今日去睇咗幾間短租盤, 有一個唔係thru agent 的confirm 咗我, 但我怕他會臨時踼腿


希望搬屋當日唔係落雨, 如果唔係就要delay 一日


 


 


10/9


今天丙丙回港了, 我也忙做家務, 仲有將所有衫都熨好, 包括丙丙果d


今日我屋企做節, 但餐館不好食, 丙丙買咗一對好可愛的民族公仔


 



9/9


因為昨天太夜瞓, 所以今天不想番工, 反正本身都想放半天, 那不如一天吧~~~ 在家打掃, 本身想出去行下, 但懶的關係, 最終整天都在家


 


 


8/9


今日同同事farewell, 好耐都無出去飲酒了, 其實我一向都唔鐘意飲酒, 仲有係唔飲得, 今日飲得太多了, 臨走時突然流汗同暈, 好彩飲咗冰水後無事, 因為無食飯的關係, 座的回家後買咗個杯麵食, 但久久也睡不著.


 



7/9


每次丙丙不在家總有事發生. 今天係8樓爆水管, 攪到3樓的電錶房也壞了.


家中停電~~~


到晚上11時許才回復正常


 


 


6/9


今天是我同丙丙結婚10個月, 明天他又要出發去公幹了.


今天只咗家中做簡單的carbonara


 



5/9


我同丙丙第一間共同擁有屋今年會賣掉


正在物色同一屋苑的短租. 但好難找呢




4/9


老爸總覺得作為親家, 過時過節必要送禮, 你是這麼想但人家不是噢~~



 

3/9


今天去咗海怡工貿到睇傢俱, 看看有沒有idea.


Tree 同 OVO 的傢俱實在太美, 但我的蝸居放不下噢!!


 


 


2/9


很久沒有做飯了, 今天也不例外.


26 September 2011

驗樓篇

925


約左10點去驗樓同cf 報價.


因為cf 都未, 所以我地睇下佢有乜野未清拆


以我所知. 除咗入牆柜係唔拆之外, 所有野都必要拆的. 但係我地叫佢所有野都拆


最後, 有好多層板都無拆, 佢話呢d 係入牆所以唔拆喎. 我地係唔會就範的, 佢必須要幫我拆曬佢


計算過雪柜放唔落. 因為佢原本係同slim fit 的, 本來都想算啦, 但當cf 來到, 幫我地一睇之下, 問題就多多了.


 


廚房


1.      洗手盆滴水 (雖然係用不鏽鋼, 但因為佢係同台面連接, 所以要連廚柜一拼再造)


2.      廚房同客廳的牆身不是磚的, 而是木板, 本來問題不大, 可是果到係電總制. 所以用番磚牆會比較好.


 


廁所


1.      買果時已經知到佢水總制係唔合格去放咗响屋外, 所以打算搬番入屋.


2.      買時已經有問過係咪磚疊磚, 佢話唔係, cf 話有2邊唔係, 2邊係, 因為click 落去係唔同聲.


3.      洗手盆己broken.


4.      廁所係改大咗1/3, 因為唔想用浴缸, 所以諗緊改唔改番細個廁所, 如要.. 拆牆


 


 


細房


1.      其實都唔算有問題, 只係板間房, 但我地想拆咗佢個天花柜, 呢個板間都唔留得


 


主人房


1.      本來係打通咗的, 但我地想間番佢出來. 所以可能要拆廁所牆


 


全屋


1.      所有門窗都唔留得….


2.      窗台的雲石又是疊上去


3.      地板係膠地板, 雖然我地無打算要, 但本身話係複合地板, 真是騙子, 好了, 而家連拆都唔洗拆.


 


本來買咗呢間屋, 無打算要裝修廚房及廁所, 但而家要大裝了. 本身已經係最貴6月時買樓, 因為見佢話用咗20萬裝修, 如果小裝都真係可以接受. 但而家真的受不了.


 


21 September 2011

豚肉生薑燒

丙丙喜愛食豚肉生薑燒, 每每去到大戶屋都係必點之一. 見佢咁鐘意而做法又咁簡單, 所以決定做番次比佢試下.

(明明張相只係加咗名咁大把... 點解睇落好似怪怪咁)


4 September 2011

Bouquet making class@Solomon Bloemen V

最後一堂Bouquet, 今次係學ring pillow, 比我想像中簡單, 但就要花幾多時間响呢個item 到, 因為所野都係小小地咁砌上去.


