澳門之旅 -- Day 2 (Part II)

本來我地打自去威尼斯人, 但到咗威呢斯人之後發現差唔多12點了, 雖然食完早餐都未過3個鐘, 但聽好多人法蘭度多人等, 所以都係早d 去有著數

就係咁, 我地即刻由威尼斯人座的士去法蘭度餐廳了, 我地去到的只不過12:05, 但係已經要等位了, 以我所知, 佢地係開12點的, 即係d食客係剛剛入座, 我地至小要等一個鐘或以上, 原因係我地之前仲有大約10張枱, 而2人枱就係第3張

佢好得意的, 無人會幫你登記, 你要由正門入內堂, 自己响張紙到寫下你個名同幾多人, 無人會理你架

由正門入內堂, 會剛過一條張張的走廊, 兩旁有不小名片同不同國家的貨幣, 上面大多有簽名, 有不小名人都來此地用餐

呢張係廚房門口到影的, 廚房門口聞到香噴噴的炭香味, 師傅不停地切燒乳豬, 呢果係呢到好出名的, 所以我地都決定會點呢果

我地都算好好彩, 等到12:25就開始叫第一張2人枱, 仲要係之前個d人行開咗, 所以我地就成為第一張入座的人啦.

首先來個麵飽, 皮好脆, 但唔夠唔較熱, 都ok啦

跟住來個燒乳豬, 皮好脆但肉好淋, 淋都好似有d 梅咁, 無豬肉味, 我估佢地係煮熟咗先拎去燒, 仲有係d乳豬好多肥膏. NO GOOD

跟住我地叫咗蜆汁蝦, 個蝦超唔掂, 唔新鮮, 超梅, 如果我無記錯好似要($16X), 仲貴過燒乳豬, 但個汁就幾好味, 同來點飽食一流

呢到係無水供應的, 我地叫咗二罐可樂, 一罐要$15, 好貴

總括來講, 我只可以話呢到係名過其實, 一點也不好吃, 不值得千里迢迢來呢到食, 仲要係又貴又唔好食. 我一定唔會再來.

地址: 路環黑沙海灘9號

~~To be continued