丙丙最近好勤力 (平時無架), 成日上esdlife 到睇呢樣睇果樣, 我地大家都覺得11月係最理想影pre-wedding 的日字, 佢上網見到人地都book 曬11月了, 所以成日都問我想影邊間
其實記得我第一次去婚紗展的時候, 我覺得CDL 好靚丫, 因為佢地d衫都好靚, 仲有佢地的外景園林, 但係睇得多咗, 發覺個個响果到影都係同一個pose
至於蒙羅麗莎同法國婚紗我一開始就唔係好鐘意, 可能我覺得佢地的婚紗唔係好靚, 所以無乜好感
上星期六去婚紗展時, 我同丙丙第一次去睇唔係style 的pre-wedding photo, 我地睇咗zara bride, 佢都幾平下, d style 我同丙丙都幾鐘意, 但係就無咗我最想要的水晶教堂景囉. 今日上網睇zara 原來係新開的, 佢地租衫的服務態度好差囉, 所以佢地幾平都好, 都係唔會考慮了, 唔想比咗錢又影得唔開心, 一肚氣咪死
今日我地去咗my dream wedding, 佢地同蒙羅麗莎&法國係同一集團, 但係style 就好唔同, 我地見佢影d 相出來的效果同zara 都差唔多, 响esdlife 都一至好評, 雖然比起 zara 貴好多, at least 佢地比人讚, 但係又無咗我最想要的水晶教堂囉, 仲有影外景同室內的衫好唔同, 所以都仲考慮當中 (會唔會有機會影2輯呢??)
佢地咗婚紗展係有外地拍攝的, 我都幾鐘意星加坡的外景, 但係咁樣會洗大咗好多, 我地之後仲要買樓同傢俬, 但我又真係好鐘意喎!!!
好苦惱丫
其實隱陣d當然係去羅浮宮etc....,但係你想開心同特別,一係去外地影, 但係有fd係台灣照,d feel 都係麻麻地, 可能影出來又唔係你心所想...最重要係你想預幾多錢係影相lee 方面...
ReplyDelete[版主回覆06/15/2009 09:17:00]台灣我完全無興趣.. not my cup of tea
HA 仲要預到時揀相會唔會OVER BUDGET呀~
ReplyDelete[版主回覆06/15/2009 09:27:00]係啦.. 不過佢地送$4k cash coupon. 仲有已包40張相..可以去3個地方, 所以我估唔會over 太多
如果影海外就一定會.. 所以多數都係唔會去了
你男朋友好好..會自動自覺上esd度幫手search下...我果個就唔會勒...... 我覺得你最好search多d人地影左果d相黎睇下果個feel岩唔岩你...你睇婚紗展擺出黎d相實係最靚最好架啦..所以果d相根本唔可以深入咁作參考的. 我都係book左上年11月影相..諗住又唔熱又唔涷..天氣又好好..不過我千揀萬揀都揀左日落大雨....要重影....
ReplyDelete[版主回覆06/15/2009 15:06:00]haha.. 平時佢乜都唔會做架.. 去邊到食飯.. 食乜都係叫我自己上網睇邊間好食, 又時又話呢間唔好, 果間唔好, 自己又乜都唔做喎.
但唔知點解今次佢又真係幾勤力咁search d info.. 唔知會唔會3分鐘熱度, 跟住又乜都唔理
我都有上網睇過丫.. 都好鐘意.. 所以決定今晚會去book
11月都落雨.. 我 big day 都係11月喎, 希望到時唔好落雨啦
我希望pre-wedding photo 响 6/11.. 因為一年後果日係我地big day.. 希望可以啦~~
CDL 都唔錯架
ReplyDelete[版主回覆06/16/2009 00:06:00]我都知.. 但我最後都係join 咗MDW