呢間伊藤你都咪唔唔犀利, 午飯時間walk in 一定係無位的, 就算即日訂位都係要座bar 枱, 無法啦, 佢店子好細, 座位唔多, 之不過佢地久唔久就有即劏吞拿魚表演, 係小有食店會做到的
呢個魚生師傅雖然後生咗d, 但係制作認真
午飯時間, 不可以飲酒, 唔係一定叫杯來飲
呢d 漬物我每次都係唔會食的, 不知味道如何
前菜係蘿蔔+豬肉, 雖然感覺有點像平時媽媽的煲湯肉, 但係就好鮮甜的豬肉, 加上清清的蘿蔔, 好味
茶碗蒸好滑, 內有雞肉, 冬菇, 魚申同銀杏, 做得唔錯.
呢到的魚生好出名, 所以第一次來食必點魚生啦, 是次點咗四色丼 $220 (呢個四色丼係可自己選擇喜歡的魚生, 我地點咗 chopped tuna belly, yellowtail, urchin, scallop)
我之前都講過呢個有久唔久有即劏吞拿魚, 所以又點小得鮪四色丼 ($320), 雖然我覺得以午飯來講係好貴, 但係唔試過又唔甘心.
呢個賣相係咪好靚呢? 加咗枝花成個丼都唔同曬
Zoom 近d比大家睇清楚d, 中toro, 赤身, 蔥toro, 醬油浸鮪. 佢的份量真係唔野小啦, 因為所有野都係厚切.
中拖羅足充滿油份, 好香,好好味
醬油浸鮪係經過灸燒, 雖然我不大喜歡灸燒過的食物, 但係佢地燒完之後唔會好鞋.
蔥拖羅係即製, 呢個加飯一起食係好好味. 就算係蔥toro, 佢都係好香吞拿魚味, 唔會用下價貨色
赤身本以為係普通, 但佢比起中拖羅沒有油膩的感覺, 而且魚味十足
超飽的一餐, 再來一個芒果味的甜品.
食過咁多間午市魚生飯, 呢間數係最高水準的一間, 但價錢也是最貴的一間呢, 不過我覺得呢個價錢食到咁高質數的食物, 也是值得的.
相當吸引，好想試，但地點太遠了
ReplyDelete[版主回覆04/26/2010 14:02:00]的確係幾好食, 有機會都去試下啦
嘩~ D魚生好吸引者....可惜我而家少少都唔食得 :(
ReplyDelete[版主回覆04/27/2010 13:24:00]係丫.. 再睇番都覺得好吸引丫... 你而家當然唔可以食啦, 第2時咪食得囉
$320 一個 lunch 既飯.... 唔捨得食, 睇下好了
ReplyDelete[版主回覆05/02/2010 01:15:00]我都係第一次咁豪, 一次半次無所謂啦~~~
單睇海膽就知魚生是多麼 fresh
ReplyDelete這些高消費的刺身店始終吃 lunch 會好一點，因為 dinner 實在太貴了 所以對於我 $320 可品嚐高檔 sashimi 並不算貴 !!
[版主回覆05/05/2010 09:04:00]係丫, 我只會响呢d 地方食 lunch, 感覺化算一點
海膽好正咁喎.
ReplyDelete[版主回覆05/06/2010 09:12:00]係好好味呀, 响hk 呢間都算好有水準, 不過食完超飽