Confirmed Wedding Decoration – Amor

我都話慢人地100拍架啦, 我估呢到都無乜邊果好似我咁遲先confirm decoration 架啦. 本來一心想save 錢用番free concept, 但係因為佢d decoration 實在係10幾年前的style, 如果要加錢upgrade 個package 就要加9K, 仲要係standard 野喎, 咁不如我自己出去搵過一間做仲好

尋尋覓覓, 因為有上oliva 的scrapbook, 所以對佢的手作仔好有信心, 得知佢地原來都有攪decoration, 所以就問下詳情, 由於佢地都係剛剛起步, 所以好多野都好standard, 一不做, 二不休,我決定棄用 chiffon cloth做backdrop, 改用print-out backdrop. 咁樣佢地flexibility 有大d.

9月第二個星期會睇draft, 到時再同大家分享

**真係唔好意思, 之前响到仲話oliva 間公司幫人做free monogram, comment 唔太好, 原來係自己攪錯咗, 做得差果間係另外一間叫amor wedding gallery, 因為大家都叫 amor 同寫法都好似, 所以咪攪錯囉, 好彩oliva 睇咗我個blog 即刻話番比我知, 唔係就死火了... 仲响到大大聲話人~~~ SORRY 呢**

而家乜都放心曬了

呢間都叫串燒主打?? 備長

好耐無食過日本串燒啦, 見呢間係以串燒為主打, 無睇過任何食評之下就去試咗. 後悔~~

呢間係天喜係同一個老闆, 最近見blogmate 話天喜差咗好多, 心想可能係天喜差咗, 呢間未必差呢, 仲有之前食過天喜的串燒雞翼, 真的好好味架喎...

旅遊保險

星期一發生咗一件好不幸的事, 我深信大家都同我一樣咁悲傷. R.I.P

其實我想講另一件事, 我同事本來尋晚出發要去長灘島旅行, 機票同酒店都一早比曬錢. non-refundable. 但因為呢件事同政府發出咗旅遊警告, 所以唔想屋企人擔心, 決定唔去. 佢一再check 過酒店同旅行社都係無都退款的.

幸兒, 早前同朋友傾計話幫佢買旅遊保險, 佢話佢公司連恐怖 都包的, 所以佢二話不說就買咗了.

平時的我唔到最後都唔會買, 就呢件事想同大家講, 當你confrim 曬所有野就要買旅遊保險了.

佢max 可以賠到20K, 即係所以機票同酒店都可以賠償, 以後唔會去到last mins先買保險了

 

都怪自己太過大意

終於攪咗8個幾月, 我MDW pre-wedding 的相終於有得拎啦, 而家等緊confirm 幾時送.

因為我地想早d 選march-in video photo, 所以一早問咗Kathy 拎咗隻CD. 但係… 問題來了, 點解有7張相係一值都無見過架呢? 問題原來係我地第一次去店到睇時, 我地數過係有63張相的, 完全無問題. 問題係由第二次, Kathy send mail 我地edit d 相時, 己經小咗7張相, 7張之中有4張係同一頁的, 因為我睇番final 排次序時, 原來係有呢7張, 但當時相太太太細的關係, 細到根本睇唔清邊張打邊張, 但都無法啦. 因為我估呢頁問題不大吧

問題係仲有果2張, until final 排次序時都係無出現過的, 呢2張相仲要好似同單人相, 咁佢會點放呢?? 尋日打去MDW 搵Kathy, 原來佢已經無做了, 唔怪之佢一定要我上星期去拎隻CD 啦, 有個叫Judy 的同事幫我跟, 但佢話63張相完都放了入相簿, 我真希望佢無入到呀, 因為佢地早前的排板係超唔掂架.

沒法子了, 我地實在有選到這些相, 而家等送貨, 希望快d 收到睇下啦.

欄門花球

早前見blogmate gen 就咗呢個花球, 响接新娘時用真係一流.

