小歌話佢要寫番個2010年大計喎… … 响佢未寫之前我一定要快佢一步寫先
其實都無乜好寫, 今年的大計咪差唔多全都關於結婚囉!!
1. 學海無涯 -- 同上年一樣, 努力讀書同考試, 希望明年轉工可以搵多d
2. 婚禮 DIY -- 我想响自己婚禮都DIY一番, 但係以我咁懶同忙, 唔知實唔實行到呢
3. 新屋裝修 -- 其實呢間屋太細啦, 我估我地都唔會住得太耐, 大約2年, 係咪值得花咁多錢去裝修呢, 又要拆牆, 又呢樣… 都係睇下到時有無錢先啦
4. 儲錢 – 呢個真係好重要, 係重要事項之一, 因為今年一定要用超多錢
5. Honeymoon planning – 本來我打算12月去歐洲的 (即係x’mas 期間) 但係好似呢2年都大風雪喎, 仲有好似3點就天黑, 所以都未必去, 咁去邊到好呢?? 苦惱中~~~
6. 當然係11月6日的大日子啦, 仲洗問, 希望到時無d蝦碌野發生啦
其實我有d好奇, 你唔係話你間新屋租咗出去咩? 同埋應該好多人都會咁做, 買咗未住就租住比人先~~ 如果係咁呢, 咁係租比人前裝修, 定係自己入去住之前先裝修呢?
ReplyDelete[版主回覆01/07/2010 09:48:00]我就自己入去住先裝修, 其實之前果業主都係租比人, 所以都ok, 但d 裝修好老土唔合心, 所以先再裝修過
比我都話一定係自己住先大裝啦, 唔係點知心地攪到你間屋點喎
icic~~
ReplyDelete但係你住兩年又話會賣,咁就唔抵了,除非賣個好價錢就唔同,但係你係一個追求生活質數的人就真係冇計, 你唔裝,就住得唔開心, 因為有bb一定唔夠住, 再想下先la
ReplyDelete[版主回覆01/07/2010 22:55:00]雖然我係想好d, 但係都真係唔想花太多錢, 所以我會細心咁想想. 點可以同最平做到最靚