薑蔥豆鼓炒蟹

第一次劏蟹, 因為太大隻的關係, 所以花的時間同氣力也很多, 2斤多重的蟹, 單單隻蟹鉗大過老公隻手, 而呢隻蟹足足有我廚盆咁大. 下次要雪下隻蟹先劏, 會容易一點.

Kimchi 國七日食玩之旅 - 前言及實用資料

今個Easter 我同丙丙去咗韓國, 仲要係7日6夜 之旅, 好多人一聽到我話去7日, 就好驚訝咁問我點解去咁多日, 係咪除咗首爾以外仲有其他地方. 其實我只係想輕輕鬆鬆咁去呢個旅行, 唔想次次都咁早起身, 好辛苦咁去玩.

韓國 – 多年前跟旅行團去過一次, 印象中無特別, 食野唔好食, 無乜野好玩, 今次對我來講真係一個大改觀, 雖然今次計劃行程時都發現景點比其他地方小, 但單單計劃食野就發覺有好多好野食.

韓文對我來講真係一點都唔識, 唔好叫我去認字, 因為這些圓圈交义, 真係一點乜不通. 不像去日本有一點點都漢字, 所以出發前要做足準備, 因為去好多地道的餐廳只有韓文, 所以上網找了很多已翻譯了中文的菜單.

旅行書也只買了一本, 大部份的資料都是很網絡上找的.

MAP

Naver Map: http://map.naver.com/

好似google map 咁, 由A點去B點, 最主要係座乜車, 花幾耐時間, 車費都有提供, 只要你輸入電話, 乜可以搵到目的地, 但只可以入韓文

Konest Map: http://map.konest.com/

因為日文的關係, 所以有點漢字, 比較容易明白.

Transportation

http://www.seoulmetro.co.kr/station/eng/linemap.action

仲有download Jihachul app, 有英文,韓文同日文. 只要click 點到點, 就可以知道邊到轉線, 邊個門口出方便轉線, 車程幾耐等.

因為今次去有promotion 的關係, 所以無買T-Money, 買咗Korea Pass.

T-Money 就好似八達通. 而Korea Pass 就係八達通 + debit card

今次的優惠就係免費10%交通儲值金, 即係買50,000Won 就送5,000Won交通費.

而Korea Pass 可用於7-11, coffee shop, 百貨公司, Taxi 等, 只要有credit card 機就可以用.仲有佢有一些coupon, 可用於樂天超市.

我今次住Ibis Hotel, 位於明洞, 好方便, 响機場座6015巴士就到達酒店門口.

機場巴士優惠卷: http://txpinfo.tourexpress.com/korea/new/couponPrint.html
注意: 優惠卷用上車時以現金付款,如何响柜枱買機場巴士車票, 是沒有優惠的

Money Exchange

尖沙咀榮海[Address: 尖沙嘴禰敦道美麗都大廈地下層shop.B9] (closed on Sunday)

如果住港島可以去百年 Web: http://bcel1985.blogspot.hk/

兌換率絕對好過香港銀行好多. 好多人會去韓國機場唱, 但係其實兌換率一樣係唔好

因為酒店响明洞, 所以就响 “大使館”, 隔離都有另一間, 但次次問價都係大使館便宜一點.

澳門之旅 2011 - Part III

响澳門, 除咗食同賭之外, 我真係想唔到仲有咩可以做, 睇BLOG 見到其他人可以一日食七至九餐, 對我來說係是無可能.

 

第二日早上, 一大清早去試咗三元粥品, 記得上次來本想試, 但佢只有早上同夜晚先開門, 夜晚食粥感覺好快會肚餓, 所以粥品就成為咗我地的早餐啦.

 

呢到最出名係肉丸粥, 大分大同細, 分別為$19及$22, 我同老公食的分量唔多, 所以我倆點了細肉丸粥, 雖然話係細, 但分量一點也不小, 但係大小不大, 一睇就只係手剁, 綿綿的粥底, 一碗好味的生滾粥.

葡撻是去澳門必食之一, 而家多咗好多分別, 响威尼斯人就有其分店. 唔好話食唔到啦

晚餐又係去咗食位於八佰伴的三文治, 大大件, 二個人一份都是絕對無問題的

(八伯伴果間已結業, 要去的話請去 “沙梨頭炮台山澳門博物館前地112號")

佢地有好多唔同選擇, 任君配搭, 最主要係價錢便宜, 超大件, 仲要係好好味.

兩日一夜澳門之旅話咁快就完結了. 其實而家去澳門一點也不便宜, 不過短短地仲好過响香港

澳門之旅 2011 - Part II

上年去澳門, 龍騰係免費的, 只要你早一點拎門票就可以, 等待的時間已不長, 時至今日, 已經再無免費了, 入內睇表演是需自費的. 話明免費, 對其無任何要求, 真的值得入內參觀

食完午飯, 睇完龍騰, 不消一會又係時間入場睇水舞間. 呢張門票, 要打過去澳門話比佢知乜野位先買到, 因為香港網站還未有得發售. 雖然唔係貴價票, 但都係最近貴價票, 只是一行之隔, 所以位置十分好. 說到水舞間, 絕對推薦觀看, 無論燈光, 舞台, 表演者等都是十分優秀的. 在電單車的環節, 真的是怵目驚心.

