我的Pre-Wedding 花球

首先我做多謝RON在百忙之中都抽時間幫我做呢個花球

起初我好擔心同玫瑰會唔會太鮮色, 會唔靚, 問咗幾個朋友都覺得玫瑰好, 所以最終都選擇咗用玫瑰, 出來真係好靚丫, 果然無選錯, 我同丙丙都好鐘意丫

希望Ron 有多d時間幫我地呢d 新娘子做又正又靚的手作仔啦, 真係越睇越鐘意.

My new hair style

每次去到salon, 所有style 都問我有無染髮.. 講緊係染黑髮.. 唔係colour

大家都知set 頭一定要有colour 先會靚, 下個星期五就會影pre-wedding photo 啦, 所以今日終於去咗做high-light. 我自己本身好滿意架, 但係丙丙一見到就話隻色唔出唔, 影相未必影到

咁點算好呢, 係咪一定要染淺-中啡呢, 但係呢隻colour 唔襯我喎, 宜家點算好呢, 無理由再染過架, 定係由得佢呢?

苦惱中~~~

最近真係好黑仔丫, 做樣樣野都唔順利

沖繩料理 @ Chura ちゅら

仲記得我之前講過呢間沖繩料理嗎?(上回沖繩料理) 無論裝修同食物, 都有好高都水準. 曾幾何時, 我都介紹過同事去呢間店舖的食, 佢話比我知呢到原來有lunch set 的, e.. 比dinner 平好多喎, 唔理咁多, 一於去食番餐先

佢地的醬油都好特別... 不過唔識日文唔知係乜東東

實在太太太太過份了~~

早前我已經响blog 到見到好多jm 話尖沙咀有間做姊妹裙close 咗, 未close 之前佢地又話無貨比, 攪到叫警察來, 但警察一走, 佢地態度超差, 前幾日睇news, 見到連東方都有post 呢一單新聞, 呢d 店主真係無良心, 新娘子搵得你地好多都因為價錢, 手工等因質, 仲有係大多數人都唔會話太早做姊妹裙, 如果真係趕住著真係比佢玩死, 錢係一個問題, 但係呢响咁高興的日子入面有一件咁唔開心的事發生, 實在太過份了.

 

好多時攪結婚d 野都會用上一年的時間, 如果期間有任何店舖結業, 真係唔知點算, 希望有良心的店主為我地呢一班新娘子想想, 你地明知結業仲discount 希望可以吸引多d 人地光顧, 實無過份得太緊要了

 

【本報訊】尖沙咀一間專營伴娘及姊妹裙的服飾公司，以「減價」吸引一批準新人及姊妹預訂禮服及繳付訂金後，疑本月中突然停業，一批未能取得禮服的苦主未能聯絡店主及職員取回訂金，感到徬徨無助，更被迫臨時更換禮服公司，有苦主誓言向消委會投訴及追究到底。

位於尖沙咀百利商業中心的曜鋒服飾公司，本月十七日突然在門外貼上「東主有事！連休七天！」的停業告示，但至今仍未恢復營業，不少苦主昨陸續到店舖了解事件，多個討論區亦有網民怒斥曜鋒為黑店，付費後遲遲無貨交，經常有顧客向曜鋒追討貨品或要求退訂。

曜鋒月中突然在門口貼上「東主有事！連休七天！」的告示，至今仍未復業。

有苦主已向曜鋒付款近二千元購買了五條「姊妹裙」，費用恐怕已「凍過水」。

 

結婚都無裙攞

不願透露姓名的準新娘表示，她與一眾姊妹訂購了七條姊妹裙，其中五條已經全數付費，合共近二千元，恐怕難以追討，她將會於十二月結婚，惟有另覓禮服公司，「朋友介紹我哋嚟，當時舖頭做特價，要我哋全數畀晒錢先，其實根本係藉口，專登氹我哋畀晒錢但無貨交，存心呃人，我哋一定會向消委會投訴！」

附近的店主表示，曜鋒未關門前已有數十人要求取貨，均不得要領，亦未能退款，每日至少有三、四人報警求助，「有客第二日結婚都無裙攞，佢哋出事前好似已經無交兩個月租，收晒啲客錢但又唔畀錢做裙啲廠。」

奇味小廚 -- 真係咁奇味??

