不錯的越南菜@芽莊

上銀黏土班已差不多進入尾聲了, 放學食飯次次經過威靈頓街呢間芽莊見咁多人排隊, 係咪真係咁好食呢?? 因為蛇王芬隔離都有一間又係食越南野喎, 但係無乜人... 所以真係好想去試下, 但自己一個又唔會入呢d 餐廳,所以叫咗丙丙陪我去

我地點咗生牛肉河粉 ($39) (其實我唔多鐘意食河粉, 但係我好忙佢地會發漲,想轉濛粉, 但佢地無湯濛) ok.. 咁咪要番河粉囉

河粉好大碗, 無發漲, 煙韌有咬口, 有點出乎意料之外, 幾好味!! 再加上金不換,香葉,芽菜,洋蔥絲等,加些青檸汁和青&紅辣椒令湯底更加美味可口

牛肉分量大小, 得幾片

春卷 ($52)-- 即炸好脆好新鮮, 有幾片生菜, 但明明有6件卷, 點解唔比6件生菜呢??

軟殼蟹米卷 ($46) -- 呢個都係即製的, 所以要等15mins, 軟殼蟹都算新鮮 (有時食到好差的), 仲有蟹膏, 都算唔錯幾好食

佢地d 飲品都幾貴, ice tea 要$23一杯連加一就要$25架啦, 但係椰青都只係$26, 咁食咗咁多熱氣野當然要番個椰青下下火啦

 

呢間餐廳都係好多人, 我地進食其間不停有人走係等位, 仲有好多食客都唔係本地人, 例如我左手邊係日本人(其實佢係我舊公司同事Takao-san 同Akai-san, 又會座正响隔離, 宜我右手邊係台邊人, 再隔離係外國人. 咁當然都有好多本地人啦

 

 

同場加影

我地鐘意去呢間野到買蔘茶飲, 足料又好飲!! 睇佢地我門面就知有幾耐歷史啦~~~

無帶相機同手機影, d 質素都係差d, 下次都帶番相機