台北半美食之旅 -- Day 1 (Part I)

12月29日, 終於來到去台北呢日一啦, 前一晚因為要unpack 屋企d 野, 所以攪到2點幾先瞓, 因為座早機, 所以6點幾就要起身. 當日都係落住雨, 經過我曾經落雨上機, 所以每之出問pack 野的時候都會用膠袋pack 好曬d 野, 唔會好似之前果次咁. 所有衫都濕曬 (有興趣重溫一下我發生過乜野慘事的朋友, 可以睇番東京5日四夜 - Day 1 (航機篇)

唔知點解, 每次我都會影下d 雲, 好靚好靚, 真係好靚

今次我呢個package 响swire 到book, 一來近我公司, 2來佢地的service 都係好好.

佢一早幫我hold 咗機票, 但係我問咗好多間hotel 都full book, even 佢地唔係package 的hotel我都有問. 但之不過西門町, 台北車站附近果d 真係一d都無, 所以最後我搵咗"王朝大飯店". 雖然呢間酒店唔算太方便, 因為要去西門町的話座地鐵要轉車, 而座地鐵响南京東路站要行幾分鐘. 在無其他choice 的情況之下都叫ok 啦.

講番先, swire 佢地真係好, 因為幫我 tailor made 個 package.

由機場去呢間酒店都算幾方便, 有飛狗巴士直達

佢都算大酒店,有7百多間房, 圓形的設計, 有d 似 royal garden hotel.

午餐我地座的士來到阿正廚坊, 好似轉2個彎, 但係差唔多 HK$3X, 原來咗台北座的士都無比想像中咁平.

仲有丫, 的士司機唔知點去, 就算我地比咗地圖佢都唔知點走, 佢用對講機同人講閩南話, 你知啦, 人生路不熟, 又唔識聽佢講乜, 都咪話唔驚. 好彩丙丙識番兩句閩南話, 咁都定小小.

我今次呢個旅程大部份的餐廳都無睇老點天書的, 好多都响睇台灣地道人介紹, 咁當然有d 係隨心啦. 而今餐就係去咗呢間幾出名的阿正廚坊.

佢出名之處係因為你睇佢菜單跟本都唔知佢係賣緊乜野菜色. 仲有佢會用當天最好的食材, 唔好係唔會用的.

始終香港人同台灣本土人都口味未必一致, 所以我地選擇咗早估來試食. 菜單有7種主菜可供選擇, 一人份單主菜為NTD480; 一人份雙主菜為NTD680. 當然我同丙丙都選擇了一人份單主菜啦. (包括: 開胃菜, 湯, 主菜, 甜品及飲料)

唔好問我開胃菜係d 乜, 因為太耐店員講咗我都唔記得係d乜.

匙中係魚, 不過唔記得係乜野魚, 但帶點腥

蔬菜好新鮮, 果然唔新鮮唔賣

呢係係?! 有d 似芋頭的物體.

湯好好味丫. 內有粟米.好香好好味.

到主菜啦:-

紅糟时魚 -- 用上當日鮮魚, 自製紅糟醬醃漬炸熟後, 燉煮糖醋白菜, 酸甜滋味

唔知係咪台灣人同我的口味有出入, 雖然呢個做法都幾特別, 不過唔太鐘意, 覺得魚有點腥

牛肉壽喜燒 -- 用美國肋眼牛排肉, 龜甲萬醬油, 清油, 味淋調製醬汁, 再搭配烤豆腐, 大蔥, 洋蔥, 牛蒡燉煮

呢個唔太特別, 做法都好簡單, 牛肉都好有牛肉味, 但係好似平時我同丙丙煮果d 咁.

最後來個甜品, 係杏仁蛋糕, 好香杏仁味.

再來一杯熱飲作為今餐的總結.

有興趣的朋友可以試下佢地的午餐, 都算幾抵, 但最好係座的士, 因為我地走時行去大安站都行咗20 mins 左右.

伸延閱讀

台北半美食之旅 -- Day 1 (Part II)