今年 Crabtree & Evelyn 真係大手, 送25ml hand cream, 我收到2張coupon, 排咗好耐先拎到2支hand cream, 本來都有想過買唔買野, 但之前sogo 減價已經買咗好多用品, 今次咗睇又睇, 都無買到野, 嘿嘿!! 幾好定力
是次減價又30% off - 50% off, 都有好多人大手買野, cash coupon 都有30% off
我成日响到想, 點解無人咁做, 你用7折買咗張coupon 之後, 跟住再用discount 買野, 用coupon 比錢, 咁咪折上折囉, 點解無人咁做呢, 又或者唔可以咁做, 但無理由丫. 果d 係cash coupon, 應該係幾時用都得架, 又或者佢地唔識咁做呢??
講番先, 雖然要排咁耐丫, 有好多人都見要排就走咗, 但係我見3支hand cream 都要$135, 咁佢送2支比我, 我又save到錢啦..HAHA!!
跟住我地就去咗酒店隔離的公園, 入面有個碼頭, 但係無船的, 有的只係出租遊艇泊岸
你地睇下, 晚間的迪迪呢酒店開咗燈之後幾靚
跟住我地落咗尖沙咀東鳳城到食飯, 一心食佢地隻雞, wow..原來做緊海嘯貴, 由原來的係二百幾元減到$88, 真係好平丫. 唔食點都對唔住自己啦
跟住我地叫鳳城一品煲 ($138), 有蝦, 花菇,海參, 鮑片, 帶子同花膠, 仲有係白菜
呢個價錢又有咁多野食, 味道仲要好好味, very good
我地點菜果時, 店員話半隻要$50,但一隻就$88, 本來我地係叫半隻的, 但後來丙丙話驚佢張貨就價, 會好細隻, 又驚唔夠食, 所以我地最終都係叫咗一隻
點知, 來到見到隻雞真係好大隻丫, 貨真價實, 童叟無欺, 邊個話不野無好丫, 但係.. 真係太大隻啦, 食到我地... ... 所以d新聞成日叫人唔好因為平宜亂買野, 係真的, 我地食食下就好飽飽了, 丙丙即刻想起讀書時學過的diminishing marginal return, 食第一件個時係好想食, 但食食下就無曬食野的意欲了, 所以話... 便宜莫貪
食得太飽了, 我地跟住去尖東影下燈色, 宜家先11月, 咁快就有聖誕燈啦, 唔係係唔係人大咗的關係, 總係覺得細個時d燈色係靚過宜家個d, 唔知係唔係小朋友睇野的眼光唔同呢
唔係扭傷咗隻腳, 我地就有得好迪迪尼的黑色世界啦.. 不過好彩係我地之前無買都門票, 唔係就慘啦
為彌補我失落的心情, 而且天氣都幾好, 我同丙丙就決定去迪迪尼間酒店都行下, 拎番部好耐都未點過都相機
迪迪尼的列車同日本迪迪尼列車內外都一樣架, 唯一唔係的係香港得一個站 -- 迪迪尼樂園, 而日本就有好多個站, 途經多個迪迪尼酒店, 但香港要去迪迪尼酒店就要再轉 shuttle bus 了
不經一會兒, 到咗迪士呢站了
呢個mickey mouse 似唔似番版呢
跟住我地就座shuttle bus 去 Disneyland Hotel
入面好grand, 仲已經有聖誕的裝飾啦, 好靚!!
