, 但要人齊先入得, 我就叫佢9秒9由times square 過來. 時間剛剛去, 佢一到就有位了!!
為咗一take 成功, 我走咗去買咗本25ans, 呢一本係我生平以來買得最貴的magazine
capture 幾張我想要的style, 因為包包面的關係, 所有頭髮整曬上去會唔好睇.
要求 -- 中式褂要個頭複習的頭, 結婚當日會用鮮花, 仲有註冊都會用鮮花. (宜家D 頭髲太黑, 影pre-wedding 之前同big day 之前都會做colour)
夜晚march-in 同晚裝會用頭飾
佢幫我試咗唔同造型同唔同頭飾, 差唔多玩咗3個幾鐘
佢package 係有分早午晚同 full day 的, 我問佢有乜分別佢話其實分別唔會太大, 因為11月的關係唔會太熱, 妝都會keep到耐唔, 唔洗成日補妝, 佢話無得downgrade, 所以叫我 reserve咗早午晚先, 如果到時想清楚係要full day 咁之前同佢講 (真係老實)
就係咁, 我就confirm 咗呢間同比咗50% deposit 啦!!!
Charming Faces: www.charmingfaces.com
我開心丫.. 今日終於confirm 咗MUA 了, 雖然上之試果個化的快d, 但係我覺得呢個 fashion d 同靚d, 仲重要係丙丙大人都覺得ok. 今日唔想多寫試妝經過, 遲d 先寫番啦!!
最後要多謝小歌再一次陪我去試妝, 宜家開始要努力搵攝影師了!!!
對於影相有要求的我, 要搵一個合心的攝影師真一點唔容易, 有要求但無 budget, 即係要响有限的金錢搵一個好好的攝影師
其實我都唔算有d 乜野要求, 我覺得最緊要係影snap shot 有 feel, 捉緊每一個細節, 仲要影到sweet sweet 的感覺, 一定要2P1V
其實我好鐘意 Dennis Mok 的style, 果種感覺, 果種 style, 真係好靚, 不過真係超貴啦, 只係2P 的 package $39000 
睇完都真係有d 嚇親, 無法啦.. 唯有放棄. 唉!!! 搵 MAU 又煩, 搵Photography 又煩, 希望快d 搵到就好啦!!! 努力!!! 加油
話說今日本來打算放工去APITA 到買25ANS for 我星期日試妝, 睇定點set 頭, set d 乜頭好, 我今次真有做功課架... 可惜係已經 sold out, 星期六先番.
無 magazine, 咁唯有搵下本free magazine 啦, 我差唔多期期都有拎架. 今次呢本needs 係講09 關西outlet big sale, 佢仲有好野睇架, 例如係日本資訊, 日本食店等...
今次呢本Concierage 比平時厚好多, 雖然係全日文, 但係由細估到大, 健康又愉快 
今期真係好精彩, 有介紹香港私房菜, 麵包店... 實在有太多野啦
佢仲有介紹澳門係深圳... 最令我深刻係佢有介紹東部華僑城. 呢到都係好靚, 而家有好多人都去呢到影婚紗相. 去呢到影一定影到唔想走
有興趣的朋友都拎番本睇下丫, 反正唔洗錢的
話說想自己影想好睇d, 靚d, 出來效果好d, 我就之前去咗工聯會到報讀咗初級攝影課. 本來想報讀張東老師教導的班, 但第一日報名已經full 曬, 其他地點又唔識合, 所以最後我選擇咗另一位導師的課堂
响網上我只係搵到d人談論張東導師點好點好, 風趣幽默, 個個都係學得好開心
但係.. 我呢位導師, 一字記之曰.. 悶!!!
我已經上咗兩堂, 第一堂講相機點樣可以影張相出來的原理, ISO 同白平行
第二堂學咗光圈, 快門, B快門, 仲有係介紹下得獎相機
老師每次都係對住本地讀比我地聽, 咁當然都有同學唔明再問阿SIR啦 (不過有位同學問完又問, 真係唔知佢係咪真係聽唔明, 連我後面位同學都話唔好答佢, 繼續講啦)
因為所有notes 都係响老師本書都打印出來, 黑白點睇喎, 老師有見及此, 買咗好多本書番來賣比我地, 佢真係識做生意喎
希望下一堂唔好咁悶啦, 仲有係可以學到d新知識!
首先我要先多謝小歌.. 山長水遠開完OT 仲陪我入大埔試妝
呢個MUA 都係好平同好快手... 但係唔知係咪我對佢講話我鐘意小歌隻眼長, 所以佢幫我畫長咗隻眼.. 攪到好古怪同有小小誇張咁 , 但晚妝都唔錯架... 
