25 December 2010

外遊通告

雖然早幾日london 大雪, 機場停航, 但check 過尋日的航班準時升降, 我估我都可以順利吧


但好似新一輪大雪又會到, 希望唔會影響到歐洲之星啦, 唔係我就去唔到paris count down 架啦


我會响1月9號先回港, 呢個blog 呢段時間都唔會更新.


Merry Christmas & Happy New Year!!


20 December 2010

黑仔王

無次出門去旅行總會有意外的, 8號風球, 黑雨, 飛機漏水. 而今次都唔例外 -- 大雪


仲有6日就起飛去英國了, 希望到時機場的航班唔會有問題啦. 仲有希望唔好太大雪 (雖然我好想過一個白色的聖誕)


17 December 2010

大日子評分@Mircale Flower

早前我講過佢要我搵20張相, 一時3刻真係未必搵得到.


當日我provide 咗以下呢幾張相比佢, 佢第一時間見我咁多peony, 就同我講peony 要响11月尾先有, 好以上年咁, 本來以為月中有, 但後來去遲咗一個星期.


仲有佢話solomon 果隻peony 係中國貨, 要大約母親節先有. 所以叫我唔洗想.


至於馬蹄蘭, 番來的貨可能未必係我想要呢隻色, 因為佢地色差比較大, 所以比夠risky.


3rd row 左手邊果張, 佢話係garden rose, 佢話佢地影相就ok, 但係做出來唔會係呢個效果喎.



去到呢到, 我都有d心灰意冷, 乜都話做唔到, 咁我問佢有乜係可以做到架? 佢1st row 右手邊果張就可以, 咁我問佢會唔會到時又無呢隻花架, 因為佢全程都講都乜花都confirm 唔到.


我問佢仲有無其他choice, 佢都係比番佢web 個d 圖我睇, 講真, if 我想要佢呢d, 咁根本就唔洗比咁貴錢, 我係想做出來比較special. 同人地唔同.


最終我係要咗呢個花球, 佢話馬蹄蘭 d 色可能未乜會有呢隻. 但佢會訂2種番來, 睇下邊隻好, 仲有佢話呢一張因為係影相的關係, 所以蕙蘭唔會做起角.


 


根住我地選corsage, 我地打算用絲花, 但其實佢地的選擇不多, 有好多都比較老土. 最後佢見我地選擇唔到, 所以都幫我地改小小. 咁我地要等2日佢出invoice


***************************************************************


但過咗一個星期都未見佢send mail 比我, 我打比佢佢話最近好忙, 遲下再send 比我, 我心想, 有無攪錯.


當到到inv 時, 先發現要加咁多錢, 因為package c 已經係馬蹄蘭/牡丹/美國玫瑰/蕙蘭 , 但係我仲要加$350, 佢話因為用咗馬蹄蘭 & 蕙蘭, 所以要加喎.


仲有我絲帶轉咗有紋, 又要加$5一朵, 平時出去買絲帶都唔洗咁貴. 算吧, 都無法了, 總之希望到時花球靚就得了.


*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-


拎花之日同上面果個分別好大, 佢話黃燈影會靚d, 白燈影就會差d. 佢話酒店同的是黃燈, 咁出來就ok 架啦. 我同佢講馬蹄蘭同玫瑰都好似唔同相喎, 佢話佢己經訂咗2隻唔同的馬蹄蘭, 已經choice 咗最好的色比我, 要不然用另外果隻色就太深啦, 我對呢點都好同意.


之不過真係影出來無相咁sharp 囉, 但我都覺得好靚. 因為佢真係有做過功夫落去


但是, 佢竟然有幫別一個bride-to-be 做咗一個peony 的花球, 當果個新娘子見到時都好驚喜, 因為yan 之前話比佢知無, 為何她為那新娘子就而不幫我做呢, 我一開始就同佢講我真係好想用peony, 係佢切切實實話一定無.


