離開道堀, 我地就响梅田進發
首先係番梅田新阪急酒店放下行李, 跟住再出食晚飯
呢間酒店都真係好方便, 從酒店可直達MTR 同地下商店街, 真係落雨都唔洗怕丫
之不過.. 呢間酒店真係細得可憐, 可以話我平生以來住過最細的酒店.. 其實呢間酒店一啲都唔平喎. 但係質數就....
仲有仲有要一提係.. 呢間酒店係仲未有冷氣的.. 如果想去的朋友要想清楚丫.. 佢地話呢個時候無需要開暖氣, 但冷氣又未有必要喎.. 所以乜都無.. 佢係無冷氣制架.. 所以連風都無.. 最後要勞煩我地導遊叫佢地幫我地開窗.. 因為係要匙來開的.. 仲要小心D唔好跌D 野落街..
放下行李之後, 我地就跟大隊往餐廳進發. 餐廳距離酒店只不過係幾條街之隔, 今晚食呢個係我的至愛烏冬.. 導遊話我地食完之後可以跟大隊一齊行. 介紹一下附近有乜多值得食同睇, 仲有最緊要係點座車去其他地方
本來我地都想聽下& 同佢一齊行下架.. 但係真係唔得啦.. 為何.. 咪就係30幾人一齊開個爐, 仲要係開25度唔開冷氣喎.. 我真係有d 丫, 所以我地同咗9秒9時間食完出去吹吹風..
講番呢餐先.. 都幾好食架.. 烏冬夠滑, 天婦羅(掛住食唔記得影)都得幾好食, 壽司好新鮮.. 一句講曬.. 呢餐係同day 1 果晚餐係全程旅行團包的最好味果2餐
食完飯時間都唔係太早啦.. 我地响附近周圍行下.. 睇下有乜building.. 跟住我地就去咗梅田スカイビル空中庭園展望台, 由於之前無睇到邊個方向.. 所以搵咗好耐先搵到..原來距離酒店都有一段路程, 好彩一早我print 咗張地圖出來. d 日本人見到我地問路就即係走人. 不過總算搵到
仲有大家記得上網print 張coupon 出來丫.. 本來入場費係700yen.. discount 後630 (即係10%discount), 仲有係50 yen coupon 可以响40樓到飲野. 但係間餐廳係9:00 closed 的.. 所以我地用唔著 (P.S. 如果買咗大阪 1 day / 2days pass 的朋友係唔洗錢入架)
首先要去到40樓, 跟住再座電梯
大阪的夜空唔會同東京比下去.. 閃閃的燈光, 高大的摩天輪.. 太美了.. 仲有係室外.. 所以拍攝得比東京時好好多.. 但係.. 實在太大風了.. 我都話帶腳架啦.. 又唔帶.. 咁大風點影喎... 哼!!!!!
大家記得臨走之前去蓋個印丫.. 响40 樓大堂到.. 要問information counter 就有呢張紙了.. (真係要多謝其他香港人提醒, 如果唔係都唔知响邊到拎丫)
離開梅田スカイビル空中庭園展望台之後, 我地本來想去食串燒, 一來搵唔到, 搵到果間又差唔關門, 佢地唔會好似東京咁, 開到05:00. 所以最終.. 我地去咗KFC了, 呢個餐(雞件+薯條) 成為830Yen, 可樂 130 Yen, 葡撻 230 Yen (即係HKD18.4) 講真.. 都幾貴下…
食飽過後我地就番酒店, 最後食我地响道頓堀的高島屋到買的士多啤梨作為飯後果
番酒店途中見到呢D串燒車, 有機會下次一定要試下呢D地道野
~End of Day 2~
申延閱讀
你地個烏冬晚餐有埋壽司咁正ge~~我地冇喎~~>_< 住梅田真好~~呢晚就可以去返空中庭園...我定住得遠...要day 3先去得... 你有冇影個星星地下? 好靚~~ 你部相機影梅田夜景都好靚ar~~ 期待你day 3 ge 日記~~
ReplyDelete[版主回覆04/18/2009 12:15:00]無壽司咪唔飽囉..
係丫.. 住梅田真係幾好... 如果去京都, 奈良, 神戶等都係由呢到出發
我地去完空中庭園仲周圍行咗一陣先番酒店.. 咁當然.. 我個團係貴過你丫嘛.. 所以可能咁住得方便d 囉
hoho.. 我地本來都有部40D架啦.. 不過我因為今次的旅行又買多部G10... 真係幾好用
Day 3 今晚先寫... 宜家出街.. BYE~~~
我哋住係神戶，酒店又大又靚，雖然離大阪遠啲但酒店連接商場，去和歌山又近啲......你遲我幾日去啲櫻花就滿開真好。我哋5day$4099.你呢？
ReplyDelete[版主回覆05/06/2009 23:33:00]我地本來係4月4日出發, 呢個團費係$5599, 但係我地果日唔成團, delay 咗一日, 4月5號係6199, 但佢地無加番我地價
woo!唔加價都貴成千五蚊，啲靚滿開櫻花真係值得由你去睇啦！
ReplyDelete