2009關西賞櫻之旅 - Day 1 (Part I)

由於無機位的關係, 我同丙丙第一次參加旅行團, 今次我地參加咗縱橫遊的 "大阪和歌山溫環球城超值5天團"

行程

Day 1 :: 香港 ✈ -> 名古屋中部國際空港 ->名古屋 <榮>地下街 -> Royal Park Inn

Day 2 :: 京都 -> 清水寺 -> 嵐山 -> 渡月橋 -> -> 平安神宮 -> 大阪難波 -> 梅田Osaka New Hankyu

Day 3 :: (自由活動) 大阪城 -> 梅田 -> 神戶 -> 北野異人館 -> Dinner -> 神戶港

Day 4 :: 和歌山 -> 梅干館 -> 漁獲市場 -> 千疊敷 -> 三段壁展望台 -> 橋杭岩 -> 串本浦島Harbour溫泉酒店

Day 5 :: 關西Factory Outlet -> ✈ 香港

-+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -

4月5日(Sunday) ☀
今次我地係座CX536 10:30機, 但係8:30 就要去到機場集合, 由於唔算太早的關係, 我地今次無座的士去機場, 只係座機場巴士, 丙丙想同我一齊座車, 所以佢一早由佢屋企去我屋企, 同我一齊座機場巴士, 好開心又興奮的一天, 呢日係我地拍拖1000 Days , 我地座7:00 的機場巴士, 因為半個鐘先得一班, 去到機場只係8:05, 眼見其他導遊已經現身唯獨我地果個未見, 心想佢唔係遲到丫嘛, 不消一會, 我地的導遊現身了, 佢分配boarding pass 比我地, 叫我地9:00 集合, 咁我地立即check in 同食早餐.

今次我地係gate 45, 所以要座無人駕駛列車, 10:05分開始上機.

今日天氣的係十分好, 次次同丙丙去旅行都總會一兩天下雨或天陰. 但今次天公做美, 5日都風和日麗, 由機窗向外望一片藍天白雲, 好美噢!!

呢個飛機餐都係牛肉意粉, d意粉有d乾, 一d 都唔好食, 好彩我地臨上機前食咗個豐富的早餐

全程大約4小時, 日本時間15:23分我地離開名古屋中部國際空港往市區進發~~~GO GO GO

導遊話行程的首同尾日最好的安排係shopping, 所以我地首個去的地方係<榮> 地下商店街

呢到係oasis 21, 是以"水的宇宙船" 為主題的商場, 以2000多噸玻璃建成, 令人有置身在水中央的感覺

商場內大部份的貨品都不合我心, 我地只係响呢間店舖到買咗puff, 但係佢包裝得太精美了, 我地不能即時進食, 所以唯有留待回酒店作飯後甜品

商場係內有地鐵直達,交通十分方便.

高80米的名古屋電視塔係呢到的地標, 建於1954年, 是日本首座集電波發射和展望台於一身的鐵塔.

呢果係我地第一次响日本見到的櫻花, 都係好美, 呢果叫做滿開. 導遊話成個花期只有14日, 所以要見到滿開並唔係一件容易的事, 上年日本forecast 錯誤開花期, 要响國民道歉, 所以今年改由日本氣象庁公告

下午6時正, 我地集合去食晚飯了.

申延閱讀

2009關西賞櫻之旅 - Day 1 (Part II)