比咗屋企人同丙丙睇, 屋企人話唔好睇叫我轉MUA (其實都唔係真係咁差姐)
丙丙就話日妝唔ok.. 晚妝就ok.. 我比過小歌朋友d 相比丙丙睇, 佢話呢個MUA 化人地日妝又好正常喎, 你可唔可以叫佢化你正常d 呢?? 聽到都真係唔識答
丙丙叫我試多一個MUA 先confirm.. 但係其他好貴喎.. 大家有無又平又好的介紹呢?
星期二上咗第一堂99%純銀黏土, 我覺得都幾好玩, 不過好彩佢係唔洗再買材料, 因為圖下呢包7g 的純銀黏土, 價值為$3xx, 我地一包分開2次做, 呢個course 係包4件作品, 即係材料費都已經$6xx, 所以呢個course 真係好平
Silver Clay 係由"純銀粉末","水"和"黏合劑"三種成分構成的純銀黏土
制作過程係分4個step, 第一堂miss 都唔係教咗好多野, 都係講解一下乜野係silver clay, 原來佢比起我地出面買都925 純銀仲要純, 所以價錢都會比925貴. 以下就係制作純銀黏土的四個steps
黏土狀態 | 乾燥狀態 | 燒製初期 | 完成 | |||
 |  |  | |  | |  |
純銀黏土的水份 作適量增減,可調 整其柔軟狀態 | 乾燥時,水份 揮發,形態 固定硬化 | 燒製時,純銀粉 末相互結合, 逐漸收縮 | 製成後,純銀粉 末融解成型,整體 收縮率少於10% |
第一堂講咗點樣以線的形狀去做手飾. 老師示範咗唔同形狀的手飾比我地參考, 見佢做就好似好容易, 但係當自己親手做的時候又係另一回事.
本來想做Tiffany 的心型吊咀, 睇就好似好易, 但無實物對住真係做起上來一d 都唔似, 算吧!!! 第一個手作係咁上下架啦, 我地今次只係做咗steps 1 & 2, 下堂會係製成品, 到時post 上來比大家睇下啦
今日同丙丙決定咗 join My Dream Wedding 的 pre-wedding photo, 我地一決定就去做.. 所以話咁快錢都咗了
My Dream Wedding 有別於其他公司, 以我所知其他係比deposit, 但佢一係分6期比, 一係一次過比, 咁我地當然係分6次免息分期啦.. 話時話.. 咁大個女第一次分期付款(雖然都唔係我比)
我地big day 係2010年11月6日, 所以我選擇咗一年前2009年11月6日去影婚紗相
8月9日就要去interview 同選衫, 死啦.. 仲有咁短時間.. 點 keep 丫?? 隻手仲要好粗.. 點算好 真係要 keep fit 了 
我地要選3個地點.. 邊3個好呢.. 真係要學下人地site visit下
丙丙最近好勤力 (平時無架), 成日上esdlife 到睇呢樣睇果樣, 我地大家都覺得11月係最理想影pre-wedding 的日字, 佢上網見到人地都book 曬11月了, 所以成日都問我想影邊間
其實記得我第一次去婚紗展的時候, 我覺得CDL 好靚丫, 因為佢地d衫都好靚, 仲有佢地的外景園林, 但係睇得多咗, 發覺個個响果到影都係同一個pose
至於蒙羅麗莎同法國婚紗我一開始就唔係好鐘意, 可能我覺得佢地的婚紗唔係好靚, 所以無乜好感
上星期六去婚紗展時, 我同丙丙第一次去睇唔係style 的pre-wedding photo, 我地睇咗zara bride, 佢都幾平下, d style 我同丙丙都幾鐘意, 但係就無咗我最想要的水晶教堂景囉. 今日上網睇zara 原來係新開的, 佢地租衫的服務態度好差囉, 所以佢地幾平都好, 都係唔會考慮了, 唔想比咗錢又影得唔開心, 一肚氣咪死
今日我地去咗my dream wedding, 佢地同蒙羅麗莎&法國係同一集團, 但係style 就好唔同, 我地見佢影d 相出來的效果同zara 都差唔多, 响esdlife 都一至好評, 雖然比起 zara 貴好多, at least 佢地比人讚, 但係又無咗我最想要的水晶教堂囉, 仲有影外景同室內的衫好唔同, 所以都仲考慮當中 (會唔會有機會影2輯呢??)
佢地咗婚紗展係有外地拍攝的, 我都幾鐘意星加坡的外景, 但係咁樣會洗大咗好多, 我地之後仲要買樓同傢俬, 但我又真係好鐘意喎!!!
