十級忙

忙到我自己都唔知點來形容

25 號睇咗相... 3月先有得睇版, 4月先有得拎.. 過程係點.. 遲d 話比大家知

尋日終於屋企裝完修搬番上去了, 搬屋真係11級煩, 而家pack 野同un-pack d 野攪到雙腳好痛

聽日我會去台灣旅行, 唔怕話比大家知. 今次係我第一次去台灣, 不過之前又考試, 又呢樣果樣, 所以無時間plan 行程

唔講太多了, 太多野想寫, 但太小時間, 希望快d settle down 曬d 野等我有時間寫番我d 未寫的blog 啦~

又一大戶屋食記

真係唔記得呢次係第幾次去大戶屋品嚐了, 本來呢一篇都唔想出blog, 原因係用手機影得一d 都唔靚. 但係今次同以往有d 唔同, 就係我想介紹佢地的期間限定的鰻魚盒子飯

同以住一樣, 點咗我最愛的炸豬扒定食, 我覺得豬扒好似無以前咁好食, 不過論價錢來講水準已經卓卓有餘

估唔到世上仲有好人

上星期六, 因為我好趕要去洗牙, 無時間拎錢, 就叫丙丙幫我去櫃員機到拎錢, 佢因為驚我要等佢好耐, 所以連錢都未拎就走咗

到下午佢先發現拎咗張card 但未拎錢, 佢已經第一時間打去card center 話唔記得拎錢, card center 話要做咗clearing 先知有無

尋日card center 打比佢話條數對到, 無錢多, 咁就係拎唔番啦... ... (我話比番丙丙但佢唔要, 點都因為我叫佢去拎錢先無咗, 所以果心一直都好唔安樂

今日, 佢收到銀行電話, 話有人拎番去銀行. 失而覆得, 真係估唔到丫

宜家香港好小會有呢d 人架啦, 仲特登拎番去銀行, 雖然我唔知佢係邊個, 但係我真係好想好想响呢到多謝佢

好心有好報!

跑馬地食記@大少爺+和櫻屋

之前响各大報章到睇到呢間位於跑馬地的海南雞飯, 又好味又好食, 一值苦無機會. 平時又點會開跑馬地先得架, 要去真係要特登去先得.

二話不說, 先來一客海南雞飯, 亞姐問我地要唔要脾, 當然要啦, 原來係要加錢的

飯唔太油, 雞都幾滑, 但無乜雞味, 比起泰妃雞, 實在相差太遠, 等我仲一心老遠來呢到食.

金山海鮮酒家

其實我同丙丙都知到佐敦有好多好野食, 但係當然要用心去搵啦, 呢一餐地點係由丙丙發板, 佢有真係做功課, 上咗openrice seach, 真係唔野小

心裏心裏有個迷

其實我想問下大家會唔會去莎x同卓x到買化妝品呢?

自問我自己就唔會了?? 點解? 仲記得當年讀書時, 去咗莎x到買咗支香水, 佢sample 比我聞係無問題架喎. 但係買咗番去開咗閒咗唔同味. 所以自此之後都我無再同佢地買呢d野. 但係我又唔係一d 野都唔買, 我會買下日本果d洗頭水, 仲有係暖包咁囉. 好似都無買過其他野了.

我記得以前有小篇報導話佢地係賣過期 / 差唔多到期的貨品, 但唔知係咪真, 但吸取之前的教訓, 我都係perfer 比多小小錢去counter 買好過了

記得有一次一個國內朋友來香港, 佢問我點解呢d 店舖差唔多所有人都係國內人. 點解無乜本地人去買架呢? 你地唔到呢d 地方買架? 點解呢? 我當時心想, 無理由話我覺得佢地賣的貨有問題, 所以我最後只係答, 因為counter 可以慢慢試, 仲有sample 送, 呢d 地方無囉

講咗咁耐, 其實我想講, 我地响香港唔會入呢d 地方買野, 點解去到日本同台灣等地方又唔去counter 買, 要去葯房呢? 大家都知葯房係比counter 平好多, 但係大家真的唔怕佢地都係賣差唔多到期都貨品咩?