以下2張圖係用唔的燈光影



yan 的頭花真係好多, 我初時以為咁多新娘子都買咗一束花比媽媽, 但原來係, 果d 係頭花, 仲要係有好多唔同的品種 (因為佢包實曬, 所以我無影到), 仲有一盒蕙蘭(但我最終無用到), 應該放咗reception 到, stupid 咗.



仲有呢一種紅色的頭花, 真係好靚



手花都做得唔差, 我自己都好滿意



總括來講, 我都好滿意佢服務, 但係最唔好係佢幫其他新娘子做penoy 而唔幫我囉


14 December 2010

大日子評分@銀禧主花車

雖然有好多人都話銀禧服務差, 但對我來講佢地都唔錯.


之前提及過酒店係送S320, 但係呢個款都係舊到唔舊, 拎出街真係無人要, 所以最終決定加$420 轉 E Class (其實只係好小小)


顏色無得選擇, 佢可以幫你mark 底要乜色, 但唔一定會有, 可能會係籃色 / 其他色, 所以都係safty d, 加咗$100 要咗銀色. Total 加咗$420


婚前2天, 佢地sales 打比我話upgrade 我地現代銀刺型勞斯萊斯, 佢地有4隻比我地選擇 (金/粉紅/粉紫/藍) , 因為我訂咗的花車佈置為綠 x 白 x 金, 同粉紅 / 粉紫/藍出來的效果都唔好. 所以最後選擇咗金


現代銀刺型勞斯萊斯 (金/粉紅/粉紫/藍)
 


老實說, 雖然rolls royce比起benz係貴好多, 但我覺得有成熟. 唔多襯自己.


但係用咗之後我就想講好彩佢upgrade 比我, 因為車箱真係好大, 我同老公再加伴娘座後座都有鬆動. 至於伴朗就座車頭. (順帶一提, 如果伴娘跟你一齊座咁伴朗都要同你地一齊座)


司機佢好醒目, 幫手佈置同拆走佈置, 唔洗麻煩兄弟. 佢對路線都幾熟. 比我想像中好好多.


冷知識: 如果有大玲姐, 佢係要跟車的, 咁伴娘同伴朗就唔洗跟車, 仲有佢係座司機隔離, 佢有乜作用?  if 見到救護車, 警車, 消防車, 白車. 佢地會叫新人望向左/右. 等佢地唔會見到呢d 唔吉利的野.


13 December 2010

大日子評分@生記van

我之前租車時都提及過,佢地好落後 (前文) 無 quotation, 所有野都係 e-mail 打幾粒字, 真係有d 驚, 唔知佢地記唔記得我的booking


早於big day 的2天前, 佢地自動打來confirm. 呢一點真係抵讚


Big day 當日佢地都好準時, 加多個落客點都唔會加錢. Good~~~


之不過, 我租的係28座位, 佢地唔係用番自己的車, 原本打算租佢係因為佢有紅色, 喜慶一點, 仲有車廂內係皮椅. 當天的車係藍邊白底, 加上唔係皮椅. 所以感覺唔多鐘意. 不過我都無同佢地理論. 話曬係大日子.


所以各位姊妹, 租車時一定要問下係咪同圖中的車款一樣, 怪只怪自己大意.




11 December 2010

Shabu Shabu@禪八

好久沒有update 食評了, 再唔update 真的乜都會忘記曬.

呢一餐已經係8月的事了, En-group 都食過幾間, 今次就試下佢地其下的禪八, 主打係食和牛shabu shabu.



7 December 2010

簽名筆筆筒+簽名筆

早前見blog 友 Lolita 做的簽名筆筆筒好靚, 照辦就一個, um.. 應該覺得打燈影, 原來靚好多, 又勾起我要學攝影


買呢d石都唔平, 以為買咗好多, 但都係剛好用曬.



做咗2款不同的簽名寫. 白色的玖瑰襯托小計綠色, 再加上珍珠做點綴



筆頭就用咗白色水晶, 咁先知邊到係開口位.



