3週年紀念日@爐端燒日本餐廳

雖然去唔到Le 188 Restaurant & Lounge, 但係我地都去咗呢間酒店餐廳爐端燒, 佢每逄星期六, 日同公眾假期都會供應相撲手任食午餐, 任食刺身, 壽司, 天婦羅, 爐端燒及其他等美食

任食係由12:00 ~ 2:00 佢地雖然係酒店餐廳, 但係就係海濱廣場二期果邊, 一去到見到門口就覺得佢地好日本餐廳 feel

呢張就係任食的order list, 都算係好多野食..


我地一早book 咗可以見到師父燒野食位置, 咁先可以感覺得到食野的風味

先來刺身拼盤 -- 有三文魚, 吞拿魚, 鯛, 花餃魚, 赤貝. 各樣野都好新鮮, 但可惜係山葵唔係用上新鮮的, 仲有我地今次係想食爐端燒, 所以都係re-order 咗赤背多一次

銀雪魚西京燒 -- 呢個真係必食之一丫, 好大件, 唔會係好薄身的, 仲有一片一片好多肉汁

close up 睇清楚d -- 平時出街食一件都幾有番咁上下都要一百啦.. 所以食多二件可以回本啦.. 我地都 re-order 多一次

海老塩燒 -- 好新鮮同好味, 仲有蝦膏tim.. 我地order 咗好多次呢~~~

蟹子沙律 -- 普通貨色, 唔食都唔可惜

原來d 雞翼, 銀雪魚係咁樣燒架.. 我都係第一次見, 係咪好得意呢

牛肉網燒 -- 我地叫五成熟, 但係我覺得有7成囉, 不過可能一個師父要做咁多order, 所以一時過咗, 雖然係咁, 但係都好好味


魷魚 -- 丙丙唔鐘意食魷魚, 但係呢個燒得好味丫, 又係仲有肉汁架

孤單的墨魚丸 -- 我的最愛, 但唔係太好食, 不吃也吧

跟住係多春魚同雞腎 -- good!!

仲有係本菇 -- 都好好味丫

close up 果雞腎比大家睇下先.. 好食.. 但點解無我最愛的牛舌呢??

雞翼 -- 要用好多時間來燒的, 但唔算太好食, 所以只order 咗一次

食咗一輪串燒之後, 我地又點番d 熟食先 -- 海蜇 -- 無論賣相同味道都係無驚喜, 不過我又想要d 乜驚喜呢??

土佐豆腐 -- 都幾好味

海老天婦羅同野菜天婦羅 -- 有水準之作


湯烏冬 -- 好滑, 但丙丙話鹹咗d 喎, 但我又唔太覺喎, 不過都係唔食, 因為呢d 太飽肚

枝豆 -- 送酒就最好

雞頸肉 -- 幾好味, 雞皮就食得多, 雞頸肉真係第一次食

魚餅 -- 又幾好味喎, 呢個真係估佢唔到

銀杏 -- 平時出去食都幾貴架, 我地又order 番一串先, 丙丙仲砌咗個心比我tim..

食咗咁多野... 真係要食番多d 菜丫.. 即刻點番個金菇先

so far 我真係唔覺得有人點竹輪, 但係我朼食丫, 所以師父燒得特別好.. 仲有放得靚靚比我

燒粟米係我的至愛, 仲架咗牛油, 超好味. 但太飽了, 唔係一定encore

呢個任食仲有野飲送, 最後來個雪糕為總結, 呢個係柚子雪糕, 第一次食呢隻味, 真係有柚子肉架

仲有係綠茶雪糕, 雖然綠茶雪糕成日食, 但好香綠茶味

呢餐真係好好味, 好值得推介, $310 一位, HSBC card 有10% discount

地址: 紅磡德豐街22號海濱廣場二期地下
電話: 2996-8438