Abercrombie & Fitch

雖然一早聞風A&F 會於2012年來香港, 但一直都無消息, 今日睇報紙見到 A&F 以月租700萬元, 租咗現時畢打街上海灘的舖位

我本身好鐘意A&F, 不過响US 買會平過其他地方好多, 而家佢以700萬租金, 計一計, 即係每日唔計SALES, 都要23K 先可以cover 到, 可想言之又唔知會賣貴幾多了.

唔講唔知, 原來呢個舖位係霍英東家族, 雖然佢地家族係好大, 但真係唔洗做都無問題囉

好期待sexy man 企响門口比你地任影

 

慶生 -- 第一擊

因有要事的關係, 所以北上一轉, 正正明生日前一天, 生日週, 我大曬, 食乜我話事. 最近愛上韓風, 就來韓菜吧!!

新羅寶 --- 香港的有分店, 雖然係人仔, 但價錢平好多.

Honeymoon 英法 - Day 1.2 (Harrods, Regent Street, X'mas Market)

話曬飛咗咁多個鐘, 唔多唔小都會有jet lag, 所以day 1 都唔會太多行程

出發前無做足功課, 以為第一日harrods 就太減價, 原來當天係closed, Harvey Nichols 就有開, 去到下午好多超減價貨已經無曬

Harrods 的外觀真係好靚~~~

PAUL 係我最喜愛的包點之一, 無論去到上海, 台灣都無去嚐嚐. 唔知香港何年何月會有呢?

去食完PAUK Bread 之後, 再去pret 到買果汁飲. 價錢同响香港差唔多.

提外話 --見到救護車要9秒9走開, 因為佢地係cut 來cut 去, 唔會理人, 唔似hk 果d. 真係見到都驚.

响knightsbridge 買唔買到, 見到有車就座咗去piccadilly circus. 見到呢個大電視, 即時有d 掛位新宿呢~

聖誕期間Regent Street 的燈色係最靚的. 的確影出來無眼睇咁靚.

响Regent Street 到到處都見到減價店舖, 但係GBP 對HKD 實在都幾貴, 好多野在港消貴會仲平, 仲有佢地2010年係17.5% tax, 去到2011 就20% tax 了.

又到食dinner 時間, 其實都可以叫earlier dinner, 佢地都好早天黑. choice 咗hk 都有的pizza express

Pollo Pesto - GBP9.15 (有chicken, mushroom 等)

Four Season - GBP8.9 (有mushrooms, pepperoni, anchovies & capers, mozzarella)

我好鐘意咗hk 食pizza express 架, 但去到外國發現味道唔同, 可能呢d 先叫正宗啦, 但係我都係比較鐘意食hk 果間多d.

食飽飽之後, 我地就去左christmas market. christmas market 通常都係响聖誕之前完結, 好彩 hyder park 仲有.

christmas 係源自德國, 其實係好似香港的嘉年華.

一入門口, 先來個聖誕老人...

鹿都係聖誕節主角之一

wow~~ 真係好多人, 可能平時佢地都唔係好多節目啦, 所以响呢到佢地玩得好開心.

話明係德國聖誕市場, 又點小得呢d 德國腸呢. 嗱, 真係貴架, 一條賣GBP4. 大約為HKD50.

唔止一間有德國腸賣, 但間間都好多人食喎. 可想言之佢地的消貴係高過我地好多呢

除咗食之外, 仲有好多小飾物, 睇的人多, 買的人小. 但都好精美

嘉年華又點小得呢D 小朋友喜歡的旋轉木馬呢.

唔係種類的game, 呢d 全部都係另收費

但無啦啦又點解又鬼屋, 又唔係哈啦喂. 真係唔明, 但呢個係超受歡迎喎.

响呢到hea 完都好tried 了, 早d 番酒店休息, 明天開始就係緊密的行程.

伸延閱讀

Honeymoon - Day 1 (Part I)

Simply Thai -- 冬蔭公‧馬拉盞炒芥蘭‧豬肉沙拉‧青咖喱雞翼

在ikumi 的網站內學到不小煮食, 又簡單又易做, 今次來個泰簡單...

老公都好有驚喜呢

冬蔭公 -- 呢個D 色差D, 下次會再做好D

Le Creuset Sales

Le Creuset 又有開倉啦... 地點如下, 呢個場比去酒店好好多.

Date & Time : 8 – 13 March 2011 (11am – 9pm)

Venue: Harbour City Bazaar, 3/F World Commerce Centre, 11 Canton Road, Tsim Sha Tsui, Kowloon, Hong Kong (entrance next to G2000 Shop 2221-2)

我要去買支brush. 唔知有無呢??

話時話, 平底鑊係咪好難爆香d 食物架呢?? 定係我唔識用, 係咪要買番個中式鑊好d 呢?

