二訪天膳

事件回到2010年5月12日, 是日為丙丙之生日. 丙丙轉咗新工, 响我公司附近番工, 但係我地平時都唔會一齊食飯, 點解?! 因為午膳時間係用來收集情報囉

由於丙丙仲未過試用期, 所以未請假去玩, 但都都唔可以咁平凡架咩, 同事又未知佢生日, 咁我就約咗佢一齊去cwb 食lunch 啦.

今次我地再去天膳, 主因係丙丙鐘意食日本野.而且呢到的set lunch 都幾抵食, 我地點咗自選壽司, 每人可點10件.

先來個茶碗蒸先, 夠熱又夠滑, 好味

小食為我至愛的牛舌.

我點咗大吞拿魚腩, 中吞拿魚腩, 油甘魚, 帆立貝, 牡丹蝦, 深海池魚, 雲丹, 海鰻, 甜蝦, 碎蔥吞拿魚腩卷

唔講咁多,來個近鏡比大家睇真d, 但小妹的攝影技術有限, 失禮曬.

丙丙就點咗大吞拿魚腩, 中吞拿魚腩, 吞拿魚, 油甘魚, 赤貝, 帆立貝, 牡丹蝦, 平政, 雲丹, 三文魚籽

雖然今次的大吞拿魚腩咁上次咁肥美, 但呢個價錢來講都算係高質數.

飯後仲有雪糕 (或咖啡) 再加生果. 超飽又滿足的一餐.