必食之選@湖舟

响早前飯食男女中, 呢間係其中一間被選為香港人心目中的米芝蓮,就係咁, 我都要會一會呢間為香人港中心目中的米芝蓮

銅鑼灣有不小日本餐廳, 豐儉由人, 要算的上好質數同多選擇的, 非恒和鑽石大廈同渣甸中心也. 現在食日本菜的心態, 每每先試佢地的set lunch, 好食的話先再夜間光顧, 大家可知一餐的晚膳的價錢往往比午市定食貴幾陪或以上, 如果午市比我 KO 咗的話, 咁就唔洗多花金錢於晚膳上了

湖舟的食材質數非常新鮮,值得一吃再吃 . Encore 指數100%!! 為何? ?請看下身分解

我地首先點咗 ホツト メニコ一 ($175)
~有鰻魚糯米飯, 蒸蛋, 麵豉湯, 刺身 同漬物 

鰻魚糯米飯對我來說有點兒失望, 又或者之前見blogger 個個都話好味, 但出來係個鰻魚唔夠鮮甜, 但就比較特別, 估唔到d日本人都會食糯米飯, 佢呢個糯米飯係估係跟鰻魚一齊蒸, 因為佢個器皿下有多個小孔

佢呢個蒸蛋可以話我响香港食過最好味的一個, 好香, 好滑. 比壽司廣做得更出色

呢個miso 非一般的貨色, 用上多類鮮魚同豬用, 比起坊間的好上好幾陪, 鮮甜好味

雖然係百多元的定食, 但刺身就用上海膽, 鮑魚同銀雪魚等高當食材, 今次我都係第一次食銀雪魚, 真係好甜好鮮味, 係未食過咁好味丫

我地仲有點咗個三色don ($185), 有三文魚子, 海膽同蟹肉, 出手極之闊綽, 舖晒成個面都係. 海膽鮮甜無比,跟上次去日本時所食到的味道差唔多, 觸動我心靈的深深處, 三文魚子也不會過鹹, 單吃或配上飯吃絕對很好, 蟹肉都好肥美, 超鮮甜. 不要以為只有上面的一小層,其實下面還有很多.

zoom 個近鏡睇多次

最後來個生果, 消化一下食到咁飽肚

我好肯定, 將會好快好快再光顧呢個食店

地址: 銅鑼灣渣甸街50號渣甸中心10/F
Tel: 3580-8928