公司有一位成日同我講奇味小廚點好食, 佢屋企一個月總有幾日响呢到開餐, 又平又抵食咁話, 佢响我面前大大話話都講咗成年啦, 又話呢個老闆好犀利架, 响佢附近開的店舖都會估下佢地幾時會關門, 講到好似好好咁, 唔食過真係唔知有幾好食, 所以決定同丙丙2人去呢間到試下係咪真係傳說中咁好食先

响得呢d 咁平的街坊店舖, 裝修當然係無啦, 佢係分開2個唔同的店舖, 舊店太陳舊了, 所以只可以去新店, 但係... 都唔見得好好多, 我地所座的位置無乜冷氣, 在一分熱的情況之下食咗呢一餐. 佢地的碗碟都不是有清潔... 呢一點足以令我未食先扣

我地今次點咗呢到的推介食品 -- 奇味小炒皇 ($55) 同黃金西施豆腐 ($45)

呢個奇味小炒皇用上蝦, 魚, 腰果, 西芹, 青椒等材料烹調, 但係佢地海鮮一d 都唔新鮮, 我perfer 佢無好過有了.

Pre-Wedding Shoe - Belle

之前一篇文章提及我訂造的結婚鞋有錯, 所以要再改, 其實我睇過d blogmate 去影婚紗相好容日易攪到對鞋dirty 曬, 所以都不時搵下有無合心, 眾裡尋他, 尋日終於搵到一對銀色尖頭高跟鞋

其實 Staccato 都見過有銀色, HSBC 仲有discount, 但係佢係圓頭鞋, no good!!

呢對著上身都幾閃架, 夠高, 又靚, 唔多想了, 即買, 之後會用來襯EG.

My Wedding Shoes -- DYOS (氣!!)

之前訂造的結婚鞋, 仲有2 日都deadline 有得拎, 但係呢d 野通常都係早到, 所以今日就打去問下, 佢的答案係剛剛番到... 係咪真係剛剛丫, 定係番咗唔得閒通知我?? Anyway, 今日放工一終去拎啦

點知... 出事了

1. 首先係造錯咗鞋爭, 我要係銀色, 佢比咗布包果d 比我, 好似係同另外一對攪錯咗

2. 佢的閃扣show 出來個d 係好閃架, 但係我個對d 閃石邊有d 黑色.. no good

3. 佢係open toes 的, 但係佢前頭做得短咗d, 腳趾長過對鞋好多

最後要重頭再做過, 算啦, 我發覺好似好易dirty 咁, 因為我見另一對有d 黑黑地

所以最終可能買過另一對都未定..

法式牛扒屋 II

原來對上一次我同丙丙來呢到食都差不多一年了, 呢一間的而且確係一間有水準的餐廳, 丙丙好多時都會來呢到食lunch, 連一向都唔太鐘意食西餐的人都覺得呢到好, 大家好想言之的確係唔差呢

小歌大日子@20091018

同小歌都識咗好多年, 以前一齊做野, 一齊座車番工, 時間真係過得好快, 記得識佢果時佢都仲未拍拖, 轉眼間由拍拖到結婚, 真係有好多感觸, 尤其是見佢成長片段, 一幕一幕都記錄著佢地對識的經過, 唔知點解我次次睇呢到野都眼有淚光.

枱面都好多野喎。。　唔知係小歌自己安排定係姊妹做架呢(不過我估都係姊妹多d 啦...佢咁lazy)

呢對杯好靚丫.. 好有心思... 唔知係邊個送架呢?

