烏冬專門店@川福

鐘意食烏冬的我又點會錯過咗尖東新開的川福呢, 佢主打讚歧烏冬, 仲同四國香川縣有近六十年歷史的川福本店合作, 佢地仲送咗3名廚師於當地學習, 呢到的烏冬係在日本川福本店製作後急凍送到香港

唔係好記得個名, 不過呢個係雞烏冬, 雞件的份量唔算多, 所以不值推介

烏冬滑流煙韌, 湯底有香濃的鰹魚同木魚味, 但係蔥比較小同切得比較大, 我喜歡細一點

我就點咗五目雜菜餅天婦羅烏冬 ($42), 天婦羅好香口, 點解叫五目, 我估係因為佢地用咗5種蔬菜 -- 甘荀, 南瓜, 番薯, 青椒 同冬菇. 值得一讚係佢地附上白籮白蓉同熱天婦羅汁, 呢個真係必點之一

呢到可以一試, 但無我想像中咁出色, 同我响超級市場買個d 日本急凍烏冬差唔多, 會唔會再去食.. may be 啦, 因為佢地的天婦羅做得又幾好.

佢地lunch 係無加一的, 但晚餐就會有, 唔洗加一呢個價錢都算平架啦.

地址: 尖沙咀加連威老道港晶中心地下65-66號舖