28 April 2010

丁之手作 -- 後言

唔知仲有無blogger 記得我學過銀黏土呢, 响之前銀黏土手作仔之三到做咗隻介子, 過到今時今日都無送到比丙丙


我想講唔係呢一樣野, 而係法國名牌van cleef 個鑽介design 同我之前做果隻係一樣架, 當時我呢個手作仔丙丙話design 唔靚, 無美感, 哪! 人地而家個design 同我一樣呀, 睇下仲係咪話我無design 人份啦~




27 April 2010

買一送一的串燒 @ At Corner

本來想順住我食野的日程去寫, 但係如果我今日唔寫, 到我寫的時候呢個優惠已經完結, 就破例一次啦 (haha… 唔知會唔會有2,3,4次呢)



24 April 2010

伊藤 -- Ito San

難得丙丙來我公司附近食飯, 今次一定要用佢食好想食好耐的伊藤

呢間伊藤你都咪唔唔犀利, 午飯時間walk in 一定係無位的, 就算即日訂位都係要座bar 枱, 無法啦, 佢店子好細, 座位唔多, 之不過佢地久唔久就有即劏吞拿魚表演, 係小有食店會做到的

呢個魚生師傅雖然後生咗d, 但係制作認真



22 April 2010

Chili Club

食來食去都係老銅, 再唔係就TST, 你唔悶時我都悶啦. 未悶都發毛之前, 今次走再小小, 去到灣仔近金鐘的chili club


今次唔再食中, 西或日, 來個泰國菜吧


在超肚餓的情況之下, 仲要走一條長長的樓梯, 呢朝好丫. 咁辛苦行到上去 (其實只不過係一層) 仲唔係要叫多d


說真的, 第一次聽呢個店舖覺得佢個名都好特別, 但係你地知啦, d club club 一定會好貴架嘛, 但係呢間又唔係喎, 走大眾化.



炸蝦餅 -- $34 幾脆同香口, 唔錯



Tom Yum Kung $40 -- 好似唔多夠味, 再辛辣d 就好啦



黃咖喱 $70 -- 無乜特別, 中規中舉



豆角豬頸肉 $60 -- 未食黃咖哩前食豆角覺得好香口, 但係食完之黃咖哩之後再食就覺得好草青味... 所以有時d 野係唔可以max 起來一齊食



店內有中國人, 外國人同日籍的食客, 呢間我覺得中規中舉, 起大眾花路線, 你唔會覺得佢唔好食, 但好好食咩, 又唔係喎. 不過有時去同一間去得多, 想轉換下環境, 呢間都不失為一個好選擇


20 April 2010

Lace Punch

中毒太深, 最近成日上網買野.


呢幾日又見到呢個lance punch 做團購


但係 Will you be my bridesmaid 又做好啦, 買來又有無用呢?


心大心細中 ~~~


Picture


Picture


用法::

Picture


用途::

Picture


廣州之旅@買物篇 (UPDATED)

呢個復活節最後2日, 我同丙丙北上廣州, 其實主要唔係買結婚野, 而係咁耐我都未座過和諧號去廣州, 又無錢去旅行, 咁唯有選擇超近香港的廣州


呢個行程真係黑仔, 何解? 因為丙丙未上去前個肚已經開始唔舒服, 所以我地唔可以周圍食野. 不過佢驚我唔開心, 死鼎~~~~


我地無住各位姊妹推介的天一酒店, 不過呢間酒店都真係好方便, 我地今次住咗華廈, 其實都好方便, 又近地鐵, 仲有响藝景園對面


我下以的物品大部份都係江南大道, 我地响藝景園問過價, 其實都差唔多, 不過講真, 我覺得好百年內的手牽手價錢都叫做最平, 但有blogmate 話江南大道內有2層商場仲平, 我就無去過, 以下係我買的價錢, 相片後補


















































利是封 (正方形)


RMB2/12


兄弟姊妹利是封


RMB2.5/6


普通利是封


RMB1/6


包羅萬有利是封


RMB2


禮金利是封


RMB2


封喜帖信封用貼紙


RMB3/ (50個)


囍字剪紙


RMB1


囍字剪紙 (絨面)


RMB5 (2隻)


囍字拉花


RMB2


對聯


RMB12 (一對) (最普通果隻, 無金粉)


中式茶壺


RMB56 – 買咗全紅 (比白底紅花貴小小)


囍字紙杯


RMB3 (50)


"0"


RMB28一對 (連蕊)


紅傘


RMB13


紅拖鞋


RMB18 (2)


"0"套 ($28)



囍字剪紙 (絨面)



上左:利是封 (正方形) RMB2/12


上右:兄弟姊妹利是封RMB2.5/6


下:普通利是封 RMB1/6



17 April 2010

麵創坊

隱蔽的食店, 响英皇道轉入基利路, 因為唔係大街的關係, 所以小為人知. 早前見食評唔錯, 所以就走進此店.



