深圳建材之旅 -- 丹桂軒

响深圳食飯除咗陶源酒家之外丹桂軒乃為第二至愛之選. 位於羅湖商業城, 食完飯即過關, 所以店內大多是香港人.

現今在國內消費, 唔好以為一定會好平, 呢個想法大錯特錯, 好多時有水準的酒樓, 佢地的價錢同香港差不遠, 但以呢個價錢, 論環境, 服務同食物質數, 國內會優勝小小 (如果佢地都有設立非吸煙區, 咁就更加好了)

好多時同丙丙一齊, 成日都想點多d 野, 但得開心d , 但係個肚係好公道的, 唔係話你想食幾多就幾多, 所以往往我地要拎走d 食物, 呢一餐就係一個好例子了

丙丙的屋企好小煲湯, 所以我地點咗紅蘿蔔嚮縲豬展湯, 清清地, 好足料, 好飲 (放心啦, 煲湯呢家野好easy, 你第日會成日有得飲架啦… 出去飲太貴了)

跟住係北京填鴨二食, 二食比起只係一食抵好多, 雖然一食我地都食唔曬, 所以拎番屋企囉.. 佢地d 填鴨好好食, 唔會太肥, 太油, 皮好脆, 除咗填鴨唔可以加之外, 其他青瓜果d 食完係可以加的

我地點二食其中一個原因係因為佢有d 菜, 响香港大多數都會係生菜包, 但呢到除咗生菜之外仲有包, 都幾特別, 不過我個人都係比較鐘意生菜多d

呢間丹桂軒真係無論乜野時間都好多人, 所以唔想等位, 真係要超早去食, 不過可以慢慢食, 食完仲有個免費甜品