Dine@越色牛肉粉餐廳

我同丙丙一心想慳錢, 所以唔去d 咁貴的地方食飯, 本來以為去呢到平平地兩個人百多元就可以落樓, 但點知最終都要成2xx, 算吧! 話曬都係食得開心的一餐

我地點咗鮮蔬迷你春卷扎肉撈檬 ($43), 得2條細春卷同小小扎肉, $43 都係太貴, 不過好彩都幾好味.. 如果仲要唔好味.. 哼哼, 我一定會响呢到唱佢丫

生牛肉湯檬($35), 好太碗同味道都幾好, 跟咗香葉同芽菜, 但唔知我係咪對太古城 food court 的生牛肉湯檬情有獨中呢, 我始終都係鐘意食果間多d

炸軟殼蟹 ($68), 我覺得呢個都幾貴架, 一道有想過叫唔叫好, 但丙丙話想食咪叫囉, 都好大碟丫, 但係味道一般, 仲要係好細隻

越色蝦肉雞肉米卷 ($30), 呢個唔錯喎, 4件又唔算多, 兩個人食剛剛好

雖然 openrice 好多喊臉, 但我自己覺得不至於咁多喊臉, 又唔係真係話咁唔好食丫,不過不失啦

地址: 銅鐶灣登龍街永光中心地下