本來好想同丙丙放半日假一齊去360玩, 我地到今時今日仲未去過丫, 呢幾日仲要係咁好天, 但係丙丙話好多野做, 所以唔去得喎.. 吓.. 要番工咁即係無得準時走啦, 呢個真係頭痛丫, 又要食中菜, 又要唔貴, 又要响尖沙咀區... 真係考起我丫
但係呢小小野又點會難到我丫, 最終我選擇咗海景嘉福酒店的海景軒, 佢係洲際集團其下, 所以都唔會太差
前菜我地點咗蔥油海蜇, 份量好多, 但始終比不上上海老店
花雕蛋白蟹拑 ($98/隻) -- 蟹拑好大隻好鮮味, 花雕唔會太濃, 做都恰到好處, 蛋白都好香滑, 果然係招待菜
蜜梅京燒骨 ($128) -- 燒骨肉質鬆化, 但係略縑過, 但如果可以酸一點就更好了, 呢個都幾好食, 但有小小美中不足
丙丙話如果自己有焗爐都可以做到喎.. 嘿嘿!! 有機會等我買個焗爐睇下你係咪真係可以做到好似人地咁好食
黑松露菌炆雞件 -- 好有fushion, 但係無乜特別, 雖然隻雞好有雞味, 但係就食唔到黑松露的味道, 佢仲另外有個汁比我地, 驚我地唔夠, 但都係無乜味
呢到唔算話一間好超高水準的餐廳, 但如果以酒店的價錢來計佢都叫便宜了
仲有係HSBC credit card 有8折, 所以折咗之後呢一餐係$59x
No comments:
Post a Comment