壽司廣 & 天扶良

大家會唔會覺得好奇怪點解我個標題會有兩間食店呢, 而呢2間都係位於銅鑼灣的亨利中心, 原因係呢2間都係同一集團, 壽司廣主要係食壽司, 刺身同一般日本食物, 而天扶良主要係食天扶良的, 因為佢地店子太小的關係, 好多時你book 其中一間, 如果佢地係無位的話, 佢會安排你座另外一間, 但大家唔洗擔心, 因為佢2間的餐牌都有供應, 仲有係天扶良個間都有壽司bar 師父座陣的

去呢間到食晚食, 一定要book 位, 我地來過幾次, 每次都係因為心血來潮的關係, 所以都係walk-in, 但次次都好full 要去到9點幾10點先有位, 我地一向都唔會咁夜食飯的, 所以最終都無食到, 但今次 --我地都係當日早上book, 但係都係得番6:30, 但要食到8:00就交枱, 心想, 係唔係真係咁好食咁多人去食丫?? 好雖然時間有d 趕, 但想食咁多次都次唔到, 好啦, 早就早d, 去食啦!!!!

首先來個餐前小食, 如果你叫set 呢, 佢就唔會有呢個餐前小食的, 但如果你叫 a la carte就要比呢個餐前小食啦. 呢個餐食小食一d 都唔平, 為$50 仲要加一, 即係你乜都未食, 2人計就要比$110啦) 我未開始品嚐佢d食物之前, 前呢樣野已經先扣分了

佢個餐前小食係呢一杯梅酒的, 唔可以為係我地平時叫我好味梅酒, 味道只不過係我地向超級市場買到的梅酒汽水一樣, no good!!

跟住再來餐前小食, 味道一般啦

先來個油金魚刺身, 左手邊係薄切的,右手邊係油金魚粒+蔥粒

油金魚都幾鮮味, 但係比起上次响Yamm 食的, Yamm 就仲鮮甜過佢, 所以開始覺得Yamm 都係好抵食

上次去食東京和食個時講到隻碟係好重要的, 因為佢係襯托著食物, 所以你睇下呢個碟, 都係帶起咗食物的美感, 就好似藝術一樣

跟住來個帆立刺身, 好鮮甜, 好厚用, 仲要係無冰凍的感覺, GOOD

大toro, 呢果我個人覺得差點點, 我唔記得咗幾錢一件, 但係唔平的, 唔係話佢唔鮮, 都有入口即溶的感覺, 但鮨處松戶好樣好味一點兒(雖然openrice都有好幾個食評話佢唔好食, 但我個人覺得又唔係咁差)

牡丹蝦壽司, 幾好味, 但唔算話好甜果種, 但好爽口, 好新鮮

海膽壽司--真的不得了, 你睇..超多丫.. 差唔多瀉曬出來

食食下, 店員拎咗我地先前點的牡丹蝦頭來. 仲要係炸過 tim, 好香口.. 唔係咁多到地方唔叫都會自動整呢個, 有驚喜, 值得加分

跟住我地再encore 咗幾種壽司, 圖中為海鰻壽司

店員話d 魚生剛剛落機, 所以要我地等一陣, 响呢個其間, 我地又點咗蟹子沙津

唔係店員唔講, 我都唔知點解呢個蟹子沙津咁貴, 原來佢唔係用蟹柳, 而係用真蟹去起肉做成的, 好唔好味的蟹子沙津在於青瓜. 呢個都係我一定無意中响一間日本餐廳發現的, 原來佢地只係用青瓜綠色的表面, 個心白色的部份係唔要的.. 我覺得有點兒浪費, 但做出來又真係特別好味喎

來到天婦羅點, 我地又點可以唔試下天婦羅呢, 平時食天婦羅, 大多數都係點野菜又或是海老, 今次我地見到餐牌上有貝類天婦囉, 一於試下呢個啦, 呢碟天婦羅只得五件, 都好貴下, 令我印象最深係左手邊黑色個件, 佢真身係海膽, 佢係用紫菜包住d海膽, 再上天婦羅粉去炸, 好有創意, 但唔係話咁好味, 我覺得就咁食海膽先可以食到佢的鮮味

平時食天婦羅都只係會供應天婦羅汁, 但今次佢仲比咗綠茶鹽

我到的幾好彩, 本來話去到8:00, 但係因為跟住個張枱delay 咗, 所以我地可以食到8:30, 仲有係我地又早到咗, 所以今餐都食咗2個幾鐘, ok 啦. 最後佢送上甜品, 我要咗士多啤利雪糕, 味道ok 啦

今餐真係食得好貴丫, 丙丙都無話比我知幾錢, 佢話費事我肉痛喎, 其實我地都唔係點咗好多野渣, d 野都係細細件, 所以要我食夜晚, 我估未必有下次或者要等下囉

反而好多人都話佢個 lunch set 好平, 好抵食, 所以下次要來試下佢個set lunch 呢

地址: 銅鑼灣亨利中心 10/F
電話: 2822-8752