再做咗3支小牡丹, 底係用咗紫色絲帶.



筆頭用咗紫色水晶作為開口位



單係紫色花插起上來會係咁.



再加白色唔會唔無咁單調呢?



之不過其實好似無乜機會插响筆筒. 因為通常會放係簽名冊上等賓客方便簽名.


我呢幾支筆係用咗不同顏色的uni 簽名筆 (金, 銀, 紫, 粉紅 & 綠). 因為我的簽名冊係白色底, 咁簽出來做會colourful d, 唔會單單得一隻顏色. 所有筆我都係中南都買, 婚前幾日先拆來做簽名筆, 之但係結婚當日都無乜墨, 諗諗下, 我想提議大家用muji 的筆, 又多色, 又靚d.


我的diy stuff 已經講曬啦, 下回講下vendor 評分.


3 December 2010

非常無品的buyer

因為婚後物資d物品唔想就咁唔要, 所以就放上來呢到睇下有無人合適


有時會收到d留言話我有興趣喎, 賣咗未呀?  咁我會回答, 未呀, if 你confirm 咗我就hold 起比你啦. 咁再約時間交收. 一日未賣我都會set 個status 為 hold


事發經過有一晚同一時間有幾個人問我賣咗candy jar 未. 咁我都係咁答. 未呀, if 你confirm 咗我就hold 起比你啦. 因為有幾個人同時問, 所以先到先得.


有一個buyer 好快答咗我, 仲約咗我交收地點17:00 响九龍塘地鐵站, 但無講exactly location. 我當時都有問仲有比咗我mobile 佢, 但佢無回覆.


响交收前2日, 我再send mail 比佢, 但一值無回音. 我唔知佢係咪無睇mail, 所以當天我都拎住重重的candy jar, 由屋企拎番公司, 由公司拎去九龍塘.


事情進展係點, 我估太家都估到啦, 咪就天真的我等了又等, 都唔見果個人囉, 老公仲話鬼我, 佢唔覆你就一定唔會出來架啦, 走啦... 我話等多陣啦, 或者佢一陣會打比我呢


其實我唔介意你之後想清楚同我講聲唔好意思呀, 我都係唔要了. 咁都唔洗我拎來拎去呀, 你估輕架. 唔買都唔洗咁玩人. 到今時今日, 呢個人都無打比我


所以無電話留比我的人... sorry 啦, 我係唔會賣比你的.


1 December 2010

Menu

講完 table number, 今次講番我的menu


封面個名同簽名冊內的做法一樣, 只不過今次唔用紫色, 用咗銀色, 影相出來效果無真實咁靚


日子同menu 都係用上紫色, 加咗一朵立體銀色的蝴蝶, 配合番我的主題. (其實本我的想响蝴蝶中間加番2粒紫色的Swarovski, 但由於時間的關係, 所以最終無做到)



今次只係上方cut 咗通花蝴蝶. Menu 入面用上銀底紫字, 同table number match 番


無論字體同顏色, 我自己都好鐘意.




29 November 2010

Table Number

回到婚前一星期, 請咗一日假, 响屋企研究點用photoshop.


紙係响永信都買的, 佢地都有點兒那個, 星期六本來係收3點, 但係我2:50到達, 睇住佢地關門, 仲問我係咪急用, 我都已經話咗係, 但照走人, 咁問來仲乜


第二次 lunch time 特登座車去, 點知佢地話食緊飯, 要我等半個鐘.


我的主題係紫色+蝴蝶, 所以1ayout 都係用番butterfly. 多謝oliva幫我買呢個punch, 要不然都無當日的 table no.


呢個用photoshop 做出來的layout改咗好多次, 呢個係我自己比較滿意的一個, 因為唔識用photoshop 的關係, 都叫做ok啦. 自己都好滿意了.



而家先想起, 應該加番我地的名同日期.