呢個問題一值都响我心內, 希望大家可以話我知點解大家唔咗香港呢d 葯店到買野. 但去到其他地方又去呢?

靚靚頭飾 @安室奈美惠

靚靚的安室, 佢個頭花好靚丫, 用呢d 來做 big day 頭飾大家覺得點呢? 

 

All the day breakfast@ The Flying Pan

講咗好耐好耐好耐 (耐到都係差唔多有幾年了) 話想去呢間餐廳到食個 english breakfast, 但係都無的起心肝, 終於... 某某星期六同丙丙一齊去呢到食brunch.

呢間係24小時營業, 無論任何時候, 賣的野都係一樣, 入到去外國人多過本地人, 可能係中環的原故吧

我的床上用品

今次响sogo 同一田的大減價中, 我平時都以為一田d 野會平d, 但其實今次發現唔係架, 一來sogo card 有additional discount, 二來又唔洗排咁耐喎

今次响sogo 到買咗呢一set Sheridan, 原價$2470, discount 後$988 (sogo card 仲有additional 5% discount)

仲有响一田買咗呢個新出的 after discount -- $1,065

今次買唔到紅色床單, 睇下幾時有discount 再買.

望下望下, 突然發現, 呢2個pattern 都幾似下..

再戰天喜 (己結業)

某某星期六同丙丙食完午飯, 到夜晚都唔肚餓, 但係如果唔食小小野, 到11點肚餓上來都唔知點好, 所以我地決定都係食日本野, 細份d 適合我倆

本來想去試下恒和鑽石大廈的其他店舖, 但係都唔知選邊間好, 所以最終...我地去番天喜, 一來有信心d, 2來想試下佢地夜市的食物水準

先來個前菜.. um.. 我都唔太識形容, 味道ok 啦, 無乜special.

北海道蟹棒沙律 ($52), 好好味丫, 北海道蟹棒同其他蟹棒味道果然係唔同d, 仲有蟹籽都好鮮味

串燒係我的至愛.. 呢到的牛舌厚切都不算便宜 ($58) 但係味道的確唔錯, 仲因有厚度咬落去先好味

雞翼塩燒 ($48) -- 果皮燒得好脆, d 肉咬落仲有肉汁 good!!

我聽到呢到的老闆同其他食客的說話, 果來呢間同備長都係同一老闆, 唔怪之佢地的串燒咁有水準啦

最後來個超飽肚的東西, 就係軟殼蟹加州卷 ($78) -- 大家都知食牛油果有幾飽肚架啦, 所以食呢個係必飽的,  但係我地點咗呢個之後等咗好耐先有, 在問咗幾次之下差點我地要cancel order 之際佢先來到, 軟殼蟹我估都係新鮮炸的, 點解用"我估". 因為我食的時候已經係凍冰冰了.. 唔知係咪師傅唔得閒定係乜呢?

總括來講, 雖然係美味, 但係價錢比起午市實在差太遠, 為咗節省金錢, 都係午市夠為適合我呢~~

My wedding shoe -- DYOS

早前响dyos 到訂造咗對鞋, 終於有得拎了 (其實都拎咗幾個星期, 不過宜家先有時間post 番出來)

唔知點解, 响呢間屋企影出來的相永遠係唔合心意, 希望屋企快d 裝完裝等我再影多次

Dinner buffet@Marriott Cafe

丙丙話我咁辛苦影pre-wedding + 減肥, 為咗為勞下我, 決定同我食飯餐buffet 喎. (之不過其實我都從來無減過肥 ) 不過唔理啦, 佢話去食飯餐好咁當然去食啦

JW Marriott 的 buffet 一直都大受好評, 但係我就從來未去過, 今次好其待呢一餐, 所以丙丙早幾過星期就book 定位, 唔知呢一餐同Yamm 有無大分別呢??

先講冷盆 -- 壽司得以下三種, 種類唔算太多, 刺身也不是我今次的target, 只得北寄貝, 三文魚等

蟹子沙津好好味, 出乎我意料之外

沙律吧有好多種選擇, 仲有2種唔同的煙三文魚, 但係味道對比之下比Yamm 差好遠.

