我的攝影課

話說想自己影想好睇d, 靚d, 出來效果好d, 我就之前去咗工聯會到報讀咗初級攝影課. 本來想報讀張東老師教導的班, 但第一日報名已經full 曬, 其他地點又唔識合, 所以最後我選擇咗另一位導師的課堂

响網上我只係搵到d人談論張東導師點好點好, 風趣幽默, 個個都係學得好開心

但係.. 我呢位導師, 一字記之曰.. 悶!!!

我已經上咗兩堂, 第一堂講相機點樣可以影張相出來的原理, ISO 同白平行

第二堂學咗光圈, 快門, B快門, 仲有係介紹下得獎相機

老師每次都係對住本地讀比我地聽, 咁當然都有同學唔明再問阿SIR啦 (不過有位同學問完又問, 真係唔知佢係咪真係聽唔明, 連我後面位同學都話唔好答佢, 繼續講啦)

因為所有notes 都係响老師本書都打印出來, 黑白點睇喎, 老師有見及此, 買咗好多本書番來賣比我地, 佢真係識做生意喎

希望下一堂唔好咁悶啦, 仲有係可以學到d新知識!