平而美味的茶餐廳@露斯餐廳

最近成日要去中環辦事, 所以都多咗去中環食飯, 要响中環搵價廉物美的餐店都真係好容易, 今次我要介紹係呢間露斯餐廳

其實佢係一間港試的快餐店, 同附近的翠華差唔多, 但價錢就比翠華平好多

我地點咗set dinner -- 雞扒菠菜卷 (跟湯, 蒜蓉飽, 甜品同飲品)

雞扒菠菜卷好大碟而且都好好味, 賣相又唔差

意式茄茸海蝦球青蠔天使麵 ($48), 唔好以為係一般茶餐廳貨色, 呢個天使麵有蝦同青口, 仲要好大隻, 天使麵唔會好淋身.. good!

丙丙見佢d 小菜都係$18一碟, 佢覺得好平, 所以我地點咗苦風炒蛋, 雙對來講, 呢個比較失色, 原因係油得d 啦… 不過以$18 來計, 我地無想過會有咁大碟囉

食完先發現唔記得咗影甜品, 係芒果布甸, 都幾好味架, 我唔係叫set 本來係無的, 店完見我無得食仲送多咗一客比我~~ yeah!!!

佢地假日d扒餐都好平架.. 只係$28, 真係你估唔到呢到係中環囉

响我公司呢頭無啖好食, 响中環就唔同呢, 平時食lunch d 野差唔多食完(但野都未開始飲), 張單就會即刻放响你張枱, 飲野飲咗咗小半呢... 小姐唔該你幫我結帳先, 仲要食物質數唔係好喎, 唔知响中環番工又會唔會有我呢個情況呢?地址: 中環域多利皇后街5-8號鴻基大廈1/F