午餐抵食之選@伊呂波

今次我同丙丙第一次來呢間食店, 佢係位於好多日本餐廳的渣甸中心. 今次我係第二次同丙丙食日本燒肉, 記得第一次係去盛八的晚市, 雖然係好食, 出門口唔會好似韓燒咁有一陣陣的燒肉味, 但係晚市的價錢比較貴, 我見响openrice 到好多人都稱讚伊呂波的午市定食, 所以一於同丙丙去會一會呢間食店

UPSET~~

上個星期五, 我打去各大旅行社到問青島package, 佢地間間都話未出4月個package price, 我問佢地大約會响幾時出呢. 佢地答最快都要本個星期五或者過多2個星期

因為我一早睇過去青島每日得一班機, 如果想復活節期間去的話, 附加費要$750 per person, 咁我地打算早2日出發, 即係8號, 因為9號開始就要加價了

今日我發現原來package 已經出咗, 打去問之際佢同我講話無曬機位了.....

佢話可以試下後補睇下有無位...

唉~~~ 唔通我呢個青島之旅會胎死腹中

開心, 擔心!!

丙丙最近好努力去為我做一d野.. 雖然响過去的周未我地都有一齊去睇, 但係都係一知半解.丙丙話呢個係佢要做嘅野喎. 唔比我參與, 所以晚晚都上網搜集資料, 分辦好同唔好…E.. 我有點擔心佢會比人騙呢~~~

好味又抵食@住家菜

住家菜係我同丙丙成日會食的一間中菜廳, 原因係佢係帝國中心有分店, 好近丙丙公司, 所以好多時平日食飯都會去果到

今日我地轉咗地點, 去咗利舞台果個, 無來一排, 原來佢後面果間餐廳已經結業, 佢打通咗2個舖位, 地方大咗, 等候時間雙對都快咗

喜愛呢間食店主要原因係佢標榜不油不膩, 仲要無味精, 好有屋企 feel

是次我地點咗:
♦ 麵豉斑塊煲 - 斑塊算不上好新鮮, 但都可以
♦ 腐乳雞- 幾好味, 我屋企好小整, 幾好味喎
♦ 土魷蒸肉餅 - 都好好味, 但係始終無媽媽煮的咁好味

婚紗展 - Part II

個show 真係好好睇, d model 又靚女, 唔怪之有咁多龍友啦, 丙丙話我成日掛住影女, 咩喎, 我都有影下d婚紗, 好多件都好靚, 嘿嘿, 如果去到選婚紗影相, 都唔知選邊件先好啦!!

婚紗展 - Part I

上個星期日我同丙丙第一次去婚紗展, 其實我地係想去睇下酒席, 影相, 計下budget 要幾多錢, 原來結婚 + 買樓, 真係要好多好多好多錢, 睇來我地要努力儲錢先得

由於我地一早上網登記咗, 所以入場唔洗錢.

我地一入到去就比台灣d影婚紗相公司拉住, 又呢樣又果樣, 差d唔比我地走, 又話我當你係朋友先係呢個價, 你仲有乜問題丫, 問題係我地第一次來, 乜idea 又無, 之前又無上網做定功課, 又乜都唔知. 仲係其實我地都係睇下, 仲未想影婚紗相住, 攪咗好耐, 先可以比我地走

跟住我地去睇酒席, 都宜家, 我地都未決定到攏酒店定酒樓, 酒店好似好貴咁, 但酒樓又無合心, 因為酒店同酒樓的價錢相距都好大, 所以都係要想清楚睇下要儲幾多錢先得

行行下, 又係時間婚妙show 了, haha, 最終我變咗龍友了, 最衰係無帶大機, 唔係會影得好靚

稻香漁港 – 又平又好食

寫完情人節, 我又想寫番我同丙丙星期五發生都事, 話說丙丙一早想定咗想去APM 到食泰國菜, 佢話果間幾平又幾好食, 我兩放工如是者就去咗到, 當天有min charge 喎, 我地心想,又唔係情人節, 攪乜鬼會有min charge架, 仲要百幾元一位, 雖然呢個價錢我地都應該食到, 但食唔食到係一件事, 佢有min charge 又係一件事, 我覺得宜家市道都唔算太好啦, 佢地仲乜仲搵個pre- valentine’s day 喎, 就係咁, 又本來想去的餐廳最後決定唔去

我都有好一陣子無來過APM 了, 我記得以前有間白木屋, 本來我地係想去果間到食, 但係點知已經結業, 取而代之係一間打邊爐的店子, 門口不小人排隊等待入座, 但呢間唔係我杯茶, 跟住丙丙就話想去九龍灣睇下乜野做.. 又就係咁, 我地就去咗九龍灣了

一出MTR 就見到個稻香廣告, 我地從來都未去過稻香食晚飯, 之前都有想過去, 但外於太多人等位所以我地最終都係放棄, 今次我地去到只係要等3張枱, 咪以為3張枱唔洗等好耐, 原來佢地2人枱都有得book 位, 每叫3張booking 枱先入一張walk-in 枱, 門口真係超多人呢, 個個都話book 咗枱都要等, 咁又等幾耐丫?! 最後我地等咗大半個鐘先有得入座. 平時我我一定會放棄唔等, 但因為今次我見到佢門口有個廣告 “蝦蝦大笑” – 即係白焯蝦只需要$8一斤, 半斤$4都係好半.