跟住到主角出場啦!!佢地分別係加菲蟹, 龍蝦仔同波士頓龍蝦. 老實說, 大家對佢地的蟹同龍蝦都一致好評, 但係唔知係咪我當日的水準比較差, 加菲蟹無鮮味, 波士頓龍蝦比龍蝦你好一點, 但都不算好鮮甜, 仲有去到8點已經只得龍蝦仔.

早前問過店員lunch buffet 同dinner buffet 有什麼分別, 他問告之分別在於龍蝦, 但lunch buffet 只係26x 而dinner buffet 係43x, 咁我覺得lunch 會worth d, 而且龍蝦跟本唔太好食

對相之下蝦反而鮮甜, 值得推介

青口都係鮮甜, 而長腳蟹就只得鹹味而沒有鮮味, 仲有Yamm 所有長腳蟹都已經開咗邊, 好容易就食得, 而佢就仲要慢慢剪開

熱葷都有好多選擇, 例如佢地最出名的花膠, 的而且確係幾好味. 但係食多2件就超飽肚.

佢地無蒸全條魚, 但就有呢d 一件件的班片

仲有最估唔到的係平平凡的意粉, 我反而覺得好香好好味喎

至於牛扒, so far so good, 無特別驚喜

佢地的甜品選擇都有很多, 係回本必食之一. 仲有Haagen-Dazs ice-cream, 但我覺得Haagen 太甜啦, 但喜歡食的朋友, 佢地有4種選擇

總括來講, 呢餐buffet 的好失望 (可能我見好多好評而期望過高吧) 我覺得Yamm 好食過JW 好多, 但係有好多人都話Yamm 差咗好多, 唔知係咪真? 見openrice 佢地的負評比起JW 多好多. 但JW我都覺得物非所值... 咁Yamm 咪

講真, 如果以lunch 來計, 我覺得JW 的確係一個好選擇. dinner 呢? 我個人覺得好一般.

(P.S. HSBC 白金card 有8折, 加一以原價計)

Sogo Sales -- 買!!買!!買!!

半年一度的 sogo sales 已經開始咗一半啦, 今次我sogo sales 又大出血啦, 由宜家開始真係要慳 d 洗

Shu uemura 的 foundation 真係好抵丫, 我都幫小歌買咗一set, foundation + base + cleaning + lip gloss 都係 $280. 雖然得 foundation 係 original size, 其他都係細細支, 不過都好抵.

最近天氣好乾, 聽人講 LANEIGE 呢支water sleeping pack 幾好用, 見平又有discount 所以買來用下, 用咗幾日無乜特別 ($160)

唔知係咪睇得日劇同日本magazine 多, 越來越鐘意呢d 有pattern 的絲襪, 平時都幾貴架, 但係宜家做緊8折. 所以買咗2對

仲有仲有, 買咗幾件衫, 本來想响AR / October 22 到買件褸架, 但睇唔合心.

除咗以上之外, 我仲買咗個電飯煲比kitty 佢新居入伙, 平時都無咁多discount, 佢入伙真係合時, 我又慳番d

今個月抵一田仲有大減價, 到時我會為新居買番d 床單. 到時再報告啦!!

買!!買!!買!!

最近買咗好多野, 洗咗好多錢, 呢d 都係上個月買架啦, 宜家先得閒update 番

呢個相架我覺得好靚丫. 周邊圍住咗好多水晶, 好閃. 打算第日放結緍相 (唔知點解比我影到好似一d 都唔靚咁, 下個月有時間要去努力學習影相先得)

因為影相同big date 的開係, 所以同丙丙買咗呢對白色皮鞋, 我地搵咗好耐先有漆皮+ 尖頭, 丙丙著開d 貴鞋所以佢覺得手工好差, 不過好彩pre-wedding 著過隻腳都無痛.