好苦惱丫
話說上星期去完 Royal Garden 簽咗contract 之後, 丙丙話不如今日去買戒子囉 (其實我地之前都睇過PN, 4C.. 但係都唔合心, 只係得cartier love collection 我鐘意的.
丙丙話响web 到見到幾個月就加一次價, 反正都睇中咗, 不如早d 買啦. 佢話上網d 人話北京道果間d sales比較串, 我話好似element 有一間, 由TST座車過去都幾近, 所以決定走一轉
我地去到之後話要呢個LOVE 18K 白金, 跟住試咗size 之後, shop manager 同我地講宜家elements 做緊promotion, mon-wed 消費滿$10,000 可以有$500 cash coupon, 咁我地可以幫你即時用番, 佢話平時佢地一定唔會有discount 的, 所以今次真係好抵, 就係咁. 佢幫我地hold 起咗一對戒子, 今日番去買 (其實佢地可以唔話比我地知即時賣比我地, 但佢地無, 真係好好人丫)
今日我上Elements 個web 到睇過, 原來coupon 係先到先得, 額滿即止. 我地去到elements 之後, 先到好多人排隊, 咁即係未送曬啦, 跟住我地就入咗去買了. 當丙丙比錢的時候, 我問佢我洗唔洗去排隊先呢, 佢話唔洗喎, 點知.. 我地去到的時候佢地話已經送曬啦.. 吓.. 咁點算丫?? card 又碌咗.
佢見我地咁快番去都知已經d coupon送曬, 立即9秒9 打電話去幫我地攪掂, 最後都攪咗大半個鐘, 佢用盡所有方法幫我地攪掂, 唔洗我地走多一轉. 佢地都有即刻打比其他hold 咗野的客人, 叫佢地唔好來
Elements 的promotion 係mon - wed, 仲有今個星期同下個星期渣. 由12:00-22:00 (不過我地今日19:15 都已然送曬了, 所以要買的朋友記得早d 去啦~~
http://www.elementshk.com/big5/hot/promotions.php?pageno=1&id=73
仲有仲有, cartier 可以3個月內免費刻字, 等我同丙丙想下刻d 乜野先!!
Final Hotel Booking
我同丙丙都覺得酒席booking 係最重要的, 呢2個星期咁不停打去hotel問information, 適合我地圍數, min chg同菜色的真係唔多, 最後我地都 final 咗royal garden
其實佢都有唔好之處:-
1. 無spot light for march in,不過係話會較光暗同無一排燈開
2. 因為係幾間房打通, 所以有小小板間位
3. 新娘房無獨位洗手間 (聽講10圍個間room 係有架)
4. 有一部無LCD 電視.. 仲用緊大牛龜, 有無攪錯
不過以菜式來講, 佢地已經幾好(at least 自己覺得）:-
鴻運乳豬全體
西蘭花帶子珊瑚蚌
百花脆蟹鉗
蒜子瑤柱甫
紅燒竹笙海皇蟹肉翅
福祿鮑片扣百靈菇
清蒸大海斑
當紅蒜花雞
蘭度蛋白肉崧炒飯
上湯北京餃子
雪耳燉萬壽果
美點雙輝
鮮果拼盤
講真, 如果場地好, 又有以上各樣野, 價錢就唔係呢個啦. 話曬人地比人情, 我都想人地食飯餐好D 架嘛, 唔好失禮人家
我問Royal Garden 個sales, wedding expo 會唔會有乜唔同, 佢地話多d offer 囉, 咁同佢講我都confirm booking, 叫佢幫我hold 咗大日子先, 佢draft 定份contract 比我
我地6月6日都有去wedding expo, 都有比較過其他hotel 同royal garden. 原來佢地做expo 都無special offer, 都係之前佢地第一次send 比我話送個d 野
最後個sales 幫我盡個份contract, upgrade 咗以下的野:-
1. 5磅心形鮮忌廉蛋糕或兩款小食供三十人於席前享用 à8磅心形鮮忌廉蛋糕同兩款小食供50人於席前享用 (即係100件)
2. 席前敬送每位一杯迎賓雜果賓治 à unlimited welcome punch for 3 hrs
3. 每兩席敬送精選餐酒一瓶 à one bottle of house red wine for every table
4. 每席敬送中式喜帖8張 à每席敬送中式喜帖12張
5. 自備洋酒免收開瓶費 (每席一瓶) à自備洋酒免收開瓶費(for all)
6. 免費代客泊車位四個à免費代客泊車位六個
拿, 呢d 所有都係sales 自動幫我upgrade的, 我基本上無再bargain d乜啦, 我覺得佢好好人. 有時要bargain 就無乜意思啦
呢個sales 叫Yvonne 丫. 我真係覺得佢有心囉~~
唔知晚飯食乜好, 又唔想又周圍搵, 所以決定同上次一樣, 去番煥記海鮮飯店, 去呢到食飯一定要早, 係好早個隻, 因為佢地真係超多人, 我地5:40分已經去到, 你地話係咪超早, 我地入內時已經差唔多有6成 full, 仲有係有d 人都差唔多食完了, 唔洗5 mins 就己見無枱了, 除非你係已經定咗枱啦, 唔係真係唔知點等幾耐囉, 有好多人都以為6點鐘到一定有位.. sorry.. 係已經無的, 個樓面話有人都係剛剛座, 你問我要等幾耐我就真係答唔到你地啦, 不過我自己平時食飯大約1.5 hrs 囉. 咁你留唔留名丫. 佢好似唔係多想做生意咁, 又或者咁講啦, 佢地的而且確係平同好味
我地當日不停咁食食食, 所以都唔係點咗好多野, 有special price 的榣柱蒸水蛋 ($5)
唔好以為$5 就好差, 相反一d都係唔係, 仲要係好足料, very very good!!!