小歌最愛都公仔. 响呢個場合佢都出現

呢個係真係似佢地丫.. esp 對大眼仔

眼見其他table stand都係小歌親手design (可能係佢唯一為呢個wedding 做的一個手作仔, 但係點解我張枱轉咗做呢個架???) 連相都無得比我影

佢好叻丫, 無乜點講野, 都無cry 到, 比我就唔得架啦~~~

就係咁.. 小歌今日就做咗黃太了~~~恭喜曬!!!

終於攪好搬屋

經過連日來執野, 經於尋日搬好曬d 野了, 而家暫住個到都幾好, 租金包水, 電, 煤, 上網等, 都叫做唔洗煩, 唔係真係呢幾個月唔洗上網了

我發現原來自己鐘情於有陽光入屋的單位, 而家租果到係向北, 景觀係靚, 但係全年都無陽光入屋, 好似唔知點咁... 丙丙話你唔洗怕, 第日我地間係由朝到晚都有陽光, 東南西... wu... 到時又唔知會唔會熱死了

本來我想load 宜家間屋的圖上來, 不過load 唔到喎, 係上網問題定係yahoo 問題呢?最終我係用咗其他方法去upload d 相

3D Design software

無時間寫blog, 出下呢d我自己覺得有用的link, 一來remind 下自己, 2 來睇下有無blogger 有用

呢個係一個3D Design software, 聽講話好易用, 不過我就未試過, 想或打算裝修的朋友可以試下, 用完話比我知係咪真係容易用

http://www.sweethome3d.eu/index.jsp

Q 版公仔圖

呢個web 都幾得意, 等我有時間都做番個Q版公仔先

http://www.myotee.com/start.html

Pre-Wedding 事宜

今個月頭訂造咗對鞋來影pre-wedding, 但後來我睇番blogmate d comment, 有好多時去影的地方係草地, 咁會攪到對鞋dirty 曬, 我想呢對係big date 果時著的, 咁我洗唔洗再買過一對cheap cheap 的for 影相呢, 如果我訂造果對dirty, 我一定超心痛呢?

仲有係洗唔洗買番對白波鞋呢? 但我又唔想影相果時影到對波鞋喎.. 超唔鐘意

Prewedding check list:-

1.       鞋 (高跟鞋 / 波鞋)

2.       花球

3.       Girdle

4.       打底褲

5.       收腰褲

6.       蚊貼, 蚊怕水

7.       lotion

8.       梳

9.       Gel

10.   水 (多支, for drink & 洗腳)

11.   毛巾

12.   消毒葯水 (for 帶earring 前用)

13.   落妝水

14.   男禮恤衫

15.   黑鞋, 白鞋

16.   皮帶

17.   餅干

18.   飲管

19.  黑, 白襪

20.   防走光貼

21.   Con

22. 眼葯水

23.   相機

24.   鑽戒

25.   so髱

26.   乾濕粉撲

27.       ??

仲有乜野要帶呢??

家居裝修

我的新居未裝修之前, 宜家同爸爸媽媽一齊住果間屋無啦啦要裝修, 一想起我就頭都痛.

首先係搵地方搬, 好好彩, 無啦啦比我地發現到同一住樓下某一單位搬出, 佢地會放租比人長住, 本來佢地都唔想租比我地, 但係最終都比我傾掂番來, 但問題係佢只可以租我今年年尾比我地,因為佢地想油下間屋响新年前租出去. 我又唔想租其他座數, 雖然有人搬野, 但係我地咁多年都無裝修過, 所以太太太太多野了, 根本我地連pack 野的地方都唔足夠, 所以好多時pack pack 下野都要搬緊d 落樓下.