我成日睇野睇d 唔睇d. 佢個blog 都寫到明係用3吋發泡膠球架啦, 見到濱紛只有8吋就2話不說咁買咗番屋企, 當然係唔識合啦, 所以又要花錢買過

今次我同咗4吋發泡膠球, 因為屋企門口比較大, 花就同咗36支, 响花園街伯伯到買, 行咗幾次都無一束有12個頭, 只有一束有4個頭+碎襯花, 無法了, 都照買咗9支. 而家d 襯花唔知仲乜好.

呢個真係又簡單又易做呀, 係買花貴咗小小. 總算叫做開始我的diy 了

剛剛install 咗photoshop, 但係完全唔知用, 點先可以張2個字母重疊呢?? 希望有人可以教下我.

已買printer

早前見有blogmate介紹話 Canon MP258 又平又抵, 一心都打算買, 但我成鬼日都3心2意, 買部好D 可以印相呀定係 cheap cheap 一部3合一就算呢

講真, 可以前都有printer 架, 但一年都print 唔多過5次, 所以每次都係個咀噴唔到墨, 可能太耐無用的關係. 但係今次因為要印帖, 所以唔買唔得了

今期 HSBC 响百老匯, 中原同豐澤有最低 4% discount 回贈, 最多仲有50% tim. 不過50%又點會比我呢個黑仔王呀

尋日無意中行過豐澤, 發現想買的Canon MP258 平咗好多喎.本來要$398, 但因為電腦節的關係, 所以賣$368, HSBC 仲有回贈, 咁係好抵喎.

睇睇下發現呢個HP Deskjet 1050, funtion 同canon 一樣. 仲要print 野比canon快, 至於價錢, 又係因為電腦節, 所以只售$299, 仲送咗細相紙比我, 2話不說咁就買咗了.

早知去電腦節啦, 我仲有router 未買呀...

最近努力學習photoshop 做monogram, 希望唔太遲啦

再見了~沖繩料理 Chura

當你地睇緊呢個blog 時, 我想同大家講, 呢間我最愛之一的chura 已經結業了, 同一地址而家賣的是八吉, 主打鮮魚料理, 雖然我未去過, 從相中覺得同之前的裝置沒太大的分別, 其實沖繩料理都有一盆鮮魚會拎來你面前任君選擇

寫番上個月頭的食評先, 又是星期六的下午, 無法啦, 午市定食抵呀嘛, 而家攪結婚真係慳的一蚊就一蚊

梅汁雞肉冷烏冬及迷你雜錦魚生飯定食 $98

有水準的茶碗蒸 (死啦, 我開始發現我相機咁快影d 相出來唔 sharp 啦)

婚禮要注意的事項

尋日又去上緍禮統籌堂, 學咗小小野想同大家分享, 唔聽過真唔知要注意的地方

1.      如果用泡泡最好唔好吹响人. 唔係d 餐具, 面部會有泡泡, 响牆係最好, 因為唔怕滑

2.      if 你地打算用蠟燭, 咁要小心d, 因為唔係個個賓客都喜歡果一種味, 如果要薰衣草就要更加小心, 因為低血壓的人係唔適宜, 有bb 的除時因而小產

3.      最好唔好用真花瓣, esp march in 時前面有小朋友灑的花瓣, 但為好容易腐爛, 一來會變咗啡色, 2 來會有腐爛的味道

4.      唔好用2拉架, 送都唔好要.. 2拉2拉..

