上海5日4夜之旅-- Day 3 (Part I)

去到第3日啦, 今日我地起得特別早, 點解, 咪就係為咗我地今日唯一的行程-- 周庄

去周庄要响上海體育場的旅遊集散中心到買票. 由人民廣場出發去上海體育館要座6個站, 出發前我去睇過網友blog 話出咗地鐵都要行一段路, 所以我地早小小起身, 早小小出發.

食過早餐之後, 我地8點幾就出發去旅遊集散中心, 當天的天氣好凍丫, 後來發現响市區當天只係得零度. 咁我地去郊區水鄉咪.. 無錯, 係超凍. 我地出發前都無想過會咁凍的, 早知就會帶多d 衫去啦

言歸正傳, 上到地鐵站响1號出口出, 指示牌好清晰, 好容易找到, 但係真係要行一段的路,

呢個就係上海體育館啦, 經過呢到仲要行好長的路先到

終於到咗旅遊集散中心啦, 呢到除咗有周庄的tkt 買, 仲可以買到其他的, 如朱家角, 同里等, 周庄的門票+來回車費合共RMB140/head, 我覺得都幾貴架. 但係來到上海, 點都想去水鄉一遊

我地9點鐘已經到達集散中心, 最快要9:45先有車去周庄, 所以我地買咗呢班車, 回程時間為16:20

初時好擔心唔知座乜野車去架, 你知啦, 要座大陸d 巴士, 你都咪話唔驚, 車上多數都係外國遊客, 左手邊同右手邊都係2人座位, 椅背仲可以响後.