上海5日4夜之旅 -- Day 4 (Part V)

去到上海, 甚可以唔一嘗蟹粉呢

位於南京路附近一間國內酒店--王寶和大酒店5樓的寶和廳, 全年供應淮揚菜, 打開菜單, 除了冷盤外, 無一不是以蟹為做主題

踏進酒店, 一貫國內傳統黃色的水晶燈, 座升降機上到5樓, 餐廳豪華的裝飾, 即席的中樂表演, 頓時心情開朗, 食慾大增.  此餐廳以日本人用膳居多.

虾油嫩醉鷄, 呢個好好味丫, 响香港都無食過咁好味的醉鷄, 唔知係唔係因為佢係用虾油做的關呢

脆皮海蟹鉗 -- 平時食的蟹鉗其實係虲絞做的, 但呢個菜係用的真正的蟹來做的, 雖然細細隻, 但係好好味呢, 番香港就搵唔到有呢個菜了

蟹粉嫩豆腐 -- 好真材實料, 好香蟹粉味, 但係呢個菜食小小就好飽了

 蟹粉三絲煮 -- 又係一個用蟹粉做的湯, 好好味

 蟹粉小龍飽 -- 上枱已經急不及待食咗啦, 都唔記得影相, 好多汁, 好味

呢餐我比好高評級, 比起新吉士的喜歡呢間多d, 仲有係有中樂表演, 門口仲見到不小定位酒席.

地址: 九江路555號王寶和大酒店5樓

Tel: 539-5000