29 July 2010

Planning for Honeymoon

年頭本來plan 去北海道, 但思前想後, 最終都係決定去歐洲, 原來去歐洲一啲都唔平, 希望可以慳d 洗啦


本來我好希望23號晚飛, 去到英國剛好24, 咁剛好可以倒數聖誕啦, 但係公司d 野真係走唔開, 最早都要24號晚先有得飛, 本來都book 24號晚架啦, 但係一問酒店之下, 發覺原來25號係無public transport, 要酒店幫我租車去機場接我, 但一位要50, 太太太貴啦, 所以最終改咗26號先飛, 無法啦, 玩小一日囉


而家未係hold 咗去英國的來回機票, 26/12.. 8/1 , 到香港為9/1


14日的旅程去邊到去呢, 我暫時想到去英法2, 加多一個會唔會去趕呢?


大家有無乜地點, 酒店推介呢?


仲有我係咪應該等package 定係air ticket + hotel 分開book ?


本來打算開始DIY, 但發覺HM book 好多野, esp 酒店都好full


希望大家比啲idea . Thanks!!!


28 July 2010

舊色格局茶餐廳@香港大牌檔

平時去開佢隔離的住家菜, 見到隔離呢間香港香港大牌檔好有懷舊感覺, 其實只不過裝修到好似60/70年代的茶記

是次點咗2個小菜(包飲品... 無記錯的話好似有湯tim)

茄子斑腩煲 $55
份量10足, 呢味好過住家菜喎, 斑腩新鮮, 仲有好多我至愛的菇tim.



25 July 2010

我的褂鞋

尋尋覓覓, 終於買咗我對褂鞋了. 呢對係响荀崗的立興買, 有龍有鳳, 比坊間的有跟鞋貴一點, 但真的很美, 又有囍字, 講價後$56 成交, 其他褂鞋只需 $35.


美中不足不是高跟, 但沒關係吧, 因為佢實在好靚



24 July 2010

Scrapbooking @ Amor

早前提及報咗Amor 攪的 free scrapbooking 的course,  雖然係 free, 但係導師oliva 好有心機咁教我地, 仲有佢包曬所有材料, 要知响paper art 到買呢d 紙都真係唔平呢


平時丙丙都話我無天份, 今次比佢睇我呢個手作仔, 佢都嚇咗一驚, 其實主因係教得好...



未來幾個月會主力wedding 的手作仔 (因為而家仲未開始過), 所以無時間報佢地的當, 希望big date 之後可以上到啦.


23 July 2010

成功了~~~

YEAH~~~~~~


好緊張, 真係好緊張, 緊張過以前考試呀, 今日係小妹上網預約婚姻註冊, 因為星期六只開上午(至11:30), 所以必須拎到1-4號, 咁先可以 big day 果日去註冊處, 名額有限, 分秒必爭, 要不然就雖要再搵律師了.


07:50 已經入咗註冊處的網頁, 但當然係入唔到去註冊果頁啦, 跟天文台時間,準時8:00, 丙丙成功用Roboform 拎到一號籌


好開心呀~~~~~


20 July 2010

BD Dinner for my beloved @ Brasserie on the Eighth

只係一個午餐生日飯又點足夠呢, 來到晚上我地去咗位於 Conrad 的 Brasserie on the Eighth



呢到的dinner menu 一d都唔貴, 二, 三及四道菜的價錢分別係$418, $528 & $588


我地知自己食唔到太多野, 所以點咗三道菜


首先來個bread collection, 真係食飽都食到飽呀, d 飽暖暖地, 再加上牛油同吞拿魚醬 (其實我都唔知呢個係乜醬, 只係openrice d 人話係吞拿魚醬, 但呢個醬都真係幾好味)



Apptizers: 我要咗 Foie Gras, 但係over cook 咗d



而丙丙就點咗scallop with asparaus, 帶子唔會過熟, 好味



跟住到soup:- 我點咗 Lobster Bisque -- 份量十足, 好creamy, 好好味



丙丙就點咗呢個 Gratinated onion soup -- wow.. 你地睇下幾多cheese 响面, 我無食到呀, 唔知乜味, 但係見丙丙飲完呢個湯都飽咗6成, 鬼咩, 個湯又大, 仲要咁多芝士.



