因為婚後物資d物品唔想就咁唔要, 所以就放上來呢到睇下有無人合適
有時會收到d留言話我有興趣喎, 賣咗未呀? 咁我會回答, 未呀, if 你confirm 咗我就hold 起比你啦. 咁再約時間交收. 一日未賣我都會set 個status 為 hold
事發經過有一晚同一時間有幾個人問我賣咗candy jar 未. 咁我都係咁答. 未呀, if 你confirm 咗我就hold 起比你啦. 因為有幾個人同時問, 所以先到先得.
有一個buyer 好快答咗我, 仲約咗我交收地點17:00 响九龍塘地鐵站, 但無講exactly location. 我當時都有問仲有比咗我mobile 佢, 但佢無回覆.
响交收前2日, 我再send mail 比佢, 但一值無回音. 我唔知佢係咪無睇mail, 所以當天我都拎住重重的candy jar, 由屋企拎番公司, 由公司拎去九龍塘.
事情進展係點, 我估太家都估到啦, 咪就天真的我等了又等, 都唔見果個人囉, 老公仲話鬼我, 佢唔覆你就一定唔會出來架啦, 走啦... 我話等多陣啦, 或者佢一陣會打比我呢
其實我唔介意你之後想清楚同我講聲唔好意思呀, 我都係唔要了. 咁都唔洗我拎來拎去呀, 你估輕架. 唔買都唔洗咁玩人. 到今時今日, 呢個人都無打比我
所以無電話留比我的人... sorry 啦, 我係唔會賣比你的.
唉~d人真係冇品...下次你都要好好保護自己,冇交帶,冇電話,唔confirm的,唔好賣喇!!
ReplyDelete[版主回覆12/03/2010 14:00:00]會啦, 經一事, 長一智.
我之前幫人團購買野, 都係啦, 話左要, 後來影都冇, 我仲要自己幫佢比左錢先..好在最後都有人要.........
ReplyDelete丫, 可唔可以add 我?
[版主回覆12/05/2010 09:28:00]下次你團購一定要叫佢地比佢咗deposit 先.
因為我自己唔係呢d 人, 所以咪無諗過會有呢d 人囉.
anyway, 下次會小心d
added~~
又會咁嘅..... 最好就公開佢啲 info.... 等其他人知道佢有啲咁嘅前科.....
ReplyDelete[版主回覆12/05/2010 09:29:00]佢無寫開blog, 公唔公開都一樣. 不過大家真係要小心.
你真係牙齒當金使，應允就去。我就實唔去了
ReplyDelete咪激氣了，你好人重諾言係你的優點呢
[版主回覆12/30/2010 07:19:00]咁我賣野都係想幫下人, 又唔waste 野, 點知會攪成咁, 下次會醒d