今日我再同丙丙去睇樓, 本來打算星期六先去, 但點知佢臨時要出trip, 所以改咗今日
我地今次去咗大圍的金禧花園, 佢地面積係463同416兩種, 又係新地發展商, 樓齡有24年啦, 都算舊, 不過單位都係正正方方, 實用得7成到, 但叫做交通方便, 第日沙中線都係响大圍為首站, 仲有大圍上面張來有大型屋苑, 聽地產經紀講大圍站將來會有5層多商場, 面積會大過沙田新城市廣場同又一城.
雖然大圍站上蓋會有大型屋苑, 但係呎價太高啦, 大約7K一呎, 我同丙丙都覺得貴, 所以都唔會買果到, 但係周圍有咁好發展, 所以金禧都算係一個好選擇, 不過裝修費就會好貴啦, 因為水管各樣都要換
UM.. 點 choice 好呢??
裝收得靚,都會住得好開心, 最重要係好價入市就好了, 慢慢看la, 加油
ReplyDelete[版主回覆03/20/2009 23:57:00]係就係, 但係始終要裝修得好靚第日先會賣都好價, 除非我地打算長住啦, 如果係住3年都唔會花太多錢去裝修果到. 咁當然又唔會話唔裝修啦. 始終裝俢係一次過比.. 唔係分期
所以我同bf都唔知點, 所以我地成日睇, 唔敢停,又怕有好野又唔知, 跟住自己又唔開心, 但tko果d樓,個境唔太好,好又好貴....
ReplyDelete[版主回覆03/21/2009 11:10:00]康城果邊第日有新樓, 你覺得果邊到呢
btw, 你仲乜咁夜都唔訓丫
7千蚊尺唔駛買大圍啦 , 西九龍好多樓都係咁上下價錢咋BOR
ReplyDelete[版主回覆03/24/2009 11:18:00]我都知.. 但係想近屋企丫嘛.. 無計