My BD dinner @ 秋田

今年洗咗好多錢, 為咗慳錢所以今年都唔會去酒店到食, 丙丙一早plan 好咗去呢間, 反正未試過, 一於去試下.

季節沙律 -- 沙律呢家野只要新鮮就得架啦, 佢呢到都算新鮮

呢個蛋係送架, 入面有海擔

原隻伊勢活龍蝦 -- 講真, 呢個龍蝦只係一般貨色, 吸引之處可以話係睇佢表演

無一度菜都加上大量的牛油, 今次想唔肥都幾難. 你地睇, 咁大隻龍只係得呢幾件, 係咪好小呢, 果龍蝦頭會拎去煲湯.

香煎頂級鵝肝 -- 鵝肝由冰箱入面拎出來, 味道都唔錯.

銀鱈魚 -- 無乜特別, 唔係好大件, 食食下突然想去一年食去爐端燒日本餐廳食的銀鱈魚, 果到好味到呢, 真係想起都想即刻去食呀.

澳洲頂級和牛薄燒 - um... 老實說, 我食過d 和牛唔係咁架喎, 呢個只可以話係普通肥牛而已

炒野菜 --- 唔好以為係平平無奇的翠肉瓜, 其實係加上大量牛油架

頭先的龍蝦頭就做咗個麵豉湯, 雖然個湯唔係好食到龍蝦, 但係味道都唔錯喎.

龍蝦麵豉湯

特式秋田沙飯 -- 全晚重點之處, 又係廚師表演的時間, 用隻雞蛋慢慢寫上"生日快樂" 真係小d 功夫都做唔到, 因為我地個廚師一次過serve 2枱食客, 隔離枱見到即刻拍手話恭喜我, 真係有點不好意思呢.

佢地會用d 材料做出各種唔同造型的公仔, 今次呢個係麵包超人, 唔知佢係咪覺得我個麵比較包呢?

無論味道同賣相, 都好好味, 但真係太飽唔係太食得落.

精選甜品 -- 知我生日, 所以特別送咗呢個蛋糕比我, 但係.. 一點都唔好食.

雖然呢一餐唔係話好好味, 但都過得去啦 (可能我要求太高), openrice 好多好平架. 多謝丙丙為我準備的呢一餐, 下年就係人地個老婆了, 到時唔知丙丙會帶我去邊到食呢?