抵食又好味@中意仿

今次我想講下平時我食lunch 會食d 乜. 講真, 公司附近又貴又唔好食, 所有野都係九秒九上枱, 叫你快d 食完, 飲到一半野就拎張單來比你, 小姐唔好意思, 出面好多人等,  可唔可以幫我結帳先 (以上對話係講緊60-70 一個餐個d). 茶餐廳咩, 你一食完野開始飲野, 佢就會叫定下一張枱來你隔離, 大大聲話呢張差唔多架啦, 你地企响到等啦 >.<|| 跟本無理過我地的感受. 好小小個d 咪見你差唔多食完, 就放定留枱牌, 咁你地自已識做啦

所以每逢Happy Friday 而又唔趕住番來開會的話, 我地必定會去一d 舒服d 的餐廳, 對自己好d, 鯉景灣就係我地最愛之一的選擇

今次要講就係鯉景灣其中的一間中菜館, 其實我都好想同丙丙一齊來呢到食飯, 但係聽講話佢地夜晚同午餐的menu 差唔多, 但係午餐的價錢係五十幾元, 而晚餐食同一樣野就要百多元, 好似好唔抵咁, 所以有機會的話我一定會同丙丙星期六來呢到食 lunch.

葡汁磨菇局茄子魚塊 ($58) -- 其實呢到的份量唔算太多, 不過所有野都好好味, 因為可能呢到d 餐其實係一人份量, 所以魚塊都唔算多, 大約4件左右

呢個係另一個menu, 無影到又唔想得左係乜東東, 係d 京式骨咁上下啦, 我唔太鐘意食呢一個, 肉太多了

香草牛油豬排雞翼 ($58) - 牛油味好重再加上香草, 呢個match 又唔錯喎, 差d 以為食緊西餐, 雞翼都係得4隻, 反而豬排多d

中意炒粒粒 ($58) --有松子, 馬蹄, 牛脷, 豆角, 菜甫&花生. 我自己本身好鐘意食呢d 炒粒粒架, 不過要切都幾辛苦,所以出街食就無呢個問題了

呢個菜係跟餐送的, 呢個為4人份量, 都幾好食架

haha.. 跟住就係主角出場啦, 雖然佢地主菜係好得, 但係最得都係佢地個甜品, 一入座佢地就會有人拎住呢d甜品同你一一介紹. 睇下你想食乜東東幫你hold 起先

呢到只係西式甜品, 仲有幾種中式甜品, 包括芝麻糊, 佢唔會只係講芝麻糊咁簡單, 會講下食咗有乜好.. 例如海底椰唔知乜乜乜(佢地會叫養顏SKII), 真係聽到都好想食. 好多時我地都係為咗呢個甜品而來呢

而於服務, 呢到好細心, 會不停幫你加水, 仲有會問下你覺得今日食物點咁.

所以呢到都成為咗我地lunch至愛之一了~~