Honeymoon 英法 - Day 1.1 (Heathrow Airport)

2010年12月25日(Sat)  - 2010年12月26日(Sun)

上機前係咁check 住飛機有無delay 到, 可唔可以準時抵, 會唔會去咗其他city, 一時之間又要有2手準備, if佢去咗愛丁堡都要知住邊, 點先可以落番倫敦. 又怕行李拎唔到, 所以hand carry 日用品  

今次係我同丙丙第一次去咁耐旅行, 仲要去咁多日, 講出來都失禮曬. 明明係11:30 起機, 但我地4點幾5點就出發去機場, 因為打算去食下晚飯先出發, 丙大人話之後咁多日無得食中菜 (佢係超唔鐘意食西餐的人), 所以就去咗機場的翡翠拉麵小籠飽到開餐.

 

算係咁啦, 起飛都算準時, 一上到機就派飛機餐, 見到份飛機餐都無點掂過就比番佢地, 因為一睇就知唔好食. 原來維珍餐飲服務係比國泰差好多, 無小食, 無cup noddle. 全程得晚餐同早餐… 仲要係唔多好食.

5:00準時降落, 大約係 -1 度, 黑仔王的我又點會咁順利見, 雖然好快check-in 完, 但等行李都等咗好耐下, 佢地個機場都幾舊下, 時而正早, 已經無其他航班抵達, 但都等咗20mins 先拎到行李.

我地跟指示去tube 站, omg… 因為x’mas 的關係, 所以要7:30 先有第一班車, 本來之前想上網睇下佢地的timetable, 但出發前都未公報. 咁無法啦, 唯有行去terminal 1 睇下有乜食先.

 

不過都叫做好彩, 去到剛剛有一間開門, 餓咗咁耐當然係食下佢地超大份的早餐啦. 丙丙點咗english breakfast, 而我就點咗pancake + bacon. 飲品要另外點, 喜歡飲奶茶的我就點咗PG tea, 丙丙就要hot chocolate.

 

好明顯佢地真係即叫即做, 因為都等咗幾耐下, 丙丙話呢個english breakfast 係佢响英國食最好食的一間, 比起crown 仲要好食… 見佢咁鐘意食, 所以响結婚3個月就都做咗差唔多一樣的早餐比佢. 至於我的pancake, 其實都無乜特別, 係比M 記好食一點點.

第一餐就用咗GBP 17, 你都咪話唔貴...

黑你王的我又點會咁順利呀, 07:20 到達車站等開閂, 但係...竟然有壞消息, 就係壞車呀, 聽講話佢地成日無啦啦會close 車站, 又會無啦啦有條線close 咗. 無tube 出市區... 咁點好呢?

走來走去問咗好多information counter, 佢地一係答你唔知, 一係叫你座的士, 唔係我唔想座, 但係唔值呀嘛, 又唔知太約要幾錢, 之前本來我想25號到, 一問之下座的左要$500/person 喎, 我又唔知本身係咁貴定係因為假期而加價, 最終我地走去睇下出面有無巴士啦... 時而9點幾了. 都叫咗好彩, 見番地鐵話closed 咗的職員, 佢地話地鐵開番partly, 咁我地可以响到其中一個站再轉其他線去我地的目的地, 雖然係轉來轉去, 但總叫去到呀.

入閂啦...

地鐵車箱, 只有係呢到的途中見到有雪架渣.

大約40 mins 到咗我地的目的地earl's court road. 睇下, 關門大吉. 但明明仲有線係可以通架喎, 但都唔比人入.

我們的房間.. e.. 讀者門真對不起, 有點亂, 因為太熱又著得多衫, 所以9秒9除咗外衣...

以$1000 來計, 呢間房都算唔錯架.

窗外的景色...

丙丙同我都唔係好肚餓, 但係已經去到食飯時間啦喎, 酒店附近有kfc, 佢話要try 下喎, 但係... 呢一餐.. 都唔平喎, 得個幾件雞.

再續~~~

伸延閱讀

Honeymoon - Day 1 (Part II)

Honeymoon -- 英法之旅@序及酒店篇

先講住宿方面, 歐洲的酒店普遍比亞洲為貴, 要住咁多日唔可以下下都住太貴, 一些叫做比較好的都要2K+

至於我的選擇當然係 – 平, 靚&方便啦

英國酒店選擇先決條件:-

1.      住piccadilly line – 由機場去酒店唔洗轉車呀嘛, 又上又落又要行樓梯, 仲要個行李係超重 (冬天去樣樣都會帶多些, 仲要之前係大雪喎).

2.      zone 1 – 座車方便d, 地鐵車費係以zone 來計, 大部份景點都响zone 1 , 所以住這區是最理想.

3.      Lift – 响tube map 到你會見到邊個站有lift, 其實 piccadilly line 大部份都有lift or 電梯, 只係無show 出來, 就算真的要行樓梯, 都唔會太多級, 其他線的站真的行到要命架.

4.      可轉其他線 – if 你個choice 果個唔係轉車站, 咁就下下要座去其他站先轉車, 費時失事.

