失驚無神買咗樓 II

緍前因為怕無錢的關係, 所以結緍前一年就入購咗一個細單位, 叫做有自己的天地

 

還記得當時的樓價唔係太高, 但當時好多人都會快會跌架啦, 息口會加架啦…等等

 

但是, 真係好細, 對我呢d人來講, 唔係話唔夠住, 但有好多野都唔夠放, 如果第日有小朋友同工人的就, 就一定要搬. 遲搬早搬, 咁當然最好係未有小朋友前搬啦

 

而家d 樓咁貴, 真係有諗過賣咗自己呢間, realize 咗個gain, if 真係有咗就租屋. 咁等跌先再買. 但有無人知係咪真係會跌呢?? 諗番以前hk 人去加拿大, 中國炒樓, 當時d 人同我地而家討厭國內人一樣, 炒貴曬d 樓, 但樓價都今時今日都無跌過

 

有見及始, 我又唔係投資, 只係買來自住, 不如睇下係咪合心先再買啦

 

所以, 响早幾個月開始物色同一屋苑的三房單位, 丙大人鐘情於西南 / 東南, 有太陽曬入屋, 冬暖夏涼. 最好係單邊同近鐵路站, 中層以上.

 

其實… 即係得一座的某2個單位. 但係呢間單位真係好小放盤, 所以有其他向內園都會考慮

 

某日地產帶我地去睇樓時, 多口問下有無呢個單位, 點知又有喎, 可惜的係佢開的價比最高銀行估價高1x萬, 我又唔想枱錢上會喎, 最後我地同地產講我地只可以連commission 比呢個數.

 

某日, 我地帶票上去同業主傾, 仲出動咗佢亞頭. 最終係點, 當然係成交啦, 但都比銀行估會為高

 

上次係當日睇當日買, 今次就一星期後買, 都叫快手架啦.

 

又係時候煩裝修了~~