15 April 2010

Will you be my bridesmaid之BB班製作

丙丙同屋企人都話我無做小手作的天份, 其實呢一點我都好明白, 老實說, 鐘意唔等如做得好同有creative, 我就係呢一種人. 家姐話我細個時d勞作都係佢幫我手做. 我一路做佢就一路話都唔明點解要做, 一定唔好睇, 但我真係好想用心做呢份手作仔比我的姊妹喎


早咗3月頭已經去咗paper art 到買咗材料, 但係唔太得閒做, 仲有都係幾難做下, 所以要去到4月頭先做好


Paper art 的紙品雖然係貴咗D, 但真係好靚喎



等我介紹下先, 所有野都係用rubber cement 貼咗出來, 咁個背面先會平滑, 咁先唔會有膠水印



腰間除咗有絲帶之外, 仲有一粒大約尾甲咁細立體rose (係丙丙親手摺架)



之前見有blogmate cut 字, 以為好容易, 但係10級難丫, 真係好易cut 斷, 仲有轉彎都好難cut, 所以花咗好多時間响呢到, 真係粒粒皆辛苦



信封的紙係响中南到買的, 呢個搵咗好耐都唔合心, 但最終都比我搵咗珍珠金, 但其實我想要珍珠桃紅



背面用咗有牙交剪做咗個花邊



最後多謝小歌, Kitty, Elaine, Carmen 同我家姐答應出席呢個姐妹團


14 April 2010

又估你唔到喎@一番

每次經過蘭芳道呢間一番日本料理, 只看門面以為佢好貴, 因為係一d 好傳統的日式料理, 終有一日上openrice 到search, 出乎意料之外, 午市定食好抵食喎, 仲要一至好評, 咁當然要來試下啦



11 April 2010

新婚情報@1st Trial

還記得我早前响wedding expo 好衝動之下join 咗新婚情報嗎? 尋日就第一次試衫


我大大話話都唔知試咗幾多年, 因為我同丙丙個樣都好young, 所以太成熟的我地唔會要. Katie 知我地心意, 一早選擇咗d young look 比我地.


首先係選紅色敬酒, 自己本身好鐘意紅色旗袍, 不過因為係blue lable 要加錢,所以都係放棄了, 取而代之係紅色金線, 佢地話親金器好睇D 喎


EG 我選咗深綠色有孔雀個件, 但係都驚燈光唔足夠時會睇唔清楚


另一件EG 我要咗金色小花, 都幾grand 架, 而另一件係紫紅色通花. 有水晶


本來我地只有3件EG, 但係4件中唔知out 邊件, 所以佢話幫我keep 曬4件先... 都係超好人


好啦, 到WG, 我鐘情於好grand, 超多水晶個d, 老實說, 佢比咗件blue lable 我真係好靚, 不過我真的不想在這兒花太多金錢, 所以都係唔加錢了, 但其次個件又比人keep 咗, 因為佢未選衫, 所以跟本唔知有無, 唯有要咗第3 至愛啦, 之不過我都有d worry, 佢比我試果d wg 都幾舊下, 仲有小小dirty, 雖然佢話有新, 但如果無咁點算呢?


Lazy 的我連褂都响佢到JOIN, 但係佢只係拎咗2件比我, 一件係小五福, 而另一件係帶紅多d, 最後當然要小五福啦, 不過sister 話佢好舊, 到時再轉衫先算啦


超超超lazy 的我地又响佢到join 男禮, 仲唔記得upgrade 去red label, 普通果d 連丙丙平時的西裝都不如... 但係我地無帶裇衫去, 所以遲d 先再揀, 要乜好呢?? 真係要睇下


我估我地得閒要去下婚紗展, 睇下佢有乜新衫, 我覺得佢唔係拎咗好多件比我試, WG得個5件.. 太小了, 真係要睇清楚自己鐘意d 乜.


 


8 April 2010

Finger Cross 婚禮拍攝 & pre-wedding photo

老朋友的老公--Owen Law 最近自己開咗公司幫人地拍攝 per-wedding 同 big day photo, 其實佢都好好多好多年緍禮拍攝的經驗, 而家終於開設自己公司, 我都真係好為佢高興


學海無涯, 不進則退, 佢都好深深明白呢個道理, 所以早前佢跟CM 上咗 workshop, 學習唔同拍攝的手法,  再加上自己的個人風格, 拍攝出每一張獨特的相片


仲有佢已經加入咗WPHK, 拍攝技術得到大師的肯定同認同.





