苦惱咗4日的早餐, 今次唔想再四周去搵, 所以早一日响微風超市到買咗粟米片加奶, 你地睇, 一盒有齊曬2樣野, 幾方便, 點解香港唔出呢? 丙丙就要咗極品限定的朱古力.
本來打算响酒店附近買手抓餅做早餐, 但係唔知當日係咪放假的關係, 所以以全部都無開門做生意, 最後唯有去隔離間酒店到買咗三文治
最後一日, 我地無乜景點, 去咗仲未去的國父紀念館, 都係叫做行下, 都無乜特別
因為要去三越買amo cake 做手信, 所以我地由國父紀念館站行去市政店, 中途經過傳說中的Hyatt Hotel… 睇完之後你話唔係for 果味野我都真係唔信丫.
去到三越, 又點可以錯過呢間paul 麵飽店呢? 佢地係用上法國小麥, 响上海同日本都有啦… 幾時來香港開分店丫?
買咗太多野, 番酒店放抵手信再去食lunch, 本來想考下一間日本燒肉, 但係行咗幾幾次都無開門 , 原來只係開夜晚, 最終走咗去呢間Mo-Mo-Paradise食日式火鍋, 好似我地平時食的火鍋咁, 有幾種湯底選擇, 牛有3種唔同部位選擇, 而菜就有好多種, 不過重點係佢會寫明食乜對身體有乜好處. 呢餐都幾好啦, 唔好成日都要求太高.
去到機場又係買手信時間, 其實都係得一間維格, 仲有係要做退稅, 呢到好stupid, 要樣様野睇過先可退稅, 所以唔好9秒9將行李寄倉, 唔係就無得退稅
雖然只係食完野幾個鐘, 但小妹真係唔好鐘意機上的食物, 或者頭等/business 會好食好多, 但係我呢d 經濟人, 當然座番經濟客位啦. 過關後食咗唯一一間食店, 話明唯一囉, 即係幾貴都要食架啦, 一碗牛肉麵+一支可樂 – 差唔多HK$100. 唔怪飲D 人食完都唔想走啦, 座番夠本丫
5日4夜的台灣之旅終於寫完.. 仲有無數的食記未寫, 真係要加把競先得啦
伸延閱讀
Hyatt 相無左既, 果然夠靈異
ReplyDelete[版主回覆04/11/2010 11:31:00]估唔到你對呢家野有興趣喎