稻庭烏冬·鍋物日本餐廳

烏冬痴的我聽到呢間新開的稻庭鳥冬又點會錯過呢, 雖然我自己本身鐘意食烏冬多過稻庭烏冬, 但稻庭就滑身好多, 但又幼身好多.

呢間烏冬店唔係用我地大家都熟識的讚歧烏冬, 佢係用咗秋田縣的稻庭烏冬, 選用日本進口的<七代佐藤養助烏冬>, 己有3百年歷史, 曾經供天皇同皇室享用.

我對金賞牌好有好感, 因為之前買過日本鼓油同梅油都係有金賞的, 味道的確係唔同d

先來北海道蟹肉熱稻庭 ($108) -- 以木魚, 味醂, 醬由, 野菜等熬成, 再加入北海道蟹肉絲烹調 (唔好以為我咁犀利食得出, 係東方日報咁講的)

的而且確烏冬好滑身, 之不過我不太鐘意個湯底, 好似打咗生粉咁. 仲有$108 好似貴咗小小喎.

陶板特式北海道香腸 ($98) -- 呢個本身係一個圈架, 只不過上台後剪開咗, 都幾 Juice. 但份量好似多咗d, 食完差唔多KO 曬我地



最後來個自家製魷魚餅 ($65) -- 唔知點解一比我先到呢d 魷魚餅就好想點來食, side 唔係好大, 彈牙好好味喎~~ I'm loving it!!

其實我已經係點咗d 平價食物架啦, 鍋物價錢要貴好多呢.

有好多人都覺得佢地的烏冬好食, 但我本身唔鐘意食幼, 所以扣咗分, 仲有價錢都不是便宜, 又扣咗分. 唔知仲有無其他的烏冬店會過江龍呢?