29 April 2009

2009關西賞櫻之旅 - Day 4 (Part I)


4月8日(Wednesday)


寫到呢到, 行程都行咗一半有多, 今日就要離開繁榮的大阪, 進入我地溫泉的世界 - 和歌山


Yodobashi Umeda 係响新板急後面, 我地經過呢到多次, 宜家要同你講 bye bye 啦!!



早上睇空中庭園展望台同夜晚睇大家覺得有乜唔同呢?


JR站行去空中花園的路途會見到好多地盤, 聽講話呢到第日又會係一個好大型的商場日本已經有好多商場啦喎.. 佢地做唔做得住呢?


由大阪去和歌山要座2-3個鐘頭車, 車程都幾長下, 我地途經見到好多工業區, 原來大阪係工業城, 好多工業, 葯業同奶粉都係响呢到生產的



座咗好耐車, 終於都到咗中途站了, 原來我地不經不覺已經到咗紀州了



睇到呢幅地圖, 我地就知仲要座好耐車先到今晚的溫泉酒店



和歌山的第一站係梅干館, 我都梅酒就好有興趣, 但對梅就


我地參觀咗佢地的制作過程仲有個3D立體動畫睇, 但我地全團人都呢個動畫完全無興趣, 所以唔夠幾分鐘, 我地已經所有人都放棄睇動畫, 反而對佢地的梅製食物好有興趣



所以制作過程都好乾淨, 真係確保衛生



我同丙丙都試咗d 梅酒.. 但係比起我地剛响香港買到的金獎受賞的梅酒還差好遠, 所以無買. 本來想買梅餅干的, 但驚番到來香港已經比我攪到碎曬, 所以最後乜都無買到


之後我地就去Tore Tore 市場食午膳了


 


伸延閱讀

2009關西賞櫻之旅 - Day 3 (Part VI)


2009關西賞櫻之旅 - Day 4 (Part II)


28 April 2009

問題?

我想問下我由22號開始已經睇唔到有update 最近訪客了, 我想問呢個係我的問題定係 Yahoo blog 的problem 呢?


 


27 April 2009

2009關西賞櫻之旅 - Day 3 (Part VI)

終於番到大阪了, 呢2日行程都係好多, 我估如果係自由行得話 at least 要3日先行得曬, 但我地用咗2日時間就去咗咁多地方, 所以响呢一刻, 真係十分十分累了, 所以要去居酒屋到relax下, 話曬第4天去的地方係和歌山溫泉, 所以再見唔到咁繁榮的城市


上次我地去東京時食過東方見聞錄, 今次我地本來想試下第二間, 但外於其他店舖的menu 好大份, 我地又唔係肚餓, 所以最後都係去番呢到. 話曬佢地係炭火串燒


向日本的居酒屋有一樣野唔好處係可以吸煙的, 對於唔吸煙的我可以話係好辛苦, 响東京的東方見聞錄同大阪有好大分別, 首先東方那兒係自己一個廂位的, 但係大阪到係2人一個廂位, 所以要同人share, 如果隔離個班人成日食煙, 你都咪話唔慘


首先來過drink 先, 我地先點咗小正の梅酒 (508Yen) 同 ザ ブレミアム モルツ (578Yen)



大家有無為意到右手邊有一碟毛豆呢, 佢自動拎我來我地無點架, 初時我以為係free 的, 但到結時先發現係要收 (798Yen), 差唔多係最貴的一碟, 以.. 唔知係咪大阪唔老實呢, 我地响日本果時係無架



厚燒き玉子 (609 Yen), 响日本食呢個一定唔會唔好味, 所以去到日本係必點之菜


]


えのき肉卷き (462Yen), 即係金菇肉卷, 個汁做得幾好, 但細份咗d



串燒き盛り合せ (塩味) (924Yen), 好好味的串燒



食到好飽,但番到酒店仲有我地响神戶買的布丁, 呢個就係我上文提及到咗神戶店員送我地出門口仲要等我地走先入番去.


唔錯喎, 幾好食, d 日本甜品真係做得出色



就係咁.. Day 3 就完結了..


~End of Day 3~


伸延閱讀


東京5日4夜之旅 - Day 3 (宵夜@東方見聞錄)


2009關西賞櫻之旅 - Day 3 (Part V)


2009關西賞櫻之旅 - Day 4 (Part I)


2009關西賞櫻之旅 - Day 3 (Part V)

食飯同休息過後, 我地就座JR 去神戶了.


