購買洗衣機要注意事項

上回講咗煤氣爐, 今次又想講下洗衣機, 雖然我唔係好深入咁研究, 但係發現有d 野係要主意的

今日今日, 我估大家都會買前置式的, 先唔講牌子, 因為真係唔知邊隻好, Whirlpool好似都好多人用, 但金章聽講又話幾好咁, 所以都係遲d 先算

買洗衣機有乜要注意:-

1.      出產地
2.      轉數
3.      洗衣量
4.      洗衣程序
5.      快速洗衣
6.      能源
7.      有得飛頂

轉數同洗衣量都好depends 個人喜好. 我自己就鐘意8公斤, 800轉以上

我發覺好多歐洲筒入面個軸先. 大家都知個筒係不鏽鋼, 但係由歐洲出產的品牌, 個軸係膠而非不鏽鋼. 咁有乜唔好處呢? Sales 話如果拉鏈整花咗個軸, 咁可能會整花其他衫, 呢個可能牲好大.

仲要要留意個軸係尖定係平, 因為Panasonic 新出黑色個部係尖尖地的, sales 話尖的話推衫無咁好, 咁洗衫都無咁乾淨

機筒內的背板都好重要, 因為有d 背板原來無排水孔的

開問清楚有幾多洗衣程序, 過幾多次衫. 過多幾次就乾淨d, 不過都要留意番時間, 如果過多幾次又用多咗時間, 咁會花多d 電

買洗衣機唔同雪柜, 佢地的能源label 唔係分1級2級, 仲有係無全年用電量, 可能係因為depends 你用幾多次, 所以計唔到出來. 佢地的等級係分A grade 的, 第一個A 係能源, 而第2個A 係潔淨度. 我記得西門子好似有A+能源, 之不過我又唔太鐘意西門子

仲有係2合一乾衣洗衣機, 香港天氣越來越濕, 咁有乾衣function 當然係好d 啦, 但我又怕多一樣function 易壞d 喎.

唔知大家有無好介紹呢?