30 March 2010

台北半美食之旅 -- Day 4 (Part II)

Wedgwood 係我一值的想擁有餐具之一, 未有擁在之前就唯有去食番個high tea. 心理上自我滿足一番.



呢間座落在太平洋SOGO百貨復興館 7F, 開放式的設計



佢地茶具都唔平架, 响香港sogo都有得賣, 但原來係made in china. 好似唔值咁貴喎~



我地點咗2人high tea set NT$800, 唔算貴. 先來個茶, 用布包住等佢唔會咁易凍



集杯係咪好靚呢, 點解唔會好似飲sake咁有得比我地選自己鐘意的柸呢?



說真的, 佢地的hight tea 做得一點都不出色, 味道都係一般而己. 要品嚐好味的英式下午茶, 香港太多選擇. 你睇! 三文治都只不過是火腿, 仲有鬆餅一點兒也不香口, 沒有牛油味



小食也做得遜色



最後係果盤, 綠色果隻生果台灣人至我, 但我就一般而己. 草莓己酸得很, 最好食不過終香蕉吧~



為咗呢個餐具, 食咗一餐很平凡的英式下午茶. 咁食法, 晚餐又會食乜, 請看下回分解


伸延閱讀


台北半美食之旅 -- Day 4 (Part I)


台北半美食之旅 -- Day 4 (Part III)


29 March 2010

台北半美食之旅 -- Day 4 (Part I)

由於前一晚睇到倒數, 番到酒店都唔早. 所以是日係無朝早活動的


今早一起身就去咗好出名的永康街, 天真又唔識路的我由中正紀念堂站打算行去永康街, 但係走錯路, 一問當地人之下原來係好遠的, 所以最終都座的士


好多人食過我覺得一般, 但小妹buy 喎, 覺得好好味



一入到問口就見師傅响到煮麵, 等位其間見到都已覺好肚餓



 


擔仔麵 NT$50 -- 好香好好味...



祖傳肉燥飯 (小) NT$30 -- 呢個肉燥飯响我食過最好食的... 唔知香港邊到有得食呢??



香酥蚵仔酥 NT$160 -- 蚵仔好新鮮, 好香口... 呢d 蚵仔味真係响香港未必食得到



櫻花蝦炒高麗菜 NT$180 -- 記得第一次食櫻花蝦係响日本菜館, 之後就深深愛上, 今次得行程我都都有買新鮮的櫻花蝦回港. 呢味菜好易做, 等我得閒都整番餐先.



烤虱目魚肚 NT$160 -- 第一次係係响香港的南台灣, 果時都覺得唔錯, 但係食完呢間之後, 覺得南台灣做得好差. 呢間好食好多. 不過呢d 味唔係人人接受得到.



我覺得度小月唔錯喎, at least 我想响香港搵番間咁有水準都容易. 食完之後認路超強的我決定行番去中正紀念堂. 食得咁飽唔走下路, 唔肥到幾難.


當日天氣都算幾好, 有小許太陽, 拍攝出來都算ok.



到此一遊的中正紀念堂話咁快就結束~


伸延閱讀

台北半美食之旅 -- Day 3 (Part V)


台北半美食之旅 -- Day 4 (Part II)


26 March 2010

Hitachi Face Crie

其實好早之前想買呢部機架啦之不過我見價錢唔平, 又要响日本訂貨番來, 所以一值都hold 住無買, 直到有一日見小歌買咗同見到效果都幾好, 所以最終都決定入手



其實我係一個超級懶惰的人, 唔好話facial, cream 都唔多搽, 再係咁都唔多掂, 所以都係時候保養一下


呢部機用法好方便, 23A , 一片化妝綿, 再加任何品牌的化妝水. 1-4 的強度任君選擇, click button start. 跟住佢說明書按面的方响就ok .


第一次用覺的部機無乜反應.. 以為佢壞咗, 原來係咁的. 3分鐘後佢會有 “b”一聲自動關機. 唔洗自己計時


對我來講又work , 影出來好似dirty d, 真實無咁dirty. 2次用已經開始無咁dirty . 我會keep 住用, 希望會小d 黑頭啦同做個靚靚新娘啦~


22 March 2010

台北半美食之旅 -- Day 3 (Part V)

食完晚飯我地就去下一個目標進發, 台北101倒數. 其實要睇101倒數, 唔一定要去市政府的, 我地較早前睇過台灣網友, 佢地响三越附近睇倒數, 要2點先落到捷運站, 因為人太多所以實施人潮管制. 佢返到屋企差唔多3點.


