今日去咗MDW到睇design 相簿, 之前睇過好多網友都話佢地的design 好唔得, 今次終於我都領會到了
我地有3個景點, total 買咗63張相, 個designer 都唔知係乜野design 來架, 佢真係順影的次序, 將同一景點group 一齊 
, 一張可以有5張相, 連我呢個一d 都唔識design 的人都覺得超唔掂丫, 呢d 都叫design 咩
我地去到時Kathy 未得閒, 叫我地mark 底有邊張覺得唔ok, 睇下要改d 乜, 老實說, 差唔多16頁的3張係ok, 因為有1張係full page 出, 跟本唔洗改.
Kathy 真係好了解客人的心理 (可能連佢自己一睇都覺得唔多掂), 由第一張起話5張太多, 要分開2張.. 跟住個tone 唔好, 因為火車博物館係懷舊feel, 所以唔可太colourful, 要用多d 沉色的tone, 相的次序都幫我轉... 真係仲pro 過佢地的designer 丫~~~
最後出咗來係18頁相, 得2頁係唔洗改. 呢次真係要超多謝kathy, 佢會拎 d 辦出來話咁改好唔好, 咁改又點呢? 唔係佢我地都真係只識話唔靚, 但點改就真係六神無主.
Kathy 話大約2個星期後會改好, 到時再通知我, 希望今次可以唔洗再點改啦.
不過原來softcopy 係design 過的相, 唔係原本影個d 相, 如果design相做得太多改colour 同退色, 咁就要softcopy 就無乜用啦, 佢話要番原本影果個softcopy 係要當2張計.
2個星期後先再同大家分享, 再一次多謝我地的consultant -- Kathy
(註: 今日打咗去MDW 到問, 原來做咗退色, 轉色, effect 效果, 大相 or 入框細相都會有同樣的effect, 所以我再睇相時會問佢拎番之前未做effect的相, 大家都知啦, 如果大相都做咗effect, 有時會好奇怪的, 所以要多加留意)
HELLO, 你好呀! 我今個月尾都去MDW影相呀, 聽到你地話D設計好唔得我都好擔心, 因為我都係對設計一D CONCEPT都無呀...死喇....我仲覺得我個CONSULT麻麻地經驗, 仲大獲~
ReplyDelete[版主回覆04/03/2010 23:38:00]咁你又唔洗太worry, 其實我初初都覺得kathy 傻下傻下, 試完衫又唔話比我知可以send 番d 試衫相比我. 但到咗呢一刻, 我不能唔讚下佢
多謝你回覆呀! 月尾影我而家都開始緊張喇! 哈! 希望你下次出黎排版效果滿意唔洗再修改啦~
ReplyDelete[版主回覆04/04/2010 19:04:00]hope so.. 不過要想清楚自己係咪鐘意咁改, 因為我仲有時間, 所以要再改都無問題, 最緊要係靚.
你big day 係幾時丫
我BD係今年12月呀!
ReplyDelete[版主回覆04/07/2010 09:42:00]咁你要push 下佢地快d 揀相同design 啦, 唔係有時改下改下又要幾個月
其實間間婚紗鋪都既 美編 都好煩......要有耐性比佢地做野law....有時真係冇計架....(過來人之說 )...不過你地仲有時間就好d~
ReplyDelete[版主回覆04/07/2010 09:42:00]係啦, 真係好煩, 仲要係我對呢家野乜都唔識
不過好彩都仲有時間
真係煩,俾完錢仲要同佢睇,好似同佢打工咁....
ReplyDelete[版主回覆04/08/2010 08:57:00]e.. 都無法啦, 又係喎.. 而十家比曬錢, 佢對你點都得, 不過佢地都算好盡責
原來你都要改咁多呀?希望你地下次睇到design OK啦! 我地就仲要繼續改,就黎改到不如我自己design埋比佢地跟住做啦,哈哈!
ReplyDelete[版主回覆04/08/2010 08:58:00]係丫係丫, 我而家擔心改完之後大相會唔會有問題, 如果相簿做咗退色, 大相照跟咁一定唔靚, 不過仲有時間.
唉…已經比晒錢！仲要跟手呢樣果樣，煩死！
ReplyDelete[版主回覆04/08/2010 08:59:00]咪係囉... 不過有得跟好過無得跟, 一陣比曬錢佢話乜都做唔到咪仲死.
噢…唔記得講，MDW隻DVD係唔洗加錢嫁！
ReplyDelete[版主回覆04/09/2010 08:55:00]我知.. 你指係相的softcopy 丫嘛. 不過太奇怪, 未改完就比你
係囉…我都覺得好奇怪！
ReplyDelete我想睇返未做effect前既相,佢地reject我~
ReplyDelete[版主回覆04/09/2010 23:27:00]吓reject?? 唔係嘛, 咁點記得佢點改, 改過乜喎...