玲蘭真係好美. 太鐘意了.



31 August 2011

Honeymoon 英法 - Day 6 (出發去巴黎啦)

2010年12月31日(FRI)


唔洗問啦, 呢一係咁多一去旅行之中最早身的一日.


我估無人去旅行會好似我地咁咁早起身, 無法啦, 其實我都唔想的, 因為我地太遲book eurostar, 所以好多都full 曬. 唯有座早d啦


你睇, check 曬 in 攪曬所有野都只係6:13, 可想言之我地係幾點起身架啦.



呢個候車大堂都幾時尚, 但眼見好多人都有大大行李, 我想講呢, euro star 的行李位係小之又小, 所以我地差唔多時間就去定電梯到, 一開閂就9秒9去自己個車箱. 因為行李位得左右上下, total 只可以放8件大行李, 我地d 行李咁重, 所以一定要放下面. 眼見有好多人都無位放, 好旁惶...



話咁快10點多d 就去到paris 啦, 人人都話paris 好浪漫, 無論睇電視各方都係, 所以今次好興奮的抵達.


呢個大堂都唔錯喎, 只不過真係要好小心, 因為太多地雷啦, 仲有都有一陳陳尿尿味.


首先就係去買St. Michel的ticket, 果個小姐好靚女架, 但係佢唔太明英文囉, 好彩最終都無問題到.



跟指示去到Metro / RER車站, 我地唔太識買ticket, 有好心人幫我地手買, 佢問我地去邊, 我叫我地座metro, 因為paris 係丙丙做功課的, 所以我乜都唔知. 丙丙話RER 只係轉一次車, 但metro 就要轉幾次, 但下次的話... 我死都唔會座RER.... 因為真係臭到無朋友.


好多人都話paris 係唔會買ticket, 只會跳過去, 有見及此, 除咗轉轉入閂仲有門架. 比以前嚴, 但我都係見人跳過去囉.



終於忍臭去到目的地啦... 今次住的地方係凱撒後街, 好方便, 就係係拍攝呢條街啦.



我地係入住 ASTRID Hotel, 外型都唔錯呀.



門口有聖誕裝飾, 因為太早的關係, 所以未可以check in 住.



寄存行李後, 我地就响附近四周爬爬走.


呢間燒雞好香呀, 本來想買番酒店都食的, 但大家都知啦, 去旅行多數都係早出晚歸, 一係未開門, 一係已關門, 跟本都無時間買到.



外國d花真係靚到無朋友呀....



玫瑰玫瑰我愛了, 真係靚到呢~~~ 都唔知點形容好.



走下走下, 天寒地凍, 就入咗麥當當. 呢間係後街果間, 响champs-elysees 果間係超唔得架.


巴黎都好先進下, 有自助售賣機, 不過要比credit card.



有沙律同薯角選擇



大家都話香港麥當當d飽好細, 我想同大家講, 外國貴得來都差唔多渣.



响外國食乜都唔平, 呢餐成為EUR12.1.. 計落大約為HKD133



伸延閱讀


Honeymoon -- 英法之旅@序及酒店篇

Honeymoon 英法 - Day 1.1 (Heathrow Airport)


Honeymoon 英法 - Day 1 (Part II)


Honeymoon 英法 - Day 2 (Part I)


Honeymoon 英法 - Day 2 (Part II)


Honeymoon 英法 - Day 3 (Part I)


Honeymoon 英法 - Day 3 (Part II)


Honeymoon 英法 - Day 4 (Part I)


Honeymoon 英法 - Day 4 (Part II)


Honeymoon 英法 - Day 5 無目的的到處走


29 August 2011

Computer Certified

屋企部腦, 死了!!


 


本來龜速的blog 而家更加龜到唔龜


 


寫了8個月的HM 遊記現在無了期完結.


 


而家d 電腦比起早幾年貴咗好多


 


好彩大學有平notebook , 但唔知幾時先有貨


 


等待!! 永遠有無了期的.


23 August 2011

泰式燒豬頸肉

本以為好難整, 但上網search 完食譜之後, 發覺都幾容易架喎, 所以週未就做來比老公享下口福啦, 平時大多清茶淡飯.


22 August 2011

Bouquet making class@Solomon Bloemen IV

第4堂的花球班, 最滿意之作.