神戶的夜景稱為日本3大夜景之一 (3大夜景分別為東京, 神戶同函館), 來到神戶, 點可以唔睇下佢地的夜景呢


三宮至神戶 -- 120Yen



一出神戶駅的中央口, 就會見到大大 Kobe Haborland 的標誌. 要去睇神戶港的夜景由此處出發, 途經多個商場包括 HaRe, Canal Garden, 神戶阪急, 跟住就會到 Mosaic Garden


呢條電梯係咪似曾相識呢? 無錯無錯, 去過富士電視台的朋友必定會座過.. 點解响香港無見過呢?



左手邊紅色就係港口地標神戶港塔右手綠色乃為神戶海洋博物館


神戶港塔為紀念神戶開港130週年而建, 而神戶海洋博物館為紀念神戶港120週年而建, 內介紹神戶開的歷史, 航運, 大地震的脹災事業等



文華東方係對住神戶港塔, 晚晚睇到咁美的夜景, 都係好好 view



有時間的話, 我地想座港口遊輪欣賞一下神戶港夜景



呢個 Mosaic 除咗有商場,食店同酒吧之外, 商場內小遊樂場 -- Mosaic Garden, 有大型摩天輪等遊樂設施



仲有丫, 商場內有宮崎峻動畫精品店, 以龍貓為主, 宮崎峻迷一定唔好錯過



你地睇, 日本妹妹見到都愛不釋手



跟住我地由神戶駅座JR 番大阪了. 响呢到, 我必需要提一提大家要睇清楚先好上車


點解我咁講, 原本390Yen 的車費, 但係我地因為上咗特急大阪的關係.... 車費成為1020 Yen.. 足足貴咗幾陪.. 真係好肉痛



比起去程時的車廂, 呢個真係陳舊好多, 好多...不過又真係快小小的... 因為除咗三宮站之外, 跟住個站就係大阪了 但快個10 mins, 不足以比多幾陪錢囉, 所以小心小心 



番到大阪之後, 我地就去咗居酒屋到食宵夜了


伸延閱讀


2009關西賞櫻之旅 - Day 3 (Part IV)


2009關西賞櫻之旅 - Day 3 (Part VI)


26 April 2009

2009關西賞櫻之旅 - Day 3 (Part IV)

行完異人館之後, 我地就番去三宮站附近的商店周圍逛逛, 三宮附近有好多大型的商店, 如SOGO, 0101, Loft 等.. 除此之外, 仲有地下商店街同京町筋商店街.. 如果要行得話, 真係一日都未必行得曬, 仲有係神戶的元町駅都有好多大大小小的店舖



見到呢間甜品店, 我地又忍不住手買咗來食... 本來好想影下間店舖問口, 我地買小小野. 佢地不但送我地出問口, 仲要一值揮手直到唔見我地為止... 呢d服務態度我估都無乜國家有了.. 今日今日呢個服務態度都係好得不得了, 所以令我有點唔好意思拍照呢



呢到係神戶新閒



行到有點累了, 雖然時間仲早, 但都來個early dinner.. 我地今次選擇咗"魚心", 咗旅遊書都有介紹, 佢响大阪, 京都同神戶都有分店. 呢間壽司以大件同抵食為主.



太大年了, 見到都有d 驚!!



um.. 點解仲有魚皮呢??



對終有魚皮的魚.. 我真的有點怕, 所以最終我無食比曬丙丙食



响香港的甜蝦只有3隻, 但呢到有4隻, 真係名副其實的大件, 但點解會有生菜响底呢?



帶子連殼一齊上, 但點解又係有生菜响底呢? 唔通佢地興, 我就真係有點接受不到了



如果你問我好唔好食. 我只可以答你新鮮, 但唔算好食, 比起我地上年响東京的北澤俱樂部實在差好遠好遠, 實在有點懷念同回味呢~~


呢到所有野都係即叫整, 所以保證新鮮, 而且正如書中所講提及, 真的十分大件, 因為我地一早print 咗coupon 的關係 (10% discount off), 所以呢餐為 2718Yen


其實我地都唔係好飽, 但係覺得唔係太好味的關係, 所以都係夜d 再食過.....


之後我地就去神戶港拍夜景了


 


伸延閱讀


2009關西賞櫻之旅 - Day 3 (Part III)


2009關西賞櫻之旅 - Day 3 (Part III)