台北半美食之旅 -- Day 3 (Part II)

上回講到响民權西路站下車, 除咗緍紗街之外,其他都係比較舊的建築物, 真係一啲都唔似有高級日本食店喎, 直行轉彎再轉彎再, 終於到了, 成條街都係佢的食店 -- 三井日式料理, 之不過真係佢其周圍的環境有點格格不入

未入門口, 見咁多私家車停拍咗店前, 仲有不停有的士接戴乖客, 立即信心大增, 一定係好野先咁多人來架啦

全場滿座, 無訂位的我唯有痴痴地等, 不過都唔知要等幾耐, 因為所有入內的食容都有訂枱, 無得食但見到啲蟹, 真係好想食落口丫. 佢地座與座之間相隔唔係好多, 但係所有食容好都豪... 點解咁講, 因為好多人叫蟹鍋, 但係壽司食唔曬就走人.

等咗一陣, 店員話要去隔離店, 菜單都是一樣, 但係就要座BAR 枱, 無法啦, 邊個叫我地唔訂枱喎. 呢間的格調更加高級.

我地點咗一個set "上方美饌" NTD1,600 真係一點也不便宜. 就當今餐係除夕大餐啦

跟住我地再點咗油鮪魚馬糞海膽鮭卵蓋飯 NTD700. 2樣野都係share 來食, 好彩點一份set 渣, 因為跟本我地差d 都食唔曬.

先來一杯溫暖的綠茶, 我喜愛佢地的杯子, 餐具美唔美都好影響食客的食慾

先來海膽, 味道鮮甜, 後面白色果d唔知係乜東東

蝦比較普通, 但係粟米超甜同好咁, 所有蔬菜都好新鮮

再來刺身... um 我覺得好一般貨色 (當時即刻好懷信去日本食所食到的魚生)

燒牛肉

味道都唔錯, 好淋身, 本時食到的係直接燒, 今次係放响樹葉上燒

佢地的爐都好特別架, 你地睇好精細架.

;

雖然唔係全隻北海道鱈場蟹, 但係食一part 佢地的蟹已感滿足. 唔知今年會唔會去北海道呢? 會唔會食到鱈場蟹呢, 睇來我地要加陪努力儲 $$

睇時千期唔好肚餓, 唔係見到仲餓.....

串燒味道一般而已

好大隻的蚌, 好鮮加上蔔白蓉, 好好味

麵豉湯都係非一般的麵豉湯, 見唔見面上比較油呢, 原因係用咗魚去煮

以上係一個set, 係咪睇到都好飽呢, 我地share 來食就差唔多, 但係見d 人每人一個都唔知點食, 係我地細食定係人地大食呢

呢個就係油鮪魚馬糞海膽鮭卵蓋飯 , 馬糞海膽味道都ok, 但比起我地上次去京板神果時食個d 差好遠喎~~~

好啦, 到最後的飯後甜品了, 係紅豆沙. 食完飯佢地會轉過另一杯熱茶比你, 呢個令我覺得好窩心.

Website: Click Here

伸延閱讀

台北半美食之旅 -- Day 3 (Part I)

台北半美食之旅 -- Day 3 (Part III)