襯托上綠色的繡花, 好有秋冬之意境



17 August 2011

簡單又易做的 -- Carbonara

坊間有好多人Carbonara 都是用上奶油的, 不過義大利Carbonara真正的做法是由培根, 起司及蛋組合成醬汁. 是不加奶油的.


15 August 2011

Bouquet making class@Solomon Bloemen III

今次唔係用繡球花為主去做花球, 用上唔同的花.



OH!!! 影柮來好似唔太圓, 但其實係好圓架, 只不過係拍攝問題而已.



最後加上用風信子做出來的心型圖, 原來風信子係好香的, 我越來越鐘意它.



11 August 2011

$119買Scrapbooking材料包

响團購網到發現有Scrapbooking 材料包買, 但好似for baby 多d.


大家覺得值唔值得買呢?


  


材料包內含多款精美貼子,立體花朵及英文字母或數字等等不同材料


重量:< 0.3 千克


大小:10” X 9” (連盒)


 



Baby Girl Album Kit



Baby Boy Album Kit


 


http://www.maidexi.com/deal/hk_118_$119-for-Golden-Key-pink-or-blue-scrapbook-package


10 August 2011

遲來的緍前驗查

一拖再拖的婚前驗查, 最後變咗婚後驗查. 最終响上星期六拎咗報告.

我的報告:

1.    唔夠鐵質

含豐富鐵質的食物

可分為動物性和植物性兩種:

1. 動物性
·        肉類尤其是紅肉如牛肉、羊肉及豬肉,而魚類及家禽類含鐵質則較紅肉為低
·        蛋類
·        動物內臟如豬肝、雞腎

2. 植物性
·        豆類如黑豆、紅豆、綠豆、黃豆及黃豆製品如枝竹、腐皮、豆腐
·        硬殼果如花生、榛子、芝麻、杏仁、蓮子、瓜子及各式果仁製品如花生糊、

蓮子糖水、芝麻糊
·        乾果類如葡萄乾、杏脯乾、蜜棗、黑棗、紅棗、無花果
·        全穀類如糙米、麥片、麥包、 強化鐵質之即食穀類食物
·        綠葉蔬菜如枸杞、青豆角、 菜心、白菜、菠菜、 西蘭花
·        其他如木耳、 雲耳、 金針菜

2. 白血球低
     主因係唔夠瞓
增加白血球之食物
1. 維他命C
功效: 是一種超強抗氧化物質,能降低體內自由基,增加白血球產造量。
食物來源: 柑橘類水果如橙、柑、檸檬等,薯仔、青椒,士多啤梨、菠蘿亦含豐富維他命C

2. 維他命E
功效: 輔助製造B細胞白血球,可以幫身體製造更多抗體。
食物來源: 維他命E豐富食物包括果仁、蔬菜油等,五穀類食物亦有含高維他命E

 3. B胡蘿蔔素(beta carotene
功效: 有抗氧化作用及增加T細胞白血球製造量。
食物來源: 紅蘿蔔、番薯、芥蘭、菠菜、青蘿蔔、冬瓜。B胡蘿蔔素生吃及煮熟都具同樣抗病效果,如每日能進食510份蔬果就最好。

 4. 葉酸
功效: 是抗氧化物質,能減低體內「高半胱氨酸」(Homocysteine,會引致血液黏稠,導致心臟病),保護心血管。多進食葉酸能減低「高半胱氨酸」水平,血液黏稠度降低,流動會較暢順,身體抗病能力亦強;相反血較濃稠,流動較慢,低抗力亦較差。
食物來源: 橙汁、菠菜、豆類或添加了葉酸的早餐粟米片都含豐富葉酸。

5. 維他命B6
功效: 是直接幫助免疫系統的維他命,保護淋巴系統內的白血球細胞,幫助我們對抗病毒。
食物來源: 糙米、豆類、果仁、全麥榖類、香蕉、綠葉蔬菜、胡蘿蔔、魚類、雞肉、蛋黃、肉類等。


6.
功效: 可維持免疫系統運作正常,如吸收不足,免疫系統就會變弱。研究亦證實人體如缺乏鋅,血小板及白血球都會變弱,增加感染風險。
食物來源: 蠔、肝、牛肉、豬肉、火雞、羊肉、豆類、南瓜、芝麻、乳酪都含豐富鋅。


