台北半美食之旅 -- Day 3 (Part I)

09年12月31日(Thursday) 雨

2009年的最後一日, 又係落雨, 仲要係細大個隻.

今日第一站係去總統府, 我強烈介紹大家必去呢個去方. 點解?! 陣間先講. 去總統府座捷運, 一係响西門町落車, 一係响台北車站落車, 睇地圖佢係响二個車站的中間, 但其實我地去程由西門町, 回程行去台北車站, 感覺台北車站好像近一點兒

响西間町行咗好耐, 可能係我地唔識搵的關係, 大部份店舖都未開門, 最後比我地搵到呢間, 都OK 多人, 好吧, 就試下你呢間Latte Coffee. 間口好有聖誕的氣氛

有乜食? 大家睇下個menu 就知架啦, 我發覺台灣同日本都有點像, 食完的食物要自己清理 (不過可能係香港先唔自己清理呢)

丙丙本來想點酥皮起士火腿三明治, 不過我話一大清早食酥皮, 太油啦, 所以最終佢點咗法式北歐三明治, 但唔知點解, 落單又落左酥皮起士火腿三明治 (唔記得影)

我就點咗美式玉米磨菇蛋捲, 你都咪話, 一樣係超油... 仲有味道.. 真係好so so. 我做我,整都好味過佢, 好後悔無加錢食酒店早餐, 攪到日日都苦惱食乜.

一間好古舊的建築物-- 臺灣銀行, 正正對著總統府

天色好差, 又落住大雨, 所以影得好差 (其實仲有自己技術問題), 佢地只可以門外拍攝, 入內係唔可以拍攝的.

總統府的開放時間係Mon-Fri 9:00-11:30

http://www.president.gov.tw/1_openvisit/subject-01.html

我覺得真係好值得參觀, 佢地有唔同國語, 英語同日文的導遊帶你入內講解台灣的歷史, 呢住建築物的特別之處, 日本的人深謀遠慮等.

我去時只知入內參觀, 唔知有人講解, 呢到大約都花咗個多鐘頭, 所以我當日得行程全部over run 曬, 所以大家要預一個早上.

本來的行程係早上去完忠烈祠先食lunch, 但係我地去完總統府都差唔多中午了, 所以就不如食lunch 先, 要不然佢地就close

除夕當日當然係要食好啦.. 我地响捷運民權西路站下車, 經過好多婚紗公司...

非常台北, 薇薇新娘, 無次婚紗展我都好怕佢地的熱情.

行咗好耐, 終於我地地要食lunch 的地方了... 好唔好食? 有幾好食, 下回再講!

伸延閱讀

台北半美食之旅 -- Day 2 (Part IV)

台北半美食之旅 -- Day 3 (Part II)