5.      相架唔好用花包圍住, 尤期是上方, 因為會好像大酒店的花牌

6.      出場時如果用飛天車, 小心裙腳, 唔係所有賓客的頭唔洗要了

7.      簽名布最好下面加個膠墊, 咁簽名時會順d

8.   Miss 比咗彩福的相我地睇, 原來酒店睇場時係有白色毛毛地毯, 但原來係唔可以企上去, 最後佢會拎走的.

9.   如果你地即場註冊, 記得叫兄弟睇清楚有幾多張椅. 唔係一陣唔夠座就唔好啦

10.  睇清楚reception table 上面有無decoration, 會唔會令到賓客簽名時好辛苦 (個頭要就住)

11.  酒樓話的最多席數, 自己打個8折, 如果唔係會座得太迫, 連march-in 都未必有足夠空間

12.  送的野未必多係好, 要小心選擇合適自己的

抵食LUNCH @神屋流博多道場

再來介紹神屋流博多道場. 今次呢間係位於尖沙咀金馬倫道

媽媽衫@ Red Wedding

從前未結婚時22吋腰的媽媽, 因生咗我地, 又全職家庭主婦的關係, 由以前的22吋, 變身為現在的... ... (不能說的秘密)

大肚腩已經同媽媽不離不棄, 平時著開鬆身衫的佢都唔發覺個大肚腩係咁大, 真係要佢keep 下fit 先得啦.

唔講咁多, 即刻去片, 呢d 係我out 咗的衫, choice 咗邊d... 等我緍後先公告吧~~

難得呢件衫咁收身, 但呢個款無論金都又好, 其他婚紗店又好, 都必定有的, 太大路了, out~~

嗱嗱嗱, 好明顯係肥架啦, 你地睇呢件就知. 雖然呢件都唔錯, 但我選咗另一件一樣色但唔同pattern.

呢件都唔錯架, 但係因為有袖所以無咁好睇, 如果選3件, 呢件會係入圍.

再來... 呢件比家姐品評成似窗簾布的pattern, 但其實都幾靚呀, 佢話唔好所以又out

呢件睇落去好唔錯架, 但係影相就差d 啦, 乜都睇唔到.

我地選衫時, 同時間有一家人都响到選衫, 佢地的爸爸同媽媽, 老爺同99 都品評為呢件超 good 喎, 但之不過, 都不是我們的杯中茶

我地本身係鐘的一件過, 果d 辦分開2件的係唔會選, 因為實在老土的要命.

媽媽carry 唔到淺色, 最主要係身型的問題. 佢地話10月再final confirm, 之不過我估佢地都好小會番媽媽衫架啦. 希望媽咪可以keep 下, 唔係得我靚咁就唔好啦.

Confirmed 註冊時間及地點 + 印帖

星期五去註冊處選時間, 明明佢地話工作時間到11:30, 但last section 又係11:30. 可以去到11:45. 唔理了, 當然係選11:30啦, 遲15分鐘所有野都唔洗咁趕.

註冊時間及地點 : 沙田註冊處上午11時30分

********************************************************************

Confirmed 咗註冊時間, 咁當然係第一時間去印帖啦, 星期六我地就去咗昌記印帖, 唔印真係唔知, 原來英文同中文係分開計的, 但又可以唔洗全部印曬中同英喎, 即係你想點就點, 本來我落order 時係要中同部分中英的, 但想想下, 要英d 稿費又要加$150. 我真係得果幾個人唔識睇中文之嘛, 想想下不如diy, save 番仲好啦.

今日打去話唔要英文, 佢地好好人, 話對稿時幫我改單

稿費中文 $200 ; 中+英 $350
熨金直接印落帖到 $0.7 一張

星期四有得睇稿, 希望快d 收到, 因為仲想diy 一啲野.

九州料理 -- 神流屋 博多道場

上次食海南少爺時見到隔離新開的神流屋 博多道場, 其實較早前已在尖沙咀開業, 但一直苦無機會品嚐, 今次响銅鑼灣開分店, 真係正合我口味.

3 months left

E... 上次倒數好次唔係好耐的事, 咁快又要再倒數, 而家進入白熱化倒數

數番我上個月話要完成的事先

To be finished in July

1. Bridesmaid dress -- confirmed (10月先拎)

2. 媽咪衫 -- conformed (8 Aug 試衫)

3. 爸爸禮服 -- confirmed (不過爸爸話祥興都得唔好, 改咗幾次...唉... 唔做都做咗, 算吧)

4. Decoration -- to be confirm

5. Book 註冊處 (23 July 2010) -- complete -- 今日會去交擬結婚證書

6. DIY (簽名筆) -- will complete in Aug

7. confim 印帖 -- will complete in Aug

8. 褂鞋 -- done

9. 花車佈置 -- to be confirm

To be finished in Aug

1. 以上深紫色

2. 兄弟呔

3. DIY (table card, Menu card, 介子枕)

4. 入利是

5. 買豬卷

6. choice march in photo.

