不吐不快

不吐不快, 轉咗呢份工,係我呢生人做得最唔開心. 仲有2日過probation. 從未試過, 响probation 時考慮resign, 仲要唔止一次.

 

話說2個月前我已經問AM 31/12 號可唔可以放假, 佢話要問一下Sr. M 先. 問完話我知無問題. 咁因為未過probation 的關係, 所以system 唔可以請annual leave, 我怕佢事忙, 所以今日msg remind 佢我31/12 號放假, 但一直無回覆我.

 

而家的工作唔算多野做, 因為遲d 有同事大肚要頂佢d野, 每次都係M 出聲佢先會pass d 野比我, 咁我都明白有d人怕你要取代佢. 我每次問佢幾時放產假, 佢只會話一月頭.

 

星期一下午四時, M 佢咗份check list 我, 寫大肚同事有幾多野pass 比我, 一睇之下, 只得2-3樣係做過, 其他都未曾接觸. 之後大肚同事先開始比佢手頭上的野我. OK, 無法啦,唯有努力咁學同跟. 問題不大.

 

可惜的是, 昨天M 走過來問我d 野跟成點, check list 比咗我未有24小時, 而且大肚同事昨天無番, 所以根本問不到, 我一問佢之下, 佢話如果無早產的話, 應該會在1 月2-3號開始放, 所以叫我跟緊d (咁又唔早點比check list 我, 氣!!!)

 

今天仍然努力對各同事的工作, 而M 又走過來問我做緊乜, 又問我又無同大肚同事跟, 大肚同事星期一佢比咗幾疊我, 咁我都要時間去消化, 唔通一樣野未做好就去做其他野咩.

 

最最最氣憤的是佢無啦啦走過來問:

M: 你31號放假咩?

我: 係呀

M: 你D野攪得掂架啦? (超不好的語氣)

我: 打算對完呢D 會同大肚同事跟.
M: 你快D 好同佢跟啦喎.

 

如果覺得時間真係咁rush, 咁點解唔一開始早點比我, 到而家佢開始放假就日日响到push 我. 仲要行過睇我做乜, 一日問我幾次有無同大肚同事跟, 算點!!!!

 

好火呀, 要响到吐一下, 唔係人都顛