27 November 2010

Guest Book

其實MDW 有送到簽名布比我, 但我一開始就唔多鐘意


但係丙大人又唔想我 DIY 喎, 去到最後一個月, 佢見到都係咁唔鐘意, 就答應比我 DIY 一本簽名冊啦


呢本風琴簿係响PRINTS 到買的, 佢有2種唔好款, 一隻個面係有pattern. 而另外一隻就係無的. 我就係買咗後這


簡簡單單, 同證書套同出一轍. 我倆的名 + 日期 + "Thanks for sharing our happiness"



空白的內頁我就做咗個印, 用無色stamp pad +紫色閃粉同熱溶搶


呢個印係响雅寶印章公司http://www.ablestamp.com/seal.html 到做, 真係又平又抵, 加$10 就可以送貨, 真係自己去的車費都唔得呀.



上面印咗我地個名, 而下面就用咗無色stamp pad +金色閃粉同熱溶搶來印個囍字.



另一頁就上面係個囍字, 下面個印咗個心型love



這就是我地簡簡單單的簽名簿了, 我打算第一頁會加番我地的相, 而最後一頁會印番 guest list, 因為怕約干年後會唔記得佢地草書的簽名


25 November 2010

Hotel Icon

搵緊酒店場地的你唔知有無留意呢一間响TST 新開的酒店呢


我估大家都知到POLY 响紅隧道入口到建咗一間酒店係for hotel student training 其實間間酒店都會有trainee, 唔好以為佢地真係做trainning, 其實同一間普通的酒店沒任何分別


佢地本來打算建一間3星酒店, 點知起起下變咗一間星的酒店 名為 Hotel Icon


起呢間酒店差d 話會令到poly 破產喎, 其實只不過係傳言, 咁大間大學又點會咁容易破產先得架. 但係出到"破產" 呢個字眼, 證明真係花咗好多金錢. 咁又點會唔靚先得架.


佢地會第一次响12月頭個expo 到有booth. 大家都知新一間酒店一定會盡力宣傳, 到時唔知有無好offer ? 聽講話入面d 水晶燈好靚架喎.


正在考慮緊場地的妳可以去睇一下.


23 November 2010

從未出場的證書套

本來一心打算去訂盟的證書套, 但好早之前佢已經唔幫人做, 只怪自己唔一早去訂


响網上search 咗好多證書套, 但都係盟果個最靚. 反正都係唔靚囉, 不如自己做一個合心架啦


第一次做的手工無出面咁好, 但自己都好滿意了, 又係自己無時間唔跟下oliva學, 唔係就會更加靚. If 早一年前比我識佢, 我會有更多的DIY. 所以我講過, 等我HM 番來一定要跟佢學下scrapbook.


 


簡簡單單, 我倆的名+日期. 左邊用上哩士花邊.


哩士花邊响南昌街有好幾間專賣花邊的, 但原來oliva 都有得賣, 仲要係好靚tim, 總之就唔洗搵得咁辛苦


至於我地個名, 係用上Swarovski水晶, 因為d 字太slim, 所以用上最細的Swarovski水晶


原來黐呢d 野有支叫萬能筆, sales 又唔介紹比我地喎... 太過份了. 等我仲黐得好辛苦.



入面呢張紙係响oliva 到買的, 好靚, 品質又好, 果然係一分錢一分貨



哩士上加上白色Swarovski 彩角珠



zoom 近一點給大家看



最後再來一張完成圖. 真係花咗好多時間响呢本野上面, 但係註冊處話一定要用佢地果本喎... orz



20 November 2010

介指枕

早在月份當我完成呢個 ring pillow 時, 我話過d 相當時影得唔好, 會補影


但估唔到呢個post會响我結完婚先有時間post, 不要緊吧, 有心唔怕遲



對我來講最難係點收個口.