今次我地點咗白焯蝦一斤 ($8), 金蒜聖子($98), 苦瓜炒排骨

首先係白焯蝦上場, 好新鮮, 都算好大隻, 但我一眼看就知一定無一斤, 平時我同丙丙間唔中都會買下野煮下飯仔, 白焯蝦係我地喜好之一, 因為簡單容易.

聖子共有4隻, 都算幾大隻下, 好新鮮, 但有點兒over-cook

最後係苦瓜炒排骨, 無乜特別~~, 不形容也吧!!

呢餐真係幾便宜呢, 順帶一提, 如果有compass visa 或 DBS, 星期一至四仲有88折添!!

ღ情人節晚餐ღ 留園雅叙

留園雅敍係其中一間我最喜愛的上海菜, 城中不小名人都會去呢間食店到進餐, 記得上回就見到任志光, 所以水準一定有番咁上下.

餐廳的設計有別於一般的上海菜館, 長長的吧枱供應著各色各樣的酒(紅酒, 日本酒, 中國酒等), 較為西化自然

响情人節當晚, 我同丙丙決定再會這間餐廳

是晚我地點咗宮保雞丁 ($80). 因為小妹喉嚨有點不適, 細心的店長幫我地改為小辣, 上菜時仲問我地辣度可唔可以.. 會唔會太辣

味道的確唔錯, 如果再辣一點兒會更好, 腰果比較淋身,唔夠脆.

跟著我地點咗金衣肉蟹 ($300), 點菜時店員同我地講呢個好好味, 一定要食. 其實我地都知, 上次食完之後對呢個菜念念不忘. 响網上睇到話呢到係做金衣肉蟹的始祖, 正確與否, 下回要問問店員印證一下
見so good的節目我先知金衣肉蟹要肉上多隻蛋黃才可以做出呢個效果, wow~~食完呢餐又唔知會肥幾多呢, 唔理啦, 食完先算啦

$300 一隻蟹你可能話比較貴, 同橋底辣蟹相比, 無貴可言, 大大隻的蟹貨真貴實, 蟹身也洗刷得乾乾淨淨, 大量的蟹膏真叫人愛不適手

ღ情人節午餐ღ 灘萬●港島香格里拉 - Part II

上回講到丙丙食的懷石料理, 今回講下我點呢個 "紫" 懷石 ($390), 對比二月份懷石, 我呢個真的比下去了, 無論賣相同份量. 單是前菜, 二月份懷石就有3様小食, 而呢個"紫"就只得一樣

前菜用上菠菜, 味帶木魚香

跟住來個蟹子沙津, 我覺得無乜特別, 但係個金色的碗好靚

跟著壽司上場, 附上大量新鮮山葵, 本人覺得刺身同飯之間已加上山葵, 如果再加, 就會去鮮味. 可知新鮮的山葵是不便宜的, 真的有點覺得浪費

所有壽司都好新鮮, 但又未驚人都感覺

呢個蒸蛋做得好出色, 嫩滑得來又一D都唔浠, 上次湖舟到個果個帶點淆但都好出色, 但食完呢個之後, 我覺得湖舟已經比下去了, 濃濃的蛋香入面非常香的冬菇.

海老天婦羅烏冬, 初時我以為炸天婦羅同烏冬會分開上, 我最討厭佢地一齊上, 會令到天婦羅都麵衣淋曬. 用上稻庭烏冬,好滑. 蝦也新鮮, 但兩者加起來我就不太喜歡了

最後來個甜品作為今餐的總結, 甜品用上不同的生果, 最特別係同上梨子, 好香好甜

服務方面我覺得店員都算禮貌細心, 但我覺得作為一家五星的酒店可以做得更好, 出菜時無留事客人進食的進度, 又忽略响客人介紹每一道菜式.

懷石料理講求精緻, 無論餐具還是食物的擺放都要求很高, 被視為視覺藝術, 量少精緻, 口味清淡保持原味, 今日一試果然名不虛傳, 希望張來會到日本品嚐更加正宗的懷石料理