到main course 啦, 小妹點咗 pacific black cod -- 因為飲完個湯, 對我來講未食已去到7成了, 所以食咗一半都無, 但呢個魚煮得好好味, 好滑, 加上 mushroom, 我都係好鐘意呢個配答



丙丙呢個 veal shank, 份量都真係大得驚人, 不過都真係幾好味.



最後來個coffee / tea.  Both of us ordered lemon tea, 超飽同超滿足的一餐.



生日果位朋友同 hsbc 白金咭係有半價的, 但係必須要出示coupon, 上次我生日發覺佢地而家開始唔會人人都寄coupon, 所以今次一早叫hsbc 寄比丙丙. 但係佢而家服務真係唔太的, 一時又話無, 一時又話一早寄咗, 最終差 d 攪到要complain 先成功. 你地唔清楚唔緊要, 咪check 清楚先答我地囉.


除咗生日果位有半價, 另外果位都有8折架, 所以呢餐都係好抵呢.


丙丙都最後單身生日就咁過咗啦, 下年就係婚後第一個生日, 唔知佢打算點過呢?


19 July 2010

Confirmed 爸爸禮服&媽咪衫

首先講爸爸禮服先, 本來都好想做件貴 d 比佢, 但爸爸話而家無乜機會著, 因為所以親戚的仔女都嫁曬, 所以最多著 1-2次, 佢本來連造都唔想做, 但後來經我說服下, 就去咗超人氣的祥興洋服


一分錢一分貨, 以佢呢個價錢都係抵都死, 平時丙丙造一件西裝都要3-4K 啦, 但佢只需九百幾真係抵到笑呀, 雖然睇落好似好多布, 但來來去去都係果 d pattern, 無特別d. 係大路平實style. 可惜佢地唔做恤衫, cf 話做恤衫果個退咗休, 而家又無人學, 所以都係造得一日得一日. 爸爸身型矮小, 所以好難買恤衫, 但係通常做3件先抵, 有無blogmate 知邊到做好呢?


早前我提及過去金馬倫道同金都一帶睇媽媽衫, 媽媽對red wedding 情有獨鍾, 最主要係佢地sales口才好, 以前响店到傾好咗$880一件, 租2件$1380 (包手飾), 所以响上星期六的wedding expo, 我順便去red wedding confirm, 仲有睇下有無得平, 最後 $1200 2件(包手飾) 可轉一次款, 但如果媽媽衫轉晚裝就要加錢. 下個星期就會同媽媽去試衫. 希望媽媽到時唔好又話呢件又鐘意, 果件又鐘意啦, 你知女人...


今個星期五係重要日字, 排期註冊, 希望有last section 啦.


18 July 2010

婚宴紅酒 (二)

續上回我地試完新翹行之後, 我地去咗隔離 booth 的 wine club.


今次佢介紹咗leaflet 所有的wine比我地, 又平至貴, 分別為


Cabernet Sauvignon 2006 (Chile) $72 -- 買2箱送1箱 (柏寧酒店指定紅酒)
Galan Meriot 2006 (Chile) $72 -- 買2箱送1箱 (柏寧酒店指定紅酒)
Chateauroux Rouge 2007 (France) $89 -- 買2箱送1箱 (白沙灣遊艇會指定紅酒)
Doubglas Green Cabenet Meriot 2008 (South Aferic) $88 -- 買3箱送1箱
Lauca Pinot Noir 2007 (Chile) $99 -- 買3箱送1箱
Chevalier Saint Martin 2006 (France) $118 -- 買3箱送1箱 (皇家太平洋酒店VIP 樓層指定紅酒)
Lauca Reserva Pinot Noir 2007 (Chile) $118 -- 買3箱送1箱
Chateau Pintouquet 2005 (France) $128 -- 買3箱送1箱


响以上8支酒當中, 我同丙丙都一至覺得Lauca Reserva Pinot Noir 2007 (Chile) 係最好飲的. 越飲就越貴, 你話死味!!


响傾談過程中, 佢話介紹比我地呢D都係抵飲, 佢話賓好多的都唔會真係好識飲酒之人, 所以唔洗買到太貴, 仲有如果真係靚酒, 就跟本唔係呢個價錢, 我都好同意佢呢個說法.