我地搵咗裝修公司, 但仲未confirm 細節, 希望快d confirm 等佢地快d 開工

星期五、六同日都好努力咁响全屋總動員pack 野, 但係唔知點解, pack 來pack 去仲有咁多野仲未pack, 我target 係今個星期五叫人來搬屋, 即係話FRI 前要pack 好曬d 野, 唔知得唔得呢?? 呢幾日真係辛苦曬papa 同mama 啦~~

希望快d 攪掂就好lu, 唔係死都唔得掂

p.s. 佢地包咗我地上網, 希望到時有時間update 下個blog 啦~~

食在北京樓

上海菜, 京菜, 廣東菜都係my favour. 突然發覺好似咁耐以來都無同丙丙來過北京樓食晚飯, 難得丙丙過來接我放工, 咁就一於光顧公司附近的北京樓啦

忙!忙!忙!

我不得不用超忙來形容自己, 年中因為攪結婚d 野同買樓, 果時已經以為自己超忙. 因為工作的關係, 唔可以唔再進修, 不進則退, 所以由9月份開始去上番d professional 的course, 一星期番幾晚. 平時星期六同日都要响屋企上online course.

但係未完, 最近屋企話要裝修, 我响呢到都住咗10幾年, 大家可想言之有幾多野, 因為係大裝的關係, 所以又要pick 野, 又要搵樓搬, 都係攪到我頭都大曬

希望搬屋的事宜快d settle, 咁我先可以專心上我的堂同應付12月的考試

仲有係呢段時間可能唔可以成日見到丙丙, 仲有係未必有時間寫blog 了

Free Monogram Design

早前睇咗 Mrs. Chik Chik 個 blog 話4marry 有免費幫新人design wedding logo. 我早前都想自己design 一個monogram 比自己, 但係宜家發現有人幫你design, 咁當然係搵人整啦, 至於係咪真係用呢? um, 到最後先決定, 因為都要睇下design 出來係點先

玩的方法好簡單, 响facebook add 咗佢地, 仲有要响自己個web 到推介一下佢地有呢個service.

的而且確佢地呢個free wedding logo 係好值得推介, 除咗monogram 之外, 佢地仲有其他service,有興趣的朋友可以睇下佢地的 website.

為結婚而 DIY 手作

我知有好多人都會為結婚而 DIY d 手作仔

上網search 到呢d 有關花球同Corsage 的 DIY info. 大家有興趣就睇下啦

DIY Wedding Flower

 

DIY Wedding Corsages

首嚐冬菇亭@新翠金滿棧

早前我同丙丙去咗禾輋陳根記大排檔, 今次我地首次去咗冬菇亭, 大排檔同冬菇亭的分別, 其實我都唔係太知, 只係知道現今的冬菇亭已經唔再以前, 係已經有冷氣架啦

我地今次選擇咗位於新翠村的冬菇亭, 話時話, 我都係第一次來呢到, 當真冷氣開放, 同我想樣中有好大差別, 但食物質數又如何呢? 又幾好味喎

我到今次點咗肉碎蠔仔粥 (細),椒鹽九吐魚&豆腐薺菜.

Real Clothes

我都唔係好記得幾時睇過你個劇了 -- 真我霓裳 SP, 我睇佢原因係有靚衫, 大家都知日本d 衫係好靚的, 但係又貴喎, 所以好多時我都係得個"睇" 字

故事講關於係本來唔注重外表的香里奈, 一向都覺得只需要內在美, 但係真係大錯特錯

其實內外都係好重要的, 我印象最深刻係其中一句說話 "這世上沒有醜的女人,只有懶的女人", 講得真係好丫

你個造型你地又鐘意邊一個多d 呢??

雖然呢個劇好似穿Prada的惡魔, 不過我自己就好鐘意睇, 唔多講了, 未睇過的朋友定要睇下.

講咗咁耐, 其實我想講係估唔到下季會有 Real Cloth 喎, 好期待呢~~

 

最愛飲茶地方之一@鳳城酒家

雖然呢到我唔係成日來, 但係我其中至愛飲茶地方之一

上湯炸粉果係呢到招牌菜之一, 無論午市或晚市都有得供應, 唔係好多地方有得食架.