雖然有好多人都話銀禧服務差, 但對我來講佢地都唔錯.
之前提及過酒店係送S320, 但係呢個款都係舊到唔舊, 拎出街真係無人要, 所以最終決定加$420 轉 E Class (其實只係好小小)
顏色無得選擇, 佢可以幫你mark 底要乜色, 但唔一定會有, 可能會係籃色 / 其他色, 所以都係safty d, 加咗$100 要咗銀色. Total 加咗$420
婚前2天, 佢地sales 打比我話upgrade 我地現代銀刺型勞斯萊斯, 佢地有4隻比我地選擇 (金/粉紅/粉紫/藍) , 因為我訂咗的花車佈置為綠 x 白 x 金, 同粉紅 / 粉紫/藍出來的效果都唔好. 所以最後選擇咗金
老實說, 雖然rolls royce比起benz係貴好多, 但我覺得有成熟. 唔多襯自己.
但係用咗之後我就想講好彩佢upgrade 比我, 因為車箱真係好大, 我同老公再加伴娘座後座都有鬆動. 至於伴朗就座車頭. (順帶一提, 如果伴娘跟你一齊座咁伴朗都要同你地一齊座)
司機佢好醒目, 幫手佈置同拆走佈置, 唔洗麻煩兄弟. 佢對路線都幾熟. 比我想像中好好多.
冷知識: 如果有大玲姐, 佢係要跟車的, 咁伴娘同伴朗就唔洗跟車, 仲有佢係座司機隔離, 佢有乜作用? if 見到救護車, 警車, 消防車, 白車. 佢地會叫新人望向左/右. 等佢地唔會見到呢d 唔吉利的野.
No comments:
Post a Comment