仲有佢有教我地點樣計算要買幾多酒, 有D 人話一圍1支, 2支或3支, 咁幾多先足夠呢?


1. 親戚多定朋友多? 親戚多唔多飲酒呢? 佢話通常朋友多的話要計多小小, 因為太多親戚上咗年紀未必會飲好多
2. 擺酒日子 -- 係 weekday 定weekend 呢? 一般來講聽日要返工的話大多唔會飲太多.
3. 酒店定酒樓擺酒 -- 要知1支紅酒大約可以有4-5杯酒, 酒店個杯大d , 所以只有4杯, 而酒樓個杯細d, 所以可以有5杯酒
4. 計算方法 -- 以小妹15圍例, 如果我以2支1圍 (15*2)/(15*12) = 0.167 咁即係每一只有一口咁多.
5. 除非你d 飲係好難飲,又或者佢地真係唔太識飲, 要不然通常都會繼續飲的, 咁要估下一人一晚大約飲幾多酒. 一開始就一定有一杯啦, 咁仲有敬酒, waiter 都一定會幫你加滿佢, 咁最小都已經有2杯了.
6. 你班兄弟之後會唔會同你劈酒


以上的因素都會影響你究竟要購買幾多支紅酒.


跟住我再問佢地有無做回酒架? 佢答我無, 仲有解釋比我聽點解佢地無做, 飲我對回酒都要想清楚


佢話你到响酒店攞都好D, 响酒樓攞的話佢地會將 d 紅酒放响廚房門口, 紅酒遇熱會變質, 仲有你可知你飲緊果支係第幾手回番來架呢? 呢d 都係完全無保證, 所以佢地話perfer 賣平小小都唔做回酒.


紅酒暫時講到呢到, 再有冷智識再同大家分享.


 


17 July 2010

婚宴紅酒 (一)

今日又去咗wedding expo, 其實主要係book 媽咪衫, 同睇紅酒


第一站我地去咗人人都話好的新翹行, 呢間真係好出名, 最主要係有2成原價回收, 咁買多咗都唔怕. 之不過介紹比我地唔係大家熟悉的夏生, 係一位唔多清楚的c9


我同丙丙都唔係識飲酒之人, 雖然丙丙好多時都會出去飲酒, 但都只係在於好飲同唔好飲.


一座低佢地就介紹咗 Bushman's Guly Shiraz Cal (Australia) $59 - 佢重覆咗好多次話呢支係 Four Season 的 House Wine. 我知Shiraz 的酒响澳洲係好出名, 但try 咗呢支又覺得好一般喎. 仲有邊個會知佢係 Four Season 的 House Wine 先得架.


跟住我就試咗 Cuvee D'Avanne 2007 (France) $49, Frontera Metlor 2009 (Chile) $49, Ramon Roqueta 2005 (Reserva) $75, 仲有幾支我都唔記得係乜名了, 只係覺得有d 辣, 無乜層次


令我有印象就只係 Ch. Le Grand Moulin 2007 Premieres Cotes de Blaye (France) &85 同Ch. Lartigue A Valeyrac 2005 Medoc (France) $108. 前者為2009年度法國美酒大奬賽銀牌, 而後者自932年己被嘉許為貴族級酒莊. 小妺唔係為佢地得過乜乜奬先覺得佢地係好, 正所謂一分錢一分貨, 論色澤, 香味, 同飲落口的感覺同之前個d 都好唔同.


我自己覺得 $85 呢支已經係幾好了, 如果要後者 $108 就有點貴啦.但係我唔洗急, 睇清楚d 先, 慢慢揀到自己合心為止.


今日又學到多一樣野, 大家唔會以為有得回酒就係一件好事, 原來都有問題架, 係乜門問題? 明天繼續


14 July 2010

二訪天膳

事件回到2010年5月12日, 是日為丙丙之生日. 丙丙轉咗新工, 响我公司附近番工, 但係我地平時都唔會一齊食飯, 點解?! 因為午膳時間係用來收集情報囉

由於丙丙仲未過試用期, 所以未請假去玩, 但都都唔可以咁平凡架咩, 同事又未知佢生日, 咁我就約咗佢一齊去cwb 食lunch 啦.