7. 黃酮素(flavonoids
功效: 抗氧化物,對坑自由基,增強免疫系統,對抗病菌。
食物來源: 水果、草莓類、豆類、蔬菜都含豐富黃酮素。


8. 大蒜
功效: 專門對抗流感的食物,有殺菌作用。可增加T細胞白血球及其他白血球(例如 macrophages)的生產量,增強抵抗力。大蒜含豐富硫複合物(sulfides)如allyl sulfides,能幫助人體更安全的代謝致癌物質,蒜素(allicin)則有殺菌抗病功能。將大蒜煮熟或生吃都有益,平日用作調味加於日常食物中更易吸收。余思行建議,一日一瓣大蒜已足夠。

9. 奧米加3脂肪酸
功效: 能增強其中一種白血球(phagocytes)的生產量,該白血球可以吃掉細菌。奧米加3脂肪酸可以鞏固細胞膜,對抗及治療外來感染。
食物來源: 含豐富奧米加3脂肪酸的食物包括三文魚、鯖魚、吞拿魚、沙丁魚、添加了奧米加3的雞蛋,植物方面有亞麻籽及亞麻籽油、果仁及種籽。將亞麻籽加入食物中,例如加入乳酪、烘焗食物、早餐穀物,或將亞麻籽油作為沙律油,都是一個吸收奧米加3脂肪酸的好方法!

註:余思行提醒,食物為身體提供營養,並能防病,如吃得太少,每日吸收低於1,200卡路里,容易營養不足,抵抗力自然低,故大家不應過度減肥及節食,或將身形保持在太瘦狀態。

11個好習慣 提升免疫力
1. 必吃早餐
營養充足的早餐,以五穀類為主,可以是早餐粟米片、麥包,加一杯牛奶、豆漿或橙汁,或吃一個生果。橙汁是上佳的營養選擇,一杯純鮮橙汁,提供一日所需的維他命C33%所需要的鈣質及葉酸。余思行建議,如有時間可製鮮榨橙汁,時間緊迫就吃一個橙。

2
. 全麥五穀
將所有五穀類食物轉為全麥類,因全麥類五穀的維他命完全得以保留,有抗氧化作用,纖維亦高許多。

3. 菜要盡量多
每日要有兩碗菜,盡量揀不同顏色蔬菜,紅、橙、黃、綠、白色等,以攝取不同維他命及礦物質。

4. 最緊要新鮮
以新鮮食物為主,例如生果,清洗乾淨後連皮吃,能吸收當中纖維!其他蔬肉當然亦要新鮮,確保營養能全吸收。


5. 豆豆最有營

飲食中加多一些豆類食物,因豆類含豐富纖維、葉酸及黃酮素,它亦是一個很好的蛋白質來源。而抗氧化物質,豆類亦是最高,比草莓類更高。


6
. 紅肉要減少
減少進食紅肉,十日一次最好。研究顯示紅肉與乳癌、前列腺癌、大腸癌有關,因紅肉內某種氨基酸會增加患上述疾病風險,故建議減少進食紅肉。飲食中的蛋白質,應盡量吃魚、雞肉或豆腐來吸收。肥肉、油類、煎炸食物亦應減少啲。


7
. 多用橄欖油
最好用橄欖油煮食,因含大量單元不飽和脂肪酸,對免疫系統最有利。盡量少用反式脂肪酸及飽和脂肪酸,兩者均會稍弱免疫力。

8. 保持健康體重


健康體重能增加新陳代謝及血液循環,令抗體及白血球在身體運行暢順,迅速偵測到病菌從而進行消滅。

9. 經常運動

運動時,身體溫度會短暫性稍為提升,可以阻止細菌滋生。做運動亦可以減低身體分泌壓力荷爾蒙「皮質醇」,壓力少,抵抗力自然好!做運動會出汗,肺部會排走有害物質(細菌),有排毒作用,另外身體亦可透過排汗及在小便中排走細菌,故應多飲水幫助排走毒素。
余思行建議,每日20分鐘運動已足夠保持免疫能力,我們只需做一些簡單運動,例如早兩三個車站下車,步行到公司或回家,就可輕易達標。

10
. 減壓
壓力會削弱免疫能力,故應盡量為自己找出一套減壓方法。

11. 充足睡眠
充足睡眠,保持精神良好,身體機能正常運作,抗病能力自然強。

我同丙丙都無甲乙肝炎針的坑體, 所以要打肝炎針. 當日打咗一支, 個月再打一支, 半年後再打一支

打完之後生B 先安全. 佢地話生前2個月先開始食葉酸, 唔好有咗先食, suggest 我食GNC, 佢話成份比其他好D .