7. 紅酒

今日將會去註冊處交擬結結証書, 一定唔可以遲到, 之後就會去昌記印帖. 開始好緊張啦, 印好之後想 DIY 小小野, 到時真係要快手D 先得

 

港式婚慶籌辦實務証書課程@1st lesson

上咗第一堂"港式婚慶籌辦實務証書課程" 今堂主打教有乜方法响香港註冊, 原來香港同香港人結婚係好簡單, 但係原來同唔同國家的人咁就會麻煩好多

上堂間仲講咗原來美心中式唐餅唔係用蓮子造架, 係用薯蓉, 所以會無左百手好合的意思, 所以買之前一定要問清楚長輩

有好多人會upgarde 條魚, 原來upgrade 東星斑一定要註明係紅色, 唔係紅色就唔係東星架啦, 咁價錢都會平好多, 到時argue 都無謂啦.

跟住落來會學唔同的知識, 個好鐘好快就過咗, 上得真係好開心

呢個係miss 的web, 大家有興趣可以去睇下.

http://hk.myblog.yahoo.com/weddingstudy@ymail.com

http://hk.myblog.yahoo.com/yoyo-club

 

星馬菜 -- 海南少爺

早前睇雜誌見到介紹一間由新加坡食店, 2位主理廚師乃為文華酒店Chatterbox 出身, 話係正宗都唔正宗的海南雞, 小妹從未去過新加坡, 但對其海南雞十分有興趣, 故某日放工約丙丙一嘗正宗的星馬菜.

(真的十分抱歉, 小妹發覺G10 實在太重, 故時常不帶其上街, 但耐何小妹的手機拍攝的質數相當差, 不竟也用了多年, 希望各位不要介意... 介意都無法架啦~~~)

放工9秒9到達, 是夜乃為星期三, 此店剛開一星期左右, 因為門外有大量新鮮的花牌, 連站立的位置也不多.

我不知道是否有訂枱服務, 但當天眼見好多人都無訂枱, 而且無補票服務, 如果你真係想吃, 就得乘乖地等待, 千萬不要走開. 當天眼見袁詠儀, 袁天經等人都有留枱, 真不知是因他們的名氣所以不用訂枱, 還是真的有訂枱服務

呢到對位維港的景色, 入內桌子無想像中之多, 今次主打海南雞飯 $88 (轉全脾加$10)

先說雞湯, 材料有生菜絲和豆腐, 雞湯是另外用壺上的. 湯有雞味, 但一般而已

另外仲有小食皮蛋慕絲蒸蛋... 超唔好食呀~~~~ Sorry 都要講句, 超no good!!

冰鮮雞 -- 對小妹來講實在沒太大的興趣, 雞味太薄.

蠔油白菜-- 沒甚麼可評... 正常

肉骨茶鐵沙煲 $72 -- 聽說用上豬骨湯底加當歸, 杞子和沙參等藥材素熬足4小時, 愛吃呢個菜的丙丙品評為當歸味太薄, 但對我來講而是很重的當歸味了. 可惜的是附上的油條不脆

黑蘿蔔糕 $58 - 店員推介呢個黑蘿蔔糕, 不會像平時食到的白蘿蔔糕, 用上蒜茸, 菜脯, 蛋漿, 新加坡黑醬油 (廣祥泰的陳年老抽王). 我覺得唔夠乾身, 不過呢個又可能係星加坡的特色.

鐘意與否真的好講個人口味, 對我來講我比較鐘意太妃雞多一點, 不過可能呢個先係正宗口味.