今次我地再去天膳, 主因係丙丙鐘意食日本野.而且呢到的set lunch 都幾抵食, 我地點咗自選壽司, 每人可點10件.

先來個茶碗蒸先, 夠熱又夠滑, 好味



13 July 2010

自我增值

一值以來自己都好鐘意手作仔, 但偏偏就無呢個天份, 家姐一見我做手係, 就話我兒時的努作大多她代努. 但係我真係好鐘意呢.


最近一連報咗2個course, 分別為 amor 攪嘅 scrapbooking free course. 希望在 olivia 教導之下, 我d 手作仔可以見得下人啦.


仲有就係工聯會辦的港式婚慶籌辦實務証書課程, 其實呢個course 報來只係興趣, 唔係為將來响呢行發展, 雖然我自己都好想, 但隨緣吧!!


唔知有無人同我一樣報咗呢2個course 呢?


11 July 2010

4 Years


時間過得真係好快, 話咁快就同咗丙丙拍拖4週年, 同佢每一日都過得好開心


識我之前, 丙丙唔多去旅行, 出去食野, 只係鐘意留响屋企, 但而家, 我已經令佢改變曬, 一講起旅行就好開心, 同我一齊食到美食又好開心.


雖然今日最終都無去到洲際食buffet, 但平凡的一餐都覺得好不平凡


願我倆一起過將來開心的日子.


10 July 2010

Confirmed Bridesmaid Dress@MDL

早前見到有幾個blogmate 話响MDL到做姐妹裙, comment 都幾好, 但地方就一 d 都唔方便, 上網睇咗好多間店, 都係始終覺得佢價錢來講真係比較便宜, 15/16 唔知好唔好响佢都做.


7月頭睇佢個blog, 發現佢有promotion, 本來以為所以裙都有呢個promotion, 但原來唔係, 係得幾個款有. 但其實佢有promotion 的款真係一d 都唔差.


價錢係點?? 真係平到你唔信呀, 5件以下 -- 短裙$200長裙$260送披肩 ; 5件以上 -- 短裙$180長裙$240送披肩


慳家的我9秒9幾姐妹今日去睇下 (其實係confirm 架啦, 因為我都唔想走來走去), 一約就齊人, 真係好多謝佢地百忙之中抽時間比我, 你知啦, 星期六仲要約12點, 個個都想瞓多d 架嘛, 但老闆話好full, 咁所以約12點, 等佢地拿拿淋攪完有自己節目呀嘛


去到老闆娘都好識做生意, 第一時間介紹無promotion 果d 比我, 但我好老實同佢講我想要有promotion 果d, if 佢promotion 果d 款差, 我一都唔會要, 但係佢promotion 係大路果d, 所以我perfer save 咗d 錢請佢地食野好過啦, 所以值接叫佢介紹, 每個姊妹都trial 一件, 在大家同意之下, confirm 咗呢件, 不過轉長裙



even promotion, 佢地裙的colour 可以轉,又可以加蝴蝶,我地最終要咗米白色的裙, 伴娘的belt 要咗淺紫色 no.77. 其他姊妹要咗深紫no. 74 (以.. 影咗出來好似黑咗d 但其實係深紫色)



佢地係包改一次, 但係長度係唔可以改的 (老闆話因為係佢自己改, 所以唔改長度喎) 咁要即時決定你當日會著幾多吋的高跟鞋. 佢地真係識做生意, 有1.5吋同3吋的鞋provide 比你試, 你仲可以响佢都訂, 有銀同金, 價錢只係$60. 好唔好著我就唔知, 但kitty 就即時訂咗對了.


做攝影都owen 都响老闆到訂咗頭紗  世估唔到佢無啦啦都會响到訂野. 幫襯佢影相的朋友又有新野用了.


老闆話佢地好快會搬去新舖, 到時地方會大一點, 仲會做婚紗, 我地到時拎裙應該係新店了.


Promotion 做到7月20日渣, 有興趣的JM 要快手啦.