本來要$450 架, 但我問佢有無得平, 佢話比現金就$420 啦.. (yeah! 又save 咗錢)

尖咀平食中菜@妹記

早前花帶歌同班姊妹好咗"妹記" 食飯, 突然想去由佢地响街市時我話想試, 試到宜家都仲未試到. 見花帶歌食過又唔差, 所以去完影相就去咗呢到食飯. 佢只係同MDW 隔2間店舖, 所以十分方便, 唔洗拎住d 野走來走去

有乜野好食, 唔洗周圍睇架啦, 好大個board 寫好有乜出名同價錢, 一場來到我地當然點佢地的名菜啦

Pre-wedding day @MDW

2009年11月6日 (晴)

明天今日就係我地的大日字, 為咗紀念呢日, 所以我地都選擇咗一年前的今天去影結婚相. 當日真係天公做美, 天晴, 間中有雲, 微風

為咗今次的pre-wedding, 事前真係做咗好多野, 例如去染髮, 修甲, 修眉, 買gridle, nubra, 安瓶等等...其實仲有好多準備功夫做得唔好, 不過都唔緊要啦, 最緊要係開心

因為入秋的關係, 而我地最後一個景點係影日落, 所以要3點幾出發, 最靚的日落要有15mins, 所以要好好把握時間, 就係咁, 我地原先個schedule 都要提早, 8點正要去到mdw 到花妝, 所以我5點幾差唔多6點要起身, 之後後final checking 睇下有無野帶漏, 跟住約丙丙一齊去食早餐

原來TST 好多茶餐廳都唔係咁早開, 本來我地打算去味皇, 但未開門, 跟住我地走番轉頭, 好彩我地有足夠的時間, 時過早餐後我地就去mdw 了

我地早咗10mins 到達, 突然發現唔記得問mua 個手提, 如果佢唔記得咗轉時間咁點算, 又或者佢遲到又點算呢 (因為我地見過之前有blogmate 個mua 遲到咗好耐架). 在我地擔心之際, 我地mua -- May 已經到達了

因為我final fitting 時有件衫要再改, 所以我地try 咗先再上妝, 佢話我地都試開衫, 不如一定過換等一件衫 (好多時都係化完妝先換, 所以記得著開胸衫

May 真係好pro, 我唔洗講佢就知我想要d乜, 乜野style 襯我, 我都好放心咁交曬比佢決定. (雖然好多人事前都會想定要set d 乜野頭, 點化法, 但我今次無, 因為我自己覺得一個pro 的mua 其實一睇就要乜野style 襯你, 適合你, 唔洗多說, 由她自由發揮仲會有驚喜)

我化完妝之後就到丙丙啦, 我地大家都唔記得原來佢都有得化妝, 就係咁佢獻出咗佢的第一次了

呢個mua 真係好快手, 大約1半鐘就幫我地set 好比頭同化妝. 下面呢件係我去火車博物館著的. 大家覺得點呢? 佢右邊有個小蝴蝶架, 清清地我好鐘意

我地有帶相機, 但係跟本都無時間影相, 去到火車博物館就即影, 我地多數都係2人相, 好小影單人相, 又抝腰, 又要伸長個頸, 又要個頭唔可以太高, 又唔可以太低, 抝腰又只係條腰, 上半身係要向前, 亞b 真係要求好高, 我地初時都handle 唔到, 咁佢同助手matthew 就做一次比我地睇, 我地睇番d playback, 唔知係咪大家都未溝通過同未ready, 我覺得比之下的景點影得無咁好

我地影影下真係有幼稚園的小朋友去site visit 丫. 好彩d miss 都好識做, 見我地影緊相就叫小朋友唔好走過去, 真係唔該曬, 天真的小朋友見到我仲話我靚女tim

話咁快就去第2個地方, 濕地公園啦, 呢個造型係我3個之中最鐘意的一個, 但係佢地係响個地方影得唔係太多相, 只係响橋同室內.