 

有興趣的朋友可以值接聯絡佢, 佢web site 仲有好多結婚當日的相, 大家可以compare 同考慮下.

 


 

7 April 2010

台北半美食之旅 -- Day 5

苦惱咗4日的早餐, 今次唔想再四周去搵, 所以早一日响微風超市到買咗粟米片加奶, 你地睇, 一盒有齊曬2樣野, 幾方便, 點解香港唔出呢? 丙丙就要咗極品限定的朱古力.

本來打算响酒店附近買手抓餅做早餐, 但係唔知當日係咪放假的關係, 所以以全部都無開門做生意, 最後唯有去隔離間酒店到買咗三文治

4 April 2010

MDW design 相簿篇 (Updated)

今日去咗MDW到睇design 相簿, 之前睇過好多網友都話佢地的design 好唔得, 今次終於我都領會到了


我地有3個景點, total 買咗63張相, 個designer 都唔知係乜野design 來架, 佢真係順影的次序, 將同一景點group 一齊 , 一張可以有5張相, 連我呢個一d 都唔識design 的人都覺得超唔掂丫, 呢d 都叫design 咩


我地去到時Kathy 未得閒, 叫我地mark 底有邊張覺得唔ok, 睇下要改d 乜, 老實說, 差唔多16頁的3張係ok, 因為有1張係full page 出, 跟本唔洗改.


Kathy 真係好了解客人的心理 (可能連佢自己一睇都覺得唔多掂), 由第一張起話5張太多, 要分開2張.. 跟住個tone 唔好, 因為火車博物館係懷舊feel, 所以唔可太colourful, 要用多d 沉色的tone, 相的次序都幫我轉... 真係仲pro 過佢地的designer 丫~~~


最後出咗來係18頁相, 得2頁係唔洗改. 呢次真係要超多謝kathy, 佢會拎 d 辦出來話咁改好唔好, 咁改又點呢? 唔係佢我地都真係只識話唔靚, 但點改就真係六神無主.


Kathy 話大約2個星期後會改好, 到時再通知我, 希望今次可以唔洗再點改啦.


不過原來softcopy 係design 過的相, 唔係原本影個d 相, 如果design相做得太多改colour 同退色, 咁就要softcopy 就無乜用啦, 佢話要番原本影果個softcopy 係要當2張計.


2個星期後先再同大家分享, 再一次多謝我地的consultant -- Kathy


(註: 今日打咗去MDW 到問, 原來做咗退色, 轉色, effect 效果, 大相 or 入框細相都會有同樣的effect, 所以我再睇相時會問佢拎番之前未做effect的相, 大家都知啦, 如果大相都做咗effect, 有時會好奇怪的, 所以要多加留意)


3 April 2010

台北半美食之旅 -- Day 4 (Part III)

食完high tea 之後, 我地就行下sogo, 無無聊聊之下又走去微風廣場. 呢到真係左睇睇, 右睇睇, 真係要花上幾多時間. 台隆手創館有好多新奇得意的野, 仲有係Kinokuniya, 佢賣的書有部份誠品書店係無的.


微風超市賣的食品真係有好多野賣, 見到呢d 北海道帝王蟹真係好想食丫~~~



wah~~~ 台北呢個地方都係好唔同, 納豆都有咁多, 差d 以為自己响日本丫~~



呢到唔單止有日本野買, 連法國藍帶茶葉都有丫



wow.. 咁多日都無食過雪糕, 聽講十勝的紅豆好出名喎, 今次要試下先



好香好味喎, 唔會太甜, 今之無選錯呀!!



Le Creuset 被譽為廚房中的LV, 而Dean & Deluca 就為超市中的LV, 本來我以為好太, 但原來係好細, 好似7-11 咁大, 之不過佢賣的東西好特別, 真係好多都未見過



食得太多野了, 無可能再食正餐, 再者我地仲有飯後甜品, 所以只係同丙丙响food court 到買咗呢個韓式料理, 估佢唔到又唔錯喎...



今次一次過試咗2種唔同的cake, 分別為Maison Kayser 同 Dean & Deluca, 雖然Maison Kayser 的莓果cake 賣相好以靚d,但係味道就同Dean & Deluca差好遠了, Maison Kayser 的莓果太酸了, 仲有餅底太硬. Dean & Deluca 的芒果好香cheese cake 好滑, 唔好以為佢真係賣相差, 只不過係我地拎開餅紙先攪到佢成咁



伸延閱讀


台北半美食之旅 -- Day 4 (Part II)