Website: http://hk.myblog.yahoo.com/mdl.shop


7 July 2010

泰簡單 -- 一啲都唔簡單

一日都夜丙丙都叫我想下食乜東東, 自己又唔去想喎, 又要好, 又要馬兒不食草, 邊樹有咁多又平又靚姐.

Simple Kitchen, 位於總統戲院樓上, 分室內用室外, 大班朋友一齊食又得, 2口子食又得, 得咗!


6 July 2010

Cound down - 4 mth left

仲有4個月渣, 都係話咁快就到, 仲有太多太多太多野未做



To be finished in July


1. Bridesmaid dress


2. 媽咪衫


3. 爸爸禮服


4. Confirm decoration


5. Book 註冊處 (23 July 2010)


6. DIY (簽名筆)


7. confim 印帖


8. 褂鞋


9. 花車佈置


螢之光2 -- 部長小螢番來了

上季的日劇都仲未有時間睇完, 今季又來了, 部長小螢番來了, 干物女真的會結婚嗎?


聽日就上了, 今季必追之一, 上劇果d... um.. 有時間先再睇番啦 (不過有時間都做結婚d 野先啦, 仲有4個月渣)


http://www.tudou.com/programs/view/7ht8nIyaAmQ


 


5 July 2010

意想不到之yahoo ranking

最近見到好多人都講呢個yahoo blog 的ranking, 自己又8卦睇下乜ranking 啦


wah~~~ 真係意想不到喎, 估唔到係 top blog 之一, 响1259632個blog 中排806位, 但係明明係今日capture 落來, 但點解佢寫最後更新係 20 June 2010


講真, 我個blog 平時都唔係好多人睇, 佢個ranking 有無攪到呢? 唔理了, 睇到都有d 開心, 續繼努力寫 blog.



4 July 2010

媽媽衫之選擇

呢兩個星期都幫媽媽睇衫, 我地主打係高貴, 大方, 首先係去咗金馬倫道一帶


紫水晶
好多人都話呢間好, 但上到去一睇, 唔多掂喎, 比較老土, 店員都有 sale 下我地, 但係媽媽同我都唔太鐘意

溫韾
都幾多人响到試衫, 比起紫水晶, 呢間仲唔掂, 睇咗二件即走唔花時間


Red Wedding
呢間其實未帶媽媽去之前我已幫過眼, 覺得佢價錢平同多 choice, sales 都落足咀頭, 媽媽因為鐘意個sales 的關係, 所以都幾鐘意呢間


Be Queen
佢的價錢比起 Red Wedding 貴好多, 差唔多响red wedding 租二件等如呢到借一件, 但係佢地水晶閃好多.


金鳳凰
由於sales 落足咀頭的關係, 所以媽媽都覺得佢地好, 但我自己就覺得普通咗d, 不之過sales 即刻比咗個會展價我, 價錢當然係平啦, 但係好似差緊d 乜咁


新婚情報
由於有人响到試緊身的關係, 佢只係比咗相我地睇的關係, 所有新衫都無show 到出來, 但係even 跟我單, 都要2k 一件 (已是discount 價)


今日去咗金都, 估唔到金都的衫仲貴過金馬倫道一帶, 媽媽只係對金粉佳人比夠有興趣. 但一件都要2K幾.


仲有邊間比較好架呢?


1 July 2010

Wedding Song -- Part 1

Wedding Song 其實都要花好多心機去搵, 我自己本身就鐘情定純音樂或者係英文歌


Love Paradise -- 呢首歌每次聽都覺得好 touching, 如無意外佢應該會係我 march-in video 的歌



Canon in D -- 太太太鐘意呢首歌了, 我估好多新娘子都會用呢首做 march-in 時的歌, 我又何嘗唔係呢. 之不過做 march-in 好定係席前影相時好呢, 因為我驚march-in 太短, 聽唔曬全首. 網上有好多個 version, 用邊個好呢?


明日晴れるかな -- 無睇過求婚大作戰的朋友你一定唔會有所共嗚, 呢個劇真係超感動, J2 時不時都會番做, 我都一定唔會錯過, 睇咗好多好多次都差唔多識背了. 又係太喜歡之一



Maksim Mrvica - Wonderland  -- 用來上豬好唔好呢?



定係呢首好d 呢 -- Strauss - Radetzky March - Karajan ?