5.      Hotel 一定要有lift – 無lift 的話要拎行李行4層, 你都咪話唔辛苦 (雖然一定係老公拎, 但我都唔想佢辛苦架)

6.      要有暖氣 – 其實外國的酒店一定會有, 但係我聽閒有一些酒店去到夜半會因為慳電而關掉暖氣. 有見及此, 我會選擇集團或的酒店 (p.s. 夏天去的朋友記得check 清楚有無冷氣, 因為好多酒店都無冷氣架

7.      上網 – 去咁多日有得上網同屋企人skype 下, 又方便又save $$$

8.      地鐵站附近 – 我應我係懶人, 行多步都唔想行, 試想想玩完一日回酒店仲要行超遠, 真係十萬個唔願意. 所以必選below 5 mins from tube.

9.      Price – 上文提及要平, even 唔平都要大割引, 以下幾個網站可以幫到大家

a)      www.travelzoo.co.uk – 佢會不定時有discount notice, 我响法國的酒店都係响佢都睇到discount, discount 有幾多??? 上次就50-60%, 你都咪話唔抵, 由原來近$4k 一晚到拆後around $1600 一晚. (可惜係通常discount 都係出發前2個月先有, 所以suggest 大可以先book 有得fully refund 的酒店, 先到有discount 再cxl 之前個booking)

b)      http://www.hotelscombined.com / http://www.wego.com – 2者皆是旅遊搜索引擎價格比較. 佢地當中包括咗無數的網站 (e.g. booking.com, hotel.com, otel, agoda 等) 一次過compare 所有web 咁就知邊到可以買到平酒店啦.

c)      www.tripadvisor.com – 响呢個網站可以睇到住客對酒店的品評, 無論好與壞都一目了然, 仲有ranking tim.

巴黎酒店選擇先決條件:-

1.      以上point 3-7 其實可以用响所有國家.

2.      巴黎我會選擇住zone 1, 2 & 8. 一來旺d, 2來無咁雜. 出入買野去景點通通都超方便.

講咗咁耐, 要講下我所選擇的酒店了

1.      維珍package 包咗2晚酒店, 一早鎖定目標要住earl’s court / Gloucester road / south Kensington 區, 其實選擇唔多, 所以最後book 咗 Best Western Burns, 真係超方便, 由地鐵行番去酒店只需2mins, 附近又多餐廳同快餐站, 仲有係Marks & Spencer (佢地d 果汁好好飲架). 佢地的早餐有好多選擇, 仲有房內有free wifi.

2.      由於我地好遲先book euro star, 所以都比較貴, 為咗折省金錢, 所以去法國前一晚就轉咗住kings cross 附近的酒店 -- Hotel Megaro

呢間酒店真係超方便, 响正車站對面, 過條馬路就ok. 要不然座6:50 車的我都不知怎樣才去到車站呢 (因為聖誕節的tube 未必有咁早開車)

呢間酒店的保安都唔錯, 唔知係咪因為近king cross 所以多些閒雜人, 所以入酒店lift 之前要拍咭. 感覺上安全好多. 房內處有free wifi.

3.      巴黎方面我就選擇咗住Champs-Elysees -- ASTRID HOTEL 呢間酒店唔係集團式, 比較地道. 好處係一出地鐵站直行就到, 從酒店窗外可看到Arc de Triomphe, 呢一點值得加分, 但係佢地早餐地方比較細, 有機會要定位, 仲有服務生乜不足. 房內處有免費上網服務

4.      因為之後會去St. Michel的關係, 所以要找一間比較大一點的酒店, 咁寄存行李都安心d, 仲有咁多日食同一份早餐, 你唔悶我都悶啦. 所以之後我地轉咗去Hotel Rochester, 呢間酒店又大又方便, 仲有好多日本人住. 唔洗100m 就去到地鐵, 方便程度唔洗我多講. 早餐方面有很多的選擇, 仲有parma ham tim. 最值得一提係佢地早餐係去到14:00 當午餐都仲得. 房內處有免費上網服務

5.      St. Michel的酒店我選擇咗响城內的Le Mouton Blanc, 因城內行去城外的酒店大約半個鐘 , 你都咪話唔遠. 呢間酒店都無乜好comment, 因為响城內都酒店唔多, 所以都不可以有太高的要求吧, 但求是但住一間便是了. 可惜我去St. Michel前一夜開始病都七彩, 所以都無氣力遊覽

6.      去到英國回程都最後一間酒店 -- Crowne Plaza Kensington, 呢間酒店响Gloucester road, 由地鐵站行去酒店大約50m (haha 大家係咪覺得我超懶呢?) 住呢間酒店最大的原因係佢有英式早餐提供. 美中不足係佢地房內無free internet, 只有酒店大堂才提供免費

順帶一提, 好多酒店佢唔會自動自覺咁比上網password, 所以記得check-in 時問呀~~