用白珠做咗個球體. 出來好靚



4個角位用咗水滴珠, 响深水埗一帶找過, 始終佢地d 珠的色澤同日本珠差好遠. 希望有更佳的效果, 所以去咗專賣日本珠的joses beads 到買. 4粒成為$30


之不過註冊處的15mins 的時間, 我估都無乜人留意我呢個 ring pillow. 但自己就好鐘意了.


15 November 2010

婚後物資 -- 早上用品篇(一)

(一) 中式茶壺 (連盒) +  囍字膠托盤 (全新未用過) -- $30 (SOLD)



(二) 囍字咕"0" 一對 (連蕊) -- $15 (SOLD)



有興趣請私留.


其他物資將不繼更新


9 November 2010

王太です

貴人出門招風雨, 星期六的大日子在風雨中度過.


幸兒下雨只是去到14:00 左右, 其後的外景也順利完成


今次真的十分多謝一班好兄弟姊妹, 真是無言感激


HM 會响聖誕節先會去, 現在回一回氣先, 因為較早前太懶了, 去到最後2 天的DIY 先完成. 本來在場賓客有小小惟意小妹的DIY, 但多得丙丙在台上一讚, 變成多多惟意.


婚禮事宜遲 D 再同大家分享, 因為現在忙於新屋的大小事項.


仲有係HM 的行程仲未plan, 真的要快手先得,唔係一陣連hotel 都無得住. 


3 November 2010

Sales ~ Candy Jar (Sold)

早前咗深圳買咗個大的candy jar, 但而家無用了, 唔知有無人有興趣呢?


全新未用過, 相片要結完婚先後補, 因為唔响我家.


原價人民幣120... 現售HKD120


Sorry... 丙丙家影相唔靚, 所以出來效果差D.


Size : 圓周78cm 高38cm



唔知大家有無興趣呢? PM Pls~~


Count down --3 days

講講下, 由上年5月至今, 話咁快就到了, 呢幾日真係忙到死


因為星期五至日係wedding expo, 所以所有野都提前曬


本來係聽日先開始放假, 但太多野做所以提前今日下午放.


今日去咗新婚情報到拎衫, Gary Li 到拎成長片段, Royal Garden 到試機


明天仲忙, Gel 甲, 修眉, 洗牙等...


28 October 2010

Count Down - 9 Days

尋日finsihed 咗乜, 真係無乜野


1. 100% 完成簽名筆


2. 爸爸話有朋友唔來, 所以想請多幾個... print 帖


3. wedding song, 終於多咗idea. 希望sat 前complete


今晚會去mua confirm 手飾, 所以今晚會停工


27 October 2010

Count Down ~~ 10 days

最近無update 過blog, 一個字 "忙"


忙乜.. 咪就係 DIY 囉


結婚証書套終於完成


簽名筆已經完成咗99.9% 啦, 係差小小石未貼


簽筒己做好, 但係手工差 d d, 不過影相出來唔覺


而家仲差 table number, menu, 簽名冊 (但係面做好咗, 係差入面, 估計都好快完成, 但又想去做個rubber name 喎)


至於music 係仲未想好的, 唉, 真係一日24小時都唔夠用


丙丙早前又話paris 亂, 所以想唔去, 咁轉去點又轉去邊好呢, 要book hotel 架啦,唔係連住都無得住, 佢又話唔識plan 行程喎, 咁我一個人又點做得曬咁多野呢.


意大利都好似唔錯, 但要小心出入, 好似好驚咁, hm 應該要relax d


瑞士我地係咪上唔到雪山呢, 聽講話大雪上唔到去, 係咪真呢, 好煩呀...


 


20 October 2010

去唔去巴黎好呢?

HM 己鐵定於26/12/20110-8/1/2011


但是....


巴黎的示威行動, 連美國都叫市民唔好去, 咁我係咪要放行程呢?


因為要book 酒店的關係, 所以要決定了... 仲打算去巴黎 count down...


咁點好呢?


7 October 2010

急問~~

有無人知呢本Apple Daily's wedding supplement 係幾時出架呢?