仲有係迪迪尼 gift shop
mickey and minnie 幾 SWEET, 有一對新人都响到拍影呢
佢入面吊燈好得意架, 睇真d, 有玻璃鞋
牆上的壁畫係唔係好靚呢
酒店的花園有個迷宮, 好多家長陪小朋友入去一齊玩
最近有不小百貨公司大減價, 首先就係sogo, 之後就有一田百貨
今日係一田百貨半年一度大減價, 我同丙丙都想去睇下有無平野買, 所以就相約咗放工之後去沙田
平日番工後約佢真係好困難, 因為我多數都可以準時收工, 而佢大多數都唔知幾點走得, 所以往往我都等了又等.. 今天我都已經唔係準時收工了, 而佢話會盡力準時收工, 果然不出我料, 又係遲到, 無法啦, 咁我唯有响沙田搵定位
老實講, 我開始越來越唔鐘意响沙田食野, 無論好唔好食, 價錢都唔平, 尤其是新城市廣場裝修咗之後, 價錢比以前仲要貴
想來想去, 終於我決定去 i-thai 食, 本來想去simple thai 但一定又要食幾百完落樓, 算吧, 係時候要節儉d, 經濟唔好丫嘛
首先來個泰式炭燒沙嗲 ($48), 我要咗3串雞同3串豬,豬燒得比較乾, 雞比較好味
跟住係蒜茸越南牛油雞翼 ($48), 完全食唔到蒜茸同牛油味, 不過炸得幾香口, 仲有係大量洋蔥, total 有6雞翼, 呎個價錢份量都算多
最後我地點咗泰式香葉肉碎炒飯 ($48), 呢個無乜特別, 初初都係今為未食個呢樣所以叫來試下, 但係好小好小肉碎同無乜香葉味
不過, 講真, 呢個價錢都算係平,平時我响公司附近的茶餐廳食個 lunch 都要 $40-$50啦, 仲想點喎, 雖然佢同個名係有d 出入, 但係都唔算得好差.
之後我地去咗一田, 但係發覺人太多, 我地好快就走咗, 乜都無買到. 算吧! 响Sogo 已經買咗好多野了, 今次唔買啦
Sogo 半年一度大減價已經開始咗啦, 雖然宜家市道唔好, 但係見到有平價野點都要消費下, 雖然話係大減價, 其實比起上年d野都係唔平好多. 有d減咗價仲要貴過其他地方
Supermarket 係我地必到的地方, 今次我地買咗呢個拉麵, 仲即刻試咗.. 先講個麵, 我覺得似上海麵多d, 唔覺得有"拉" 的感覺, 個湯底都幾好, 真係好似日本拉麵的湯底, 但係味精重咗d... 唔個人覺得呢個價錢唔值囉.. 無下次
薯片係我的至愛, 每次見到季節限定我必會買來試試, 今次呢個係煙肉味, very good 丫, 好香煙肉, 不過我覺得d薯片簿咗d, 我自己鐘意厚身的. 一路食薯片, 一路飲番杯綠茶, 人生一大樂事也
好耐好耐之前, 我已經想去hair do 到剪頭髮, 但係佢真係一d 都唔平... 真係有d 肉痛呢.
都有幾個月無剪頭髮, 而之前開义個d 頭髮都已經剪曬啦, 所以有好想再電頭髮. 响hair do 到電頭髮平時要成千幾二千. 但响newsgroup 到見到網友話宜家佢做緊promotion, cut+perm+treatment $1096; cut+perm+colour+treatment $1432 而digital perm 就要加$500
呢個price真係好吸引, 但要係星期一至五先有呢個promotion, 星期六同日係無的, 所以我決定星期五去會一會呢間店舖
之前我响web 到都睇過d 人話邊個hair stylist 好, 仲有係响佢都個web site 到都可以睇個每個stylist都專長, 最終我book 咗 sogo club 的cody
佢真係比咗好多意見我, 邊d容易打理, 邊d 出來個效果會好, 佢本來叫我個colour 的, 因為電髮唔做colour 出來的效果會重身d, 其實我都知做colour 出來係好d, 但係再做colour 就要座好耐, 仲要我好驚一次過做咁多野會好傷頭髮, 所以最終我都無做colour, 但係宜家有d 後悔
聽好多人講响hair do 做perm 係唔會keep 到好耐的, 我見佢地有2隻perm, 原來digital perm 係會keep 得耐d, 雖然係要加多500 但係我想keep 得耐d ... 人一世, 物一世, 加就加啦
2點鐘去到.. 同cody 傾咗15-20分鐘個頭應該點電同剪, 佢地一直都無停過.. 幫我剪啦, 電啦, 洗頭等.. 仲有係個stylist 幫我卷頭, 唔係其他人, 佢先最清楚我想要乜同點做, 呢一點我覺得好好, 因為我去開個d 都係第二個幫我卷, 雖然stylist有同佢講點卷, 但係點都差d...
唔經唔覺, 座咗6:30 先走人... 真係有點累, 我自己好滿意個頭, 好想第一時間比丙丙睇, 但係佢今日有野做... 唔得閒理我.. 無法啦.. 第二日睇一定無咁靚, 雖然佢地有教我應該點吹, 由邊到開始吹起, 但係佢地是是但但都好過我.. 無法啦, 咁人地係專業丫嘛..
Hair Do: Website