西芹炒石班 ($58), 有小小油, 但鑊氣好足, 石班係新鮮貨, GOOD!!
最後來個蒸蜆 ($38), 好大碟, 好多隻, 都係有d 估唔到, 但係有1-2隻有小小沙
我覺得呢間真係一間值得推薦的食店, 好味又抵食, 如何我下次來澳門都會再試下佢其他的菜色
食飽過後我地就提早番香港了, 因為第二日仲要番工
伸延閱讀
Ha ha. 我地今次都有去永利到賭番兩手丫, 不過今次無贏到, 我地拎咗$300 出來, 話咗無曬就走. 本來我地想去新濠天, 但原來佢地6月1日先開張, 所以我地都唔知去邊到好.
想下想下, 丙丙話想去新八佰伴行下喎, 順便食下老佛爺的蛋糕, 上次我地次次去都係得番一種, 其他的都賣曬
今次呢個係blueberry cheese cake, 但我同丙丙都覺得上次個件 cheese cake 好食d, 但呢件都唔差, 一樣係咁好食
跟住我地就去咗八佰伴周圍行, 仲好無聊咁第一次同丙丙試咗最近的出的osim. 我地响香港一定唔會試, 因為唔知好似點咁, 但去到第二到玩下又無壞
無無聊聊咁周圍走咗一陣, 出面又落緊雨, 我地都唔知去邊到好, 想下想下, 不如去食番個碗仔翅 -- 添發碗仔翅美食
呢到好出名架, 好多名人都來食, 平時會大排長龍, 不過因為果時落住雨, 雖然要排隊但係都唔算多人, 等咗一陣就入得, 都算好彩. 店子好細, 座位唔多, 如果都係多人要等都要等好耐. 我地今次點咗雞絲生竹碗仔翅 ($20), 豪華碗仔翅 ($35)
普通版同豪華版原來分別不大, 係多咗一d 材料, 佢地的份量都好足, 有雞絲, 魚翅同竹笙.
食完之後我地又周圍行, 跟住就食番個early dinner, 之後就番香港了
伸延閱讀
跟完豆腐花之後就同丙丙相討去邊到食午飯, 行行下先到祥記麵家喎, 之前行過先到大排長龍, 但今日無人等位喎. 雖然我兩對蝦子麵無乜興趣, 但人人都講到咁好食, 好.. 點到要去食下先
我地今次都唔算好早丫. 12:30 渣... 同平時食 lunch 一樣, 但唔知點解無人等位, 但我地走果時係超多人响門口排隊, 所以丁丁話, 去澳門食野一定要比人早人步, 唔係你會後悔, 因為要等好耐
祥記麵家有50年了, 以竹昇麵而聞名, 佢地最出名係蝦子撈麵 ($19), 最後發現我地兩個都唔鐘意食蝦子麵的, 所以我地的評價不可以作準
反而我地兩個都鐘意呢個豬手撈麵喎 ($19), 豬手好香南乳味, 好食!!
我地仲有點咗炸雲吞 ($28), 佢地的炸鯪魚球的都出名架, 不過我地驚太熱氣所以都係點咗炸雲吞.每隻雲吞入面都有蝦的, 幾好食, 唔錯
食完之後我就陪丙丙去辦正經事了
祥記麵家
地址: 澳門福隆新街68號地下
伸延閱讀