所以我地今次選擇咗國父紀念館, 唔好以為無乜人, 因為佢係一大片空地, 所以係超多人. 仲有係呢到大家都知係睇倒數都最佳景點之一


响忠孝敦化站食完串燒之後, 行一個捷運站到國父紀念館, 我地要熟悉一下街道, 因為回程係由國父紀念館走到忠孝復興站, 無法啦~~~ 我唔想好似台灣人咁响捷運站到等等等


等到12點都唔係一件容易的事, 又無野做, 所以都係對住101 影下, 佢不停咁轉色, 我地就不停咁影



有d 人响到放煙花, 又唔見有得買喎... 係咪真係比放呢?



到11點幾, 你地睇有幾多人. 所以千萬唔係飲水, 唔好打算去洗水間, 因為根本無可能進出, 雖然圖下所見有人站起, 之不過差唔多12時佢地個個都好大聲咁叫前面d 人座下, 感覺好似好咗迪迪尼睇煙花咁.



唔會好似香港咁有10,9,8,7... 的倒數, 無啦啦突然101 光曬, 閃下閃下, 大家就expect 開始... 我未有心理準備喎


完全無特別, 香港比起佢好睇好多, 都係去番IFC 啦, 佢只係不停咁响大廈放以下呢一種的煙花



最後來個2010 Taiwan Up... 全錯的英文成為一時皆話.



就係咁, 足足等咗3個幾鐘的倒數就咁結束, 我地用咗9秒9時時間離開, 奇怪台灣呢到仲有車輛行駛, 但係人太多, d 車跟本行唔到.


伸延閱讀

台北半美食之旅 -- Day 3 (Part IV)


20 March 2010

台北半美食之旅 -- Day 3 (Part VI)

去完淡水之後, 我地就來到忠考敦化站的秋吉串燒食晚飯.


串燒係小妺最鐘意食物之一, 記得上次去日本時所食的串燒, 真係好味到不得了, 今次來到台灣, 又有咁多日本野食, 點到要去食下呢間串燒. 响台灣網店的食客, 所有人都對呢間小台有好高的評價



我發現唔只一間有呢個拒吃美國牛, 唔知佢地係咪好討厭美國人呢?



店內大多數都有一大班朋友, 情侶都有座在bar 枱, 店子唔算好大, 但可幸我地唔係等咗好耐枱.



先來前菜.. 小魚同椰菜



雖然我倆都不愛啤酒, 但係食串燒又點小得佢呢, 丙丙點咗啤酒 NT$145, 而不愛啤酒的我就點咗CHOYO梅酒NT$110



柳菜魚 NT$100, 一客有2串



牛舌 NT$220, 一客3串, 好多肉汁, 好 juicy



玉米串燒 NT$60 一串, 唔洗我多講, 大家見到都知有幾好味啦



雞肫串燒 NT$120 一客5串, 呢到食野真係超抵丫, 平時响香港一串都要HK$30 啦, 呢到食5串都係為港紙$30, 仲要係好味架.



雞皮串燒 NT$70. 一客3串, 平時食雞我係唔食雞皮的, 但唔知點解食串燒我又食喎, 可能佢燒曬d 油出來, 所以一d 都唔肥啦. 好脆, 好味!!



燒雞翼 (無影到價錢, 唔記得幾錢了) 呢個只是一般,我地上次响天喜時食的燒雞翼真係好好味, 有機會再去食.



最後來個酒煮蛤蜊 NT$180. 去到台灣一定要食蛤蜊丫, 因為係超鮮甜的. 唔食你會覺得走寶



呢間店都好日本風味, 大部份串燒都係採用しお焼き(鹽燒)方式燒烤, 這是我的最愛, 因為食材新鮮同串燒師傅要控制到火候的技巧刀可以做出美味的食物. 喜歡原味的我對佢地自家制的醬汁也特別喜愛, 佢地用上日式豉油, 蒜泥同自家制材料做出美味的醬汁.