以水為主題, 收放自如的水在舞台上, 可憐的是表演者, 濕身後還要賣力演出. 好的表演時間也過得特別快, 話咁快就完結, 之後就去咗備先訂枱的北京菜館 -- 滿堂彩

這間北京菜館大有來頭, 餐廳從食材到裝修都跟足北京的長安壹號,而滿堂彩是北京知名食店長安壹號的姊妹店. 餐廳的橫裝很有格調, 全以木為主, 夜上的燈光比較昏暗, 當日全場滿座, 幸兒早早訂了位.

 

我來此店主要是吃烤鴨, 她們的做法跟沙田18同出一轍, 可能因為兩者都是haytt 旗下吧. 我不知道北食法是否最正宗, 原因在我在小學時曾去北京, 於酒店的食法與此大不同, 但她們說這才是正宗的京式烤鴨食法, 皮是一道, 肉是一道, 皮肉也是人道. 皮是烤得香脆的.

店裡用上紅磚明爐做烤鴨, 開放式的廚房, 可以觀看廚師作菜及烤鴨. 

 

雖然只點了半隻烤鴨, 但還是蠻多的. 而另一道菜我已忘了菜名, 味道如何也忘記得一乾二淨了.

 

 

 

 

 

澳門2011 - Crown Hotel@ Horizon

以前去澳門, 往往都是食豬扒包, 粥麵等等.

時至今日, 澳門多了很多新酒店的落成, 美食隨處可見. 上年去澳門睇水舞間, 就去咗位於新濠天地CROWN酒店內的餐廳 – HROIZON

午市套餐十分抵食, 在香港, 呢個價錢一定不能有這水準. 所以十分直得推薦!!

餐廳環境走時尚路線, 枱與枱之間也十分寬敞, 聽說餐廳大廚也系出米之蓮.

先來自家製的麵包, 上桌時還時暖的, 蘸的茄醬及牛油.

雜菜粒釀魷魚沙律香檸汁 – 賣相非常吸引, 魷魚煮得恰到好處, 內裡釀了雜上, 配上香檸汁, 非常醒胃的前菜

椰菜花湯配帶子雲吞 – 將椰菜花打碎配上帶子雲吞, 因為有椰菜花的關係, 唔會覺得好飽, 帶子雲吞也很美味.

慢煮五花肉配香芹蓉及芥未汁 – 呢個係丙丙點的, 我怕肥所以一定唔會點, 佢覺得同中式無咩大分別, 重點係—佢唔喜愛食西餐, 所以品評不能作準.

慢煮三文魚配意大利飯墨魚汁 – 十分喜歡賣相, 真的令食慾大增, 因為慢煮的關係, 魚身十分滑, 本以為意大利飯墨魚汁會溶為一體, 變了黑黑的意大利飯, 幸兒墨魚汁的外加的, 加分!! 因我不喜將黑色的東東食落肚

餐後仲有甜品, 我就點了Raspberry macaron with mango-passion fruit sorbet, 因為响巴黎食過的macaron真係無法忘記. 但對於呢個macaron 真的有點失望, 只是我期望過高而己, 是好食的. 加上mango passion fruit sorbet, 酸中帶點香芒, 好味!

Chocolate banana nems, mascarpone vanilla cream – 本對呢個甜品無咩期, 因為我係唔鐘意食朱古力的, 但真的有驚喜, 朱古力脆棒是熱的, 加上冷冷的vanilla cream, 吃落外凍內熱.

價錢先係重點, 只需百多元(未計加一)便能品嚐到以上美食, 乎服可求

後記: 呢間餐廳已改名為The Tasting Room, 唔清楚而家仲有無set lunch. 唉!! 邊個叫我寫blog 寫得咁慢先得架

Address：路氹城新濠天地皇冠度假酒店 (Crown Tower) 3 樓
Tel：(853) 8868 6636

Official Site -- http://www.cityofdreamsmacau.com/?q=restaurant/signature

 

Honeymoon 英法 - Day 14 (再會了, 英法之旅)

2011年1月8日(SAT)
話咁快就來都假期最後一日, 尋日就响oxford road 行咗一日, 今日都係主打行街同買手信, 所以無咩特別好講.

最後一個lunch, 選擇响Harrods food court, 雖然係food court, 但價錢一點都不便宜.  因為我地見到燒雞, 而响法國時錯失咗食燒雞的機會, 今次見到, 不容有失.

Honeymoon 英法 - Day 13 (大英博物館, Liberty)

2011年1月7日(Fri)

呢個係最後响倫敦的景點 – 大英博物館, 本來仲有去london eye 的, 但响英國咁多日, 差唔多日日都落雨, 唔好大的話去來又無乜意思, 下次去旅行真係要秋天去比較好.

今次去呢個博物館係免費的, 難得!! 但全無藝術細胞的我對呢D真係不大興趣

睇的東西感覺有點像羅浮宮. 但老公就好鐘意… OKOK 陪你行囉. 但唔好行太耐啦.