話說我地响橋到影相時阻住佢地過跟, 佢地一不做, 二不休, 拎起佢地的相機同我影相, 唔知第日有無機會响佢地的facebook 見到我d 相呢. 影完室內我地走咗出去濕地公園外的斜波, 呢到係太好陽光啦, 攪我個流曬汗, 亞B 仲要我又跑又跳, 你都咪話唔辛苦, 因為又要齊喎, 唔係就要再retake

3點幾我地就要起行去第3個景點, 因為日落最靚的時間係得15mins, 所以我地要好好把握. 第一次去白泥, 响呢到影日落真係好靚, 但亞B 話唔係好多時可以影到靚日落, 佢話今日天氣好, 應該無問題. 真係so good 啦

白泥原來係一個泥地來的, 好彩我無因為今次影相而買對白色波鞋, 唔係就total loss 啦. haha.. 每去到一個地方都比人讚靚, 真係好開心呢!!

呢次影相雖然係有d 辛苦, 但係好開心呢~~~

我仲記得亞B 當日同提點我地的說話:-

1. 拗腰丫..唔係老公拗.. 只係腰拗, 上半身唔拗,

2. 頸伸長小小... 宜家over 咗啦.. 頭過番d.. 唔係有頸紋架啦

3. 老公拖住老婆, 唔係老婆拖老公

4. 老公合咗眼啦, 再來過

5. 响左邊.. 跟我做..

 

明年今日

仲有一年就係我地的大日子了, 由開始講話結婚直至宜家, 時間好似過得好快咁, 我估呢一年會好忙

今日我地去影咗pre-wedding, 遲d 先講番個情況

 

 

仲有一日

明天就係去影pre-wedding 啦, 開始好緊張, 因為好似好多野都未prepare 好

尋日去咗MDW到 final fitting,原來得一件衫係著到gridle, 其他都唔得, 我宜家考慮洗唔洗買nu bra, 會唔會太遲呢?

最近天氣好乾, 好擔心上唔到妝, 雖然由Tue 開始日日都用mask (我之前一直都無用架... 係一懶鬼一名), 雖然用咗, 但都擔心, 小歌介紹我用一支叫安瓶的物體 (我之前聽都未聽過) 上網search 之下發先Queen Mary 係最好的, 所以尋日特登去咗旺角到買, 佢上網都有寫幾錢, 去到搵咗好耐, 原來係格仔舖, 佢宜家仲做緊discount, 原價$65, 現售$60

今日番工, 見到北角官小有notice 話聽日係佢地秋季旅行, 去的地方係北潭涌, lucky 我無choice 呢個地方, 但係濕地公園會唔會有人去旅行呢, 咁會好麻煩架喎, choice地點果時無想得太清楚.

今日請咗半仲假, 做乜, 咪就係去做法甲同睇下有乜未買囉. 做法甲呢樣野都係用事叫我做的, 佢話做咗比多樣野比佢影囉, 唔做佢地咪唔影, 咁又係, 咁一於做啦.

宜家好早日落丫, 本來聽日係schedule 咗9:00 到mdw 化妝, 但係因為要就日落, 所以所有schedule 都要提前, 我要8:00去到丫.. oh!!! my god!! 仲早過我平日番工.

今日好似唔見咗個太陽, 仲有好多雲, 唔該比番個太陽我丫!!

天喜磯味酒處 (己結業)

相信如果鐘意食日本菜的朋友, 必曾光顧鑽石恆和大廈, 早前睇兼六家個blog, 發現到呢間新開的日本菜館 (其實都唔叫新開了, 佢地係响8月開張的). 眼見兼六家一連幾次去呢間店舖到品嚐, 係咪真係咁好食呢?? 真係要食過先知

因為我地無訂枱的關係, 所以只可以座bar 枱, 但係咁仲好, 可以親眼睇到師父即席制作

我地點咗 3 in 1 set ($130) : 三色丼 (海膽, 三文魚子, 帆立貝) ; 牛肉薄燒同烏冬

先來漬物 -- 自覺好浪費, 好多時都無食

我的Pre-Wedding 花球

首先我做多謝RON在百忙之中都抽時間幫我做呢個花球

起初我好擔心同玫瑰會唔會太鮮色, 會唔靚, 問咗幾個朋友都覺得玫瑰好, 所以最終都選擇咗用玫瑰, 出來真係好靚丫, 果然無選錯, 我同丙丙都好鐘意丫

希望Ron 有多d時間幫我地呢d 新娘子做又正又靚的手作仔啦, 真係越睇越鐘意.