雲海師傅自立問戶@鮨海

龜一般的速度, 而家終於寫到12月25 的食評了, 下一篇可以開始寫我的<半美食台北之旅>
繼四季的點心總廚, 帝苑的甜品總廚分分離開酒店而自立門戶, 今次要講下响雲海做咗18年廚師的焯師傅. 响上年年尾於港晶中心自立門戶, 開咗間名為<鮨海>. 聽說每星期番足6次貨, 保證日日新鮮

佢地的午餐價錢都價抵食, 有好多選擇. 總有一個你地係合心水

我地點咗壽司飯盒 (內有頭盤, 沙律, 雜錦魚生飯, 味噌汁, 甜品) $110

呢個鮑魚係因為佢地新張期間送贈, 我估宜家無了, 不過只是一般而已

壽司定食的魚生都好新鮮, 唔錯唔錯!!

丙丙點咗特上壽司定食 $140 (內有頭盤, 沙律, 鉄火卷, 雜錦壽司 -- 肥金倉魚, 海胆, 牡丹蝦, 深海池魚, 帶子+ 5件季節魚壽司, 味噌汁, 甜品)

壽司size 唔會太大, 份量剛好, 用料又新鮮. 不過佢地的米飯始終不及壽司廣

甜品就係呢個雪糕, 唔係太特別, 我喜歡佢地自家制多d.


呢個就係焯師傅了, 我仲未放膽去影人地, 下次一定會有進步

佢見我係咁影仲問我係咪記者, 真係攪到我有d唔好意思

我覺得尖沙咀而家越來越多新的日本食店, 但始終都不及銅鑼灣. 希望i-square 同k11 的開幕會做就更多的食店加入.