Website: http://www.chochi.com.tw/



伸延閱讀

台北半美食之旅 -- Day 3 (Part III)


台北半美食之旅 -- Day 3 (Part V)


17 March 2010

係真唔係丫?? 忌嫁娶??

blogmate 同我同一日結婚, 剛睇佢個blog 2010116日係大凶日,「日值四絕,餘事不注」,注明係忌嫁娶


我上年定呢一日係因為11月無咁熱, 參考過剛上通勝話呢日都ok. 最重要係月頭(公司無咁忙), 星期六 (姊妹同親友都無咁辛苦, 食完仲有一日休息)


而家聽到呢個news 真係好唔開心, 其實我都唔係一定要宜嫁娶, 只要唔係忌嫁娶, 諸事不宜就ok 架啦 唔通我真係咁唔好彩???


放工去搵下通勝confirm 下先不過今日要在一個不安的心情做野!!!


有無人可以即刻幫我睇下通勝話我知係咪真架?


15 March 2010

台北半美食之旅 -- Day 3 (Part III)

食完咁美味的午餐, 又係時間去下一個景點了, 當日不停咁下著毛毛細雨, 真係大減旅行的心情


我地下一站係忠烈祠, 雖然一早search 咗要座乜野公巴, 但係都係座的士


途中經過圓山飯店, 本都曾經想過去呢到食lunch, 最後都打消咗呢個念頭



忠烈祠係乜, 我估都唔洗多講啦, 唔知的話就睇天書啦, 不過其實都無乜特別, 一個廣場, 仲士兵响到駐守, 咁當然大家要留要番換兵時間啦, 因為一場來到, 呢一part 係最好睇的.


 


目無表情的士兵, 要hold 住你都咪話唔辛苦... 辛苦曬~~



我地抵達的時間剛好, 仲有小許時間先到交兵, 所以周圍睇下



 


由正門而入有二條好深的路, 原來係經過年年月月士兵交兵時行出來的.



都換兵時間了, 超多旅行團丫. 大部份都係香港同日本人, 我自己覺得幾特別, 可能係第一次睇啦. 佢地將支槍拋來拒去, 真係驚佢跌丫.



話咁快睇影完相, 我地就座番的士去捷運站到下一個景點 -- 淡水


 


 


座捷運去到尾站就係淡水 -- 好彩有位座, 唔係要企都幾大鑊


 


淡水老街 -- 鐘意食魚丸丫, 亞婆鐵蛋, 飲酸梅汁丫.. 通通都係响呢條街



 


而我對以上種種都無興趣 -- 因為我係非一般的香港人... haha.. 我就去咗紅旗到買呢個所謂的德國農夫麵包, 台北人對呢間的評價好高, 唔記得邊本天書都有介紹佢地


 



但當天想食的已售完, 退而求其次就買咗呢個... 味道ok 啦, 未有講咁都驚為天人


 



 


淡水實在太多景點了, 我地本應食完午飯到來, 可是總統府實在花咗太多時間...


紅樓係淡水中必到的景點之一, 佢地的指示唔太清晰, 要走一段長長的樓梯就到了, 可惜未天黑, 所以拍攝出來唔美, 歐陸式的建築物



 


呢間紅樓已經變咗餐廳了, 夜晚响到的食飯都幾有情調



 


好古舊的馬偕紀念醫院, 唔好問我佢點解咁出名, 我估指標牌有show 會係景點之一


 



 


淺水禮拜堂 -- 好耐都無見過呢一種的建築物


 


 



 


由於聖誕剛過, 樓上仲有講聖誕節的聖經故事. 記得小學讀書上聖經堂時, 我地都有呢d人物剪紙呢



天黑的太快, 我地又要衝衝去下一個景點 -- 紅毛城


原來佢地6點鐘閂門, 我地去到都5:50了, 唯有快拍.... 點解又係要上山??? 跑丫~~~~


不過好彩我地咁遲先到, 因為我地去到果時係未亮燈, 去到5:55 先亮燈, 拍攝出來另一番風味... 大家係咪覺得外型好似紅樓呢?



話明係紅毛城, 當然係有唔同國家的國旗啦



由紅毛城望落去, 可以睇到淡水的美景



差唔多閂門, 要走人, 又係下山了, 七彩的射燈令到呢條普通的路一點也不普通



本來想响淡去影日落, 但係天色唔好有好厚的雲層, 所以都係影唔到, 唯有拍下海景啦



本來仲想去碼頭架, 之不過我地要番去台北食dinner, 如果唔係就趕唔切是晚最重要的節目 -- 101 除夕倒數


伸延閱讀

台